Rəbbin xeyir-duası sizinlə olsun!
II Fəsil
«Incil»də hansı dəyişikliklər aparılmışdır?
Müqəddəs kitabların hamısı Kainatın Yaradıcısının Allah olduğunu təsdiqləyir. O, öz
qüdrətli əllərilə yer üzündə və göylərdə olan hər şeyi idarə edir. Bunun üçün Rəbbə şükürlər
olsun!
Rəbb Allah bütün insanlara iradə azadlığı və müstəqil seçim imkanı verməklə
kifayətlənməmişdir. O, eyni zamanda yer üzündə yaşayan insanlara həqiqət, xeyirxahlıq və
ədalət yolunu göstərmək üçün Öz peyğəmbərlərini də yollamışdır. Rəbbin Sözü insanlara əbədi
həyata gedən yolu göstərən xəritə kimidir.
Təəssüflər olsun ki, bir çoxları bu kəlamların hələ də həqiqət olaraq qaldığına şübhə edirlər.
Bə`ziləri iddia edirlər ki, Müqəddəs Kitabda (əvvəlki fəsildə haqqında danışdığımız Tövrat,
Zəbur və Incil kitablarının birlikdə cəmləşdiyi kitab) bir çox ayələrin mə`nası dəyişdirilmişdir.
Bu, çox ağır bir ittihamdır. Çünki Allahın sözünü dəyişdirməkdən daha böyük günah ola
bilərmi?
Məsihçilərin ünvanına olan bu cür ittihamların nə dərəcədə həqiqətə uyğun olduğunu
aydınlaşdırmaq bizim müqəddəs borcumuzdur.
Əgər Müqəddəs Kitabda Allahın mücdəsi dəyişik şəkildə verilmişdirsə, deməli, milyonlarla
insan yanlış bir inancla yaşayırlar. Çünki Müqəddəs Kitab dünyada ən geniş yayılmış kitabdır
və təxminən 2000 dildə tərcüməsi mövcuddur. Onda belə çıxır ki, onu oxuyan hər kəs yanlış
xəritənin göstərdiyi yolla gedir.
Odur ki, biz
ya Müqəddəs Kitabın həqiqətən də təhrif olunduğu faktını aşkara
çıxarmalı (əgər bu həqiqətən də belədirsə), ya da bütün ittihamları birdəfəlik aradan qaldırmalı,
onların əsassız olduğunu sübuta yetirməli və bununla da bütün çaşqınlıqları aradan
qaldırmalıyıq.
Qur`ani-Kərim buyurur:
«Ey iman gətirənlər! Allaha və peyğəmbərinə, Onun Öz peyğəmbərinə
endirdiyi Kitaba (Qur`ana) və ondan əvvəl nazil etdiyi kitablara iman
gətirin! Allaha, Onun mələklərinə, kitablarına, peyğəmbərlərinə və axirət
gününə inanmayan şəxs, şübhəsiz ki, doğru yoldan çox azmışdır» (ən-
Nisa 4:136).
Qur`ani-Kərim Müqəddəs Kitabın dəyişdirilməsi faktını təsdiqləmir, lakin yəhudilərin və
bə`zi xristianların öz Müqəddəs Kitablarından uzaqlaşdıqları, orada yazılmış qanunlara əməl
etmədikləri haqda bir neçə ayədə göstərilmişdir.
«Sizin əlinizdəkini (Tövratı) təsdiqləyici kimi göndərdiyimə (Qur`ana)
iman gətirin! Onu inkar edənlərin əvvəlincisi siz olmayın! Mənim
ayələrimi ucuz qiymətə satmayın və ancaq Məndən qorxun!» (əl-Bəqərə
2:41).
«Siz bilə-bilə haqqa yalan donu geyindirib, onu gizlətməyin!» (əl-Bəqərə
2:42).
«O özlərinə zülm edənlər onlara deyilən sözü dəyişdirdilər...» (əl-Bəqərə
2:59).
«Vay o şəxslərin halına ki, öz əllərilə Kitab yazıb, sonra bir az pul
almaqdan ötrü: «Bu Allah tərəfindəndir!» - deyirlər. Öz əllərilə təhrif
olunmuş kitab yazdıqlarına görə vay onların halına! Qazandıqları şey
üçün vay onların halına!» (əl-Bəqərə 2:79).
«Yoxsa siz Ibrahimin, Ismailin, Ishaqın, Yə`qubun və onun övladının
yəhudi və ya xaçpərəst olduqlarını iddia edirsiniz? Onlara de: «Sizmi,
yoxsa Allahmı daha yaxşı bilir?» Allah tərəfindən xəbər verilən bir
həqiqətin şahidi olduğu halda, onu gizlədəndən daha zalim kim ola
bilər?» (əl-Bəqərə 2:140).
«Indi yönəldiyin qibləni (Kə`bəni) yalnız sənə tabe olanlarla səndən üz
çevirənləri bir-birindən ayırd etmək üçün tə`yin etdik» (əl-Bəqərə 2:143).
«Kitab verdiyimiz şəxslər onu öz oğullarını tanıdıqları kimi tanıyırlar.
Buna baxmayaraq, onların bir qismi, şübhəsiz ki, həqiqəti bilə-bilə
gizlədir» (əl-Bəqərə 2:146).
«Kitabda insalara aşkar etdiyimiz dəlillərdən sonra göndərdiyimiz
nişanələri və doğru yol göstərən ayələrimizi gizlədən şəxslər Allahın
lə`nətinə düçar olar!» (əl-Bəqərə 2:159).
«Allahın nazil etdiyi kitabda olanları gizlədənlərin və onun müqabilində
bir az para alanların yedikləri qarınlarında ancaq oda dönəcəkdir!» (əl-
Bəqərə 2:174).
«Ey kitab əhli, nə üçün bilə-bilə haqqa yalan donu geyindirir və doğrunu
gizlədirsiniz?» (Ali-Imran 3:71).
«Kitab əhlindən bir zümrə də vardır ki, siz onların oxuduqlarını
Tövratdan hesab edəsiniz deyə kitab oxuyan zaman dillərini o tərəf-bu
tərəfə əyirlər. Halbuki, onların bu oxuduqları Kitabdan deyildir. Onlar
isə: «Bunlar Allah tərəfindəndir», - deyirlər. Bunlar heç də Allah
tərəfindən deyildir. Onlar bilə-bilə Allaha qarşı yalan söyləyirlər» (Ali-
Imran 3:78).
«Allah
kitab
əhlindən:
«Siz
onu
gizlətməyib,
insanlar
üçün
aydınlaşdırmalısınız!» - deyə əhd aldığı zaman onlar bu əhdə dal
çevirdilər...» (Ali-Imran 3:187).
«Yəhudilərin bir qismi Tövratdakı sözlərin yerini dəyişib təhrif edir və
dillərini əyərək dinə tə`nə vurmaq məqsədilə: «Eşitdik və qəbul etmədik»,
- deyirlər» (ən-Nisa 4:46).
«Onlar sözlərin yerlərini dəyişib təhrif edir və xəbərdar edildikləri
şeylərin bir hissəsini unudurlar. Onların bir qismi müstəsna olmaqla, sən
onlardan həmişə xəyanət görəcəksən. Bununla belə, onları bağışla,
