Kalit so’zlar

ELEKTRON PEDAGOGIKADA RAQAMLI TA’LIM JARAYONINI TASHKIL ETISHDA DIDAKTIK TAMOYILLAR


Raqamli didaktika – pedagogika sohasi, ilmiy yo‘nalishi bo‘lib, uning predmeti ta’lim jarayonini raqamli o‘zgartirish, raqamli iqtisodiyot va tarmoq jamiyatiga o‘tish sharoitida o‘quv jarayonini tashkil etishdan iborat.
"Raqamli didaktika" tushunchasi birinchi marta 2010-yillarning oxirida ilmiy nashrlarda paydo bo'ldi.
“Raqamli didaktika” atamasi eskirgan “Ta’limni axborotlashtirish” atamasi o‘rniga kiritildi, bu o‘qituvchilar tomonidan ommaviy axborot-kommunikatsiya texnologiyalaridan foydalanish asosida o‘quv jarayonini raqamli o‘zgartirishning birinchi bosqichini aks ettirdi.
Raqamli didaktikaning predmeti raqamli ta’lim muhitida talaba faoliyatini tashkil etishdan iborat.
Ta’limda raqamli ta’lim jarayonining didaktik tamoyillari
Ta'lim va tarbiyaning raqamli didaktikasi izchil ravishda ta'limning an'anaviy didaktik tamoyillari tizimiga tayanadi, ularni raqamli o'quv jarayoni sharoitlariga aylantiradi, shuningdek, quyida taqdim etilgan bir qator yangi tamoyillarni kiritadi.
Electron ta’lim ham barcha ta’lim turlari kasbi muayyan tamoyillar asosida tashkil etiladi

- rasm.
Quyida ushbu tamoyillarning mohiyati ochib beriladi.
1. Interfaollik tamoyili (u talaba va o‘qituvchi o‘rtasidagi aloqani ta’minlab qolmay, balki talabalar o‘rtasida o‘zaro aloqani yuzaga keltiradi).
2. Boshlang‘ich bilimlarga egalik tamoyili (masofaviy o‘qitish tizimida tinglovchilarning oldindan tayyorgarlik ko‘rishlari, texnik vositalari - kompyuter, model, elektron doska va b. bilan ta’minlanishi, Internet aloqa tizimiga ulanishi, tizimda samarali ishlay olish malakalariga ega bo‘lishlar muhim).
3. Individuallik tamoyili (bu tamoyil real o‘quv jarayonida kirish va oraliq nazoratlari o‘tkazilishini, ularning natijalarini tahlili asosida individual o‘quv rejalari tuzilishini ifodalaydi).
4. Identifikatsiyalash tamoyil (u masofaviy o‘qitish tizimida mustaqil ta’lim natijalarini nazorat qilish shakli bo‘lib, talabalarning BKM darajasini o‘rganishda bevosita muloqot videokonferensiyalaridan foydalanish, shu maqsadda samarali texnik vositalarni qo‘llashni nazarda tutadi).
5. Ta’limning aniq vaqtga asoslanishi tamoyili (unga ko‘ra o‘quv jadvali qat’iy rejalashtiriladi va rejalashtirilgan jadvalga qat’iy rioya qilinishi nazoratga olinadi).
6. Ta’limning oshkoraligi va o‘zgaruvchanligini ta’minlash tamoyili (masofaviy ta’limning yosh, ma’lumoti jihatidan turlicha bo‘lgan talabalar uchun qulayligini, o‘qitishning ochiq rejalashtirilishini; ta’lim vaqti, sur’ati va joyini erkin tanlash imkoniyati mavjudligini; o‘quv mashg‘ulotlarida ixtiyoriy qatnasha olishini, izchillik, tizimlilik, uzviylik nuqtai nazaridan o‘quv materiallarining muntazam o‘zgarib borishini ta’minlash imkoniyatiga egaligi tavsiflaydi).
7. Zamonaviy axborot texnologiyalarini qoilashning pedagogik maqsadga egaligi tamoyili (unga ko‘ra masofaviy ta’lim tizimini loyihalashtirish, yaratish va tashkil etishda mavjud texnik vositalarini maqsadga muvofiq qo‘llanilishi tahlil qilib borilishi hamda ularni qo‘llashda yo‘l qo‘yilishi ehtimoli bo‘lgan xatolarning oldi olinishi lozim).