106
sonradan lazım olmayan, tamamilə gərəksiz şey kimi kənara atılan, heç bir yerdə istifadə
edilə bilməyən hər hansı bir məhsulun əldə edilməsi üçün vaxt itirməyə və zəhmət
çəkməyə dəyməz. Əgər çılpaq şəkillər baxıldıqdan sonra cırılıb yandırılmazsa, mütləq
kiminsə əlinə keçəcəkdir. Bir qədər baxıldıqdan sonra məhv ediləcək şəklin hansı
məqsədlə çəkildiyini başa düşmək olmur. Bəla burasındadır ki, ərlə arvadın ayrı-ayrılıqda
və yaxud birlikdə olan çılpaq şəkilləri sonradan internetə düşə bilir. Boşanmadan sonra
qarşı tərəfi biabır etmək üçün belə addım atıla bilər. Bir çox hallarda çılpaq şəkillərin
internet vasitəsilə yayılmasının özü boşanmaya səbəb olur. Neçə-neçə ailənin məhz həmin
səbəbdən dağılmasına dair məlumatlar getdikcə artmaqdadır. Arvadın özü, yaxud rəfiqələri
onun çılpaq şəkillərinin internetdə yayılması haqqında məlumat əldə ediləndən və
dəqiqləşdiriləndən sonra ailədə möhkəm söz-söhbət yaranır, mərəkə qopur. Arvadın bunu
heç vaxt arzulamadığı, xahiş etmədiyi, razılıq vermədiyi və hətta xəbəri olmadığı bir halda
belə yaramaz əməlin törədilməsi onun haqlı narazılığına səbəb olur. Şəkillərin erotik
pozalarda çəkilməsi vəziyyəti xüsusən qəlizləşdirir. Bunun necə edilməsi, hansı məqsədlə
törədilməsi, nəyə görə baş verməsi sualına cavab verməkdə çətinlik çəkən ərlə
münasibətlər getdikcə gərginləşir. Əlbəttə, belə hallarda yerinə yetirilən ilk iş bütün belə
fotoların yubanmadan yığışdırılmasından, internet məkanından kənar edilməsindən ibarət
olur. İnamın itməsi bundan sonra kişi ilə qadının bütün münasibətlərinin kəsilməsinə
gətirib çıxarır. Əlbəttə, bunun ardınca tərəflər boşanmanın rəsmiləşdirilməsi üçün
məhkəmə zalında «görüşməli» olurlar.
Vəziyyət elə gətirib ki, adam öz elektron poçt yeşiyinə rahat baxa bilmir, birdən
keçmiş yoldaşlardan (sinif yoldaşı, tələbə yoldaşı, əsgər yoldaşı, səfər yoldaşı, iş yoldaşı və
sairə) kiminsə öz arvadının pikant
117
fotoqrafiyası ilə məktub göndərməsindən qorxur.
Artıq belə fikirlərin bir zarafatla söylənilməsi zamanı arxada qalmışdır, indi hər cür əməllə,
ağlagəlməz hərəkətlə rastlaşmaq mümkündür. Abır-həyanın saxlanması yolunda aparılan
mübarizə artıq konservatizm, mühafizəkarlıq sayılır. Çox vaxt gəlinən qənaət belə olur:
«Köhnəlik tərəfdarı, köhnəpərəst, tərəqqi düşməni, yeniliyə zidd olan adam belə düşünə
bilər».
Arvadın icazəsi olmadan onun çılpaq, lüt-üryan şəkillərinin əri tərəfindən saytda
yerləşdirilməsi bağışlanmaz bir pozğunluqdur, insana yaraşmayan bir hərəkətdir, yalnız
əclaf adama xas olan bir davranışdır. Təəssüf ki, qadınlar belə alçaqlıqla, əclaflıqla,
nacinsliklə, yaramazlıqla tez-tez rastlaşırlar. Ümumiyyətlə, belə bir addım şəxsiyyətin
azadlığına təcavüzün bir formasıdır, bir nankorluqdur, bir çirkinlikdir, natəmizlikdir,
murdarlıqdır, nakişilikdir, abır-həyanın olmamasının bariz göstəricisidir, bir rəzillikdir, cılız
düşüncə nişanəsidir.
Bəzən kandaulezist ər çılpaq halda olan arvadını videoyazıya almaqla
məqsədinə çatır. Video görüntülərilə məhdudlaşan kandaulezizm video kandaulezizmi
adlanır. Latınca video – baxıram, görürəm deməkdir. Kişi lüt-üryan arvadını lentə köçürür,
sonra belə videokassetləri başqa kişilərə, ilk növbədə tanışlarına nümayiş etdirir. Deməli,
video
118
kandavlist kişinin arzusuna çatması üçün yararlandığı bir vasitəyə çevrilir.
Yüngül kandaulezizm müşahidə olunan ər çılpaq arvadına başqa kişilərin yalnız
baxmasını, sadəcə göz yetirməsini arzulayır, bundan artıq heç nə istəmir. Buradan belə
çıxır ki, yüngül kandaulezizm müşahidə olunan ər arvadını başqa kişilərlə daha bölüşmək
107
istəmir. Belə ər arvadının bədənində daim başqa kişilərin baxışlarının «izlərini» axtarır.
Arvadının gözəl bədəninə baxıb ona yiyələnmək istəyən kişilərin bunu necə arzu
etdiklərini sadəcə görmək, kənardan sezmək kandaulezisti qane edir, onun seksual
tələbatının təmin olunmasına gətirib çıxarır. Yüngül kandaulezizmin xas olduğu ər arvadını
çılpaq halda yalnız elə kişilərə göstərmək istəyir ki, onlardan heç bir real «təhlükə»
gözlənilmir. Arvadına əl uzada, onu yatağına sürükləyə bilən kişilər yüngül kandaulezizmə
malik əri maraqlandırmır. Buna görə tamamilə xətərsiz saydığı kişilərin yanında arvadını
çılpaqlaşdırmaq istəyir. Məsələn, yuxarı məktəb yaşlı oğlanlara, etibar etdiyi dostuna,
yaxın tanışına arvadın çılpaq halda göstərilməsi halları çox müşahidə olunur. Aydındır ki,
yuxarı məktəb yaşlı oğlanlar kişinin arvadına əl atmağa, ona toxunmağa cürət etməzlər.
Ehtirası aşıb-daşan həmin oğlanlar sadəcə başqasının çılpaq arvadını diqqətlə gözdən
keçirə və onu masturbasiya vaxtı öz fantaziyalarının mərkəzində yerləşdirə bilərlər. Başqa
kişilərin onun arvadına gözlərini zilləmələri, artıq heç bir hərəkətə yol vermədən yalnız
«boş-boşuna» tamaşa etmələri kandaulezist ərin ən çox arzuladığı və maraqlandığı
səhnədir.
Yüngül kandaulezizmdən əziyyət çəkən ərin portretini belə təsəvvür etmək olar:
öz arvadını sevir, lakin gözləri önündəcə kiminsə ona sahiblənməsini arzu etmir, bunu heç
vaxt xəyalına gətirmir. Başqa kişilər arvadını çılpaq halda gördükdə bundan çox
ehtiraslanır, seksual oyanma əldə edir. Arvadının çox yaxşı formada olduğunu və heç bir
kompleksdən əziyyət çəkmədiyini güman edir. Arvadının həmişə sinəsi açıq paltar və qısa
yubka geyinməsini istəyir. Yay fəslində arvadını dövri olaraq toplesə
119
təhrik edir,
hərdənbir imkan düşüdükcə onu «nyu»
120
fotoqrafiyalayır. Arvadının çox müxtəlif erotik
pozalarda olan çılpaq şəkilləri adətən ailəyə məxsus adi albomda saxlanılır. Arvadın belə
şəkillər üçün xüsusi bir albom ayırmaqla bağlı təklifi ərinin ürəyincə olmur. Əri belə bir
təklifi hər bir vəchlə qəti surətdə rədd edir, ona görə ki, ayrıca albomun qonaq yanında üzə
çıxarılması ehtimalı azalır, ancaq ailə albomunda saxlanılan şəkillərin tez-tez qonaqların
gözünə sataşması, onların nəzərləri altına düşməsi ehtimalı çox olur və bundan kişi
məmnunluq duyur. Belə hallarda mübahisəyə heç bir zəmin olmur, çünki şəkillərin
təsadüfən aşkara çıxarıldığı qənaətinə gəlinir. Albom yerinə qoyulduqdan sonra hər şey
unudulur, növbəti dəfə qonaqlar baxarkən yenidən yada düşür.
Arvadın dövri olaraq toplesə təhrik edilməsi kandavlist ailəsi üçün səciyyəvi
haldır. Toples düşüncəsiz bir təşəbbüs, ehtiyatsız və tədbirsiz bir addımdır. Toplesdən
sonra qadın döşlərinin özündə gizlətdiyi füsunkar müəmmadan əsər-əlamət qalmır.
Ömrünün 50 ildən artıq bir müddətini filmlərdə aktiv iştirak etməklə keçirmiş məşhur
alman kino və teatr aktrisası Luitqard İm (Luitgard Im)
121
deyirdi: «Toples kişiyə əvvəlcə
açmacasını, sonra tapmacasını göstərən ağılsız bir cəhddir». Onun həmin sözləri bir aforzm
olaraq əksəriyyətin dilindən düşmür.
Arvadın çılpaq şəkillərinin və yaxud erotik video görüntülərinin başqa kişilərə
göstərilməsi haqqında ona qabaqcadan məlumat verilib-verilməməsindən asılı olaraq
yüngül kandaulezizm öz növbəsində iki növə ayrılır: 1) xəbərdarlıqsız kandaulezizm; 2)
xəbərdarlıqlı kandaulezizm.
Əgər kişi qadının xəbəri olmadan onun çılpaq şəkillərini və yaxud intim
səhnələrin yer aldığı video görüntülərini başqa kişilərə göstərirsə, belə hadisəyə
Dostları ilə paylaş: |