Kandavlizm Şahin Böyükağa oğlu Əlibəyli Candaulism
Yüklə 5,01 Kb. Pdf görüntüsü
|
112 (candaulesismus coactus) adlanır. Ona başqa sözlə könüllü kandaulezizm də deyilir. Qadın ərinin kandaulezist davranışına müxtəlif səbəblərdən etiraz etmək istəmir. Həmin səbəblərdən asılı olaraq könüllü kandaulezizmin aşağıdakı növləri ayırd edilir: 1) marginal kandaulezizm; 2) mutual kandaulezizm. Ərinə hörmət əlaməti olaraq deyil, sadəcə onun var-dövlətinə, zir-zinətinə göz dikən qadının kandaulezistik təklifi müsbət qarşılaması marginal kandaulezizm (candaulesismus marginalis) adlanır. Kandaulezistik təklifi eşidən qadının özünün bunu alqışlaması hadisəsi mutual kandavlizm (candaulesismus mutualis) adlanır. İngiliscə mutual – qarşılıqlı deməkdir. Mutual kandavlizm iki səbəbdən irəli gələ bilər: 1) arvadın kandavlistik təklifi gözləməsi və bunu onun gözəlliyinə biganə qalmamağın bir nişanəsi kimi dəyərləndirməsi; 2) arvadın ərindəki kandavlistik meyldən öz məqsədlərinə yetişməsi naminə sui-istifadə etməsi. Bəzən paradoksal, qəribə bir vəziyyət yaranır. Kişinin həmişə qısqanmalı olduğunu fikirləşən, onun qısqanmadığını gördükdə artıq sevmədiyi qənaətinə gələn qadın kimi, ərinin daim onu tərifləməsini istəyən, gözəlliyindən danışmasını arzulayan arvad da olur. Bu qəbildən olan arvad həmişə ərinin onun cəlbediciliyilə fəxr etməsini istəyir. Hətta ər öz həyat yoldaşının gözəlliyi və füsunkarlığı haqqında danışmırsa, arvad bunu ona qarşı bir biganəlik kimi dəyərləndirir. Buna görə arvad ərinin onu başqa kişilərə çox valehedici və məlahətli partnyor kimi təqdim etdiyini eşidəndə, hətta buna əmin olmaq üçün həyat yoldaşını çılpaq halda nümayiş etdirmək arzusunu duyanda dərhal baş verənləri diqqət yetirməkdən irəli gələn bir hərəkət kimi qarşılayır və müsbət cavablandırmaqla dəyərləndirir. Ərindən daim qeyri-adi təklif gözləyən arvadın ürəyindən keçənləri təxminən belə təsvir etmək olar: «Əzizim, ürəyimdən tikan çıxartdın, axı necə ola bilər ki, belə gözəl arvadına başqa kişilər məftun olmasınlar, səni əmin edirəm ki, məni çılpaq halda görənlər dərhal tamah salacaqlar, sənə belə gözəl qadınla yatan bir kişi olaraq qibtə edəcəklər». Bundan başqa, bəzi qadınlar ərinin zəif meylindən agah olan kimi bundan sui- istifadə etməyə başlayırlar. Belə arvadlar sadəcə olaraq üzdə bunu büruzə vermir, guya ərinin xahişini yerinə yetirirmiş kimi davranırlar. Arvadın ərində aşkar olunan kandavlizmdən aşağıdakı məqsədlərlə istifadə etməsi mümkündür: a) açıq-saçıq geyinməyi sevən arvadın indi bunu çəkinmədən edə bilməsi; b) arvadın özünə yaxşı baxması üçün rahatlıqla bütün prosedurları həyata keçirməsinə müvafiq şəraitin yaranması; c) ərinin qeyri-adi meylindən ehtiraslanan arvadın özünün görüşmək istədiyi kişilərlə asanca gəzə bilməsi, qrup seksində iştirak etməyə qədər çox müxtəlif seksual praktikadan yararlanması. Daim açıq-saçıq geyinməyi arzu edən, yarıçılpaq halda olmağı sevən arvad ərində kandaulezizm olduğunu bilən kimi çox sevinir, çünki artıq bundan sonra çəkinmədən istədiyini edə biləcəkdir. Qeyd edək ki, son vaxtlar arvadlarına olduqca açıq- saçıq paltarlar geyindirib bu çılğın vəziyyətdə utanmaz-utanmaz özü ilə restoranlara, istirahət mərkəzlərinə, toylara və başqa şənliklərə aparan qeyrətsiz kişilərin sayı hədsiz çoxalmışdır. Hətta bəzi hallarda açıq-saçıqlıqda ifrata varma dərhal nəzərə çarpır. 113 Şübhəsiz, «simvolik geyimin» seçilməsinə ərin razılıq verməsi üçün onun kandaulezistik meyli yardımçı olur. Ərinin kandaulezizmə mübtəla olduğuna şübhə etməyən, bunu dəfələrlə sınaqdan keçirən arvad mövcud vəziyyətdən özü üçün müəyyən qədər xeyir götürə, fayda əldə edə bilər. Kandaulezizm sindromlu kişiləri müşahidə etmiş seksoloqların çoxu qeyd edir ki, ərinin qəribəliyi və anlaşılmaz davranışı arvadın öz bədəninə daha yaxşı, incədən- incəyə fikir verməyə başlamasına səbəb ola bilər. Tez-tez trenajor zalına 122 getmək, hovuzda çimmək, kosmetoloqun xidmətindən yararlanmaq üçün arvadın qarşısında geniş imkanlar açılır. Belə arvadın əri üçün deyəcəyi sözü, bəhanəsi də var: «Bəs başqa kişilər necə baxarlar, deməzlərmi ki, filankəsin arvadı nə gündəymiş. Qoy, özümə yaxşı fikir verim, gözəl görünüm, başqa kişilərin yanında soyunanda çirkin görünməyimə görə utanmayasan, əksinə, füsunkar və cəlbedici bədənimə baxıb ağızları açıq qalsın, sənə paxıllıqları tutsun. Bundan sonra hamının dilindən yalnız bunu eşitmək olar ki, halal olsun, kişinin oğlu arvad saxlayır!» Əlbəttə, arvadın dedikləri kandaulezist ərin ürəyinə yağ kimi yayılır. Belə ər arvadının öz bədəninə diqqətlə fikir verməsinə, gözəllik salonlarına, çimərlik və hovuza, məşq zallarına və digər yerlərə tez-tez baş çəkməsinə nəinki etiraz etmir, üstəlik ona verdiyi vəsaitin miqdarını artırmağa başlayır. «Kişi arvad saxlayır», lakin bunu özündən çox, başqaları üçün edir. Həqiqətən arvadın çılpaq halda gözəl görünməsi kandaulezist ərin ən böyük arzusudur. Arvadın soyunaraq gözəl bədənini başqa kişilərə göstərməsi kandaulezist ərinə kömək etməsinin, ona yardım əlini uzatmasının əyani bir formasıdır. Belə «köməkdən» ruhlanan ər heç də arvadına borclu qalmır, yataqda həddən ziyadə ehtiraslanaraq onun seksual təmin olunması üçün əlindən gələni edir. Bəzən kandavlizm öz arvadının çılpaq fotoqrafiyalarının nümayiş etdirilməsilə məhdudlaşmır, həyat yoldaşının özü canlı olaraq prosesə cəlb edilir. Bir sözlə, seksual partnyor olan qadının nümayiş etdirilməsi onun fotoqrafiya və portretinin başqa kişilərə göstərilməsilə məhdudlaşa bilər, lakin onun özünün yad kişilər önündə poza alması, striptiz ifa etməsi və başqa intim hərəkətlərə meylləndirilməsi hallarına da rast gəlinir. Hərəkətlərin miqyasının belə genişlənməsi patologiyanın artıq yüngül formadan ağır formaya keçdiyinə dəlalət edir. Əgər kandaulezistik təmayül arvadın özünün bilavasitə canlı olaraq iştirakı şəraitində həyata keçirilərsə, buna ağır kandaulezizm (candaulesismus gravis) deyilir. Latınca gravis – ağır deməkdir. Belə hal başqa sözlə kontakt kandaulezizm də adlanır. Ona həmçinin mürəkkəb kandavlizm deyilir. Bunu «canlı» kandaulezizm, yaxud kandaulezizmin «canlı» forması kimi təsəvvür etmək olar. Bəzi mənbələrdə belə hal həmçinin vasitəsiz kandaulezizm adlanır. Ona başqa sözlə birbaşa kandaulezizm də deyilir. Hətta bəzi mənbələrdə «maksi-kandaulezizm» terminindən istifadə olunur. Bəzi hallarda öz qadınının yalnız surətini və video görüntülərini yad kişiyə göstərmək artıq ehtiraslı ər üçün kifayət etmir. Bunlardan heç bir vəchlə qane olmayan ər arvadını yad adamların yanında soyunmağa, yaxud bir çox hallarda hətta başqa kişilərlə cinsi akt törətməyə sürükləyir, özü isə baş verənləri böyük həvəslə kənardan izləyir, xəlvəti yerdə dayanıb şövqlə müşahidə edir. Ağır kandavlizmə mübtəla olmuş ər daim arvadına təkan verir, onu hərəkətə gətirir. Yüklə 5,01 Kb. Dostları ilə paylaş:
|