114
Ərin öz «ikinci yarısı» olan arvadını başqa kişiyə verməsi və bundan vəcdə
gəlməsi patologiyanın psixikaya güclü təsirinin labüd nəticəsidir. Normal halda kişi üçün
dəhşət kimi qarşılanan bir hadisənin adi intim oyun olaraq başa düşülməsi elə bu təsirdən
qaynaqlanır. Sanki bununla kişi özünə aid olanın bir hissəsini, özünün bir qismini başqa
kişiyə verir.
Ağır kandaulezizm qadının canlı olaraq təklif edildiyi halda bundan həzz
alınmasından ibarət olan cinsi pozğunluqdur. Əgər kişi arvadını çılpaq halda başqa kişiyə
bilavasitə göstərməyə nail olursa, bundan çox böyük məmnunluq duyur. Arvadını çılpaq
halda başqa kişiyə göstərməyə nail olmaq üçün kandaulezist ər bir neçə üsuldan istifadə
edə bilər. Ağır kandaulezizmin ekstrakoital və koital olmaqla iki növü fərqləndirilir.
Çox nadir hallarda ər arvadının özünü başqa kişiyə çılpaq halda göstərir və cinsi
əlaqədən savayı hər hansı hərəkət etməsini istəyir ki, belə hal ekstrakoital kandavlizm
(candaulismus extracoitalis) adlanır. Ona başqa sözlə ekstrakoital təmaslı kandavlizm də
deyilir.
Ekstrakoital kandavlizm arvadın başqa kişilərlə cinsi əlaqədən savayı hər hansı
hərəkəti etməsinə yol verilməsindən ibarət olan pozğunluqdur. Arvadın (məşuqənin)
soyundurularaq kişi cinsli şəxsə göstərilməsi, onun bədəninə başqa kişi bədəninin
toxunması (sürtünməsi), həmçinin digər yollarla yad adamların nəzərlərinin cəlb edilməsi
kandavlist ərin məqsədinə çevrilir.
Arvadın fiziki cəlbediciliyini göstərməyə imkan verən paltar geyinməyə məcbur
edilməsi hallarına çox rast gəlinir. Bunun üçün mini-paltar, mini-yubka, mikro-yubka, çox
dar olduğundan bədənə yapışan paltarlar, iki tərəfi açıq olan paltar, yuxarıdan dərin kəsik
olan paltar, krujeva şəklində olan paltar və başqaları daha çox seçilir. Belə paltarlar təkcə
kandavlist ərin təzyiqi altında seçilmir, eyni zamanda arvadın ekshibisionizmdən əziyyət
çəkməsinin əlaməti olaraq onlara tez-tez müraciət edilir, həmçinin ölkə əhalisinin
əxlaqsızlığa sürüklənməsində maraqlı olan qüvvələrin moda kimi sırıması istisna edilmir.
Ümumiyyətlə, geyim psixiatr və seksoloqların çox böyük əhəmiyyət verdiyi bir amildir.
İnsan xarakterinin geyimə güclü şəkildə sirayət etdiyi heç kimdə şübhə doğurmur.
Geyimin individin cinsinə və yaşa uyğun gəlib-gəlməməsi, ona lüzumsuz aksessuarların
əlavə edilib-edilməməsi xüsusən həkim-psixiatrları çox maraqlandırır. Geyim insan
seksuallığının «hopduğu» elementləri özündə daşıyır. Hətta bir çox hallarda geyim özü
insanın seksuallığının nəzərə çarpdırılmasının bir vasitəsinə çevrilir. Çılpaqlığa çağırış
edən, açıq-saçıqlığın təbliğ edilməsində maraqlı olan kandavlistlərin canfəşanlığı xüsusən
aydın büruzə olunur.
115
Şəkil 50. Gəlinlik paltarının getdikcə daha çox erotik üslubda hazırlandığı
müşahidə edilir
Ekstrakoital təmaslı kandavlizmin aşağıdakı növlərini ayırd etmək olar: a)
çimərlik kandavlizmi; b) hovuz kandavlizmi; c) hamam kandavlizmi; ç) masaj
kandavlizmi; d) müayinə kandavlizmi; e) poza kandavlizmi; ə) rəqs kandavlizmi.
Arvadın çimərliyə aparılaraq başqa kişilərə göstərilməsindən məmnunluq
duyulmasına çimərlik kandaulezizmi deyilir.
Aydındır ki, çimərlik (fransızca plage) rekreasion zona kimi istifadə edilən bir
sahədir. Çimərlik kandaulezizmi ekstrakoital təmaslı kandaulezizmin digər formalarına
nisbətən daha çox rast gəlinir. Bunu bir neçə səbəblə izah etmək olar. Birincisi, arvadını
çimərliyə aparma daha asan baş tutur, bundan ötrü həyat yoldaşını uzun-uzadı dilə tutmağa
ehtiyac yoxdur. İkincisi, arvadını çimərliyə aparmaq üçün elə böyük bir vəsait tələb
edilmir. Demək olar ki, bütün ailələrin buna imkanı çatır. Sadəcə olaraq seçilən
çimərlikdəki xidmət səviyyəsi ödənilən vəsaitdən asılı olaraq fərqlənə bilər. Ancaq
kandaulezist əri çimərlikdəki xidmət səviyyəsi deyil, orada arvadına nəzər yetirəcək
kişilərin çox olması maraqlandırır. Üçüncüsü, arvadını tez-tez çimərliyə aparan kişinin
kandaulezizmdən əziyyət çəkdiyinə heç vaxt şübhə edilmir. Bir çox hallarda nəinki kənar
şəxslərdə, hətta həyat yoldaşında belə qətiyyən şübhə oyanmır.
116
Əlbəttə, arvadını çimərliyə aparan bütün kişilərin kandaulezist olduğunu
düşünmək yanlışlıq sayılar və onlara münasibətdə haqsızlıq hesab edilərdi. Ancaq arvadını
çimərliyə aparan kişilərin arasında məhz kandaulezizm məqsədini həyata keçirmək
istəyənlər olduğunu danmaq mümkün deyildir. Arvadını çimərliyə aparan kişinin
kandaulezist olmasından şübhələnməyə əsas verən bir neçə məqam vardır. Birincisi,
kandaulezizmdən əziyyət çəkən ər arvadını dəniz, göl, çay və digər su hövzəsi sahilindəki
tənha guşələrə aparmağa maraqlı olmur. Beləsi adamların çox olduğu çimərliyi seçir.
İkincisi, kandaulezizmə mübtəla olmuş ər arvadının daha çılpaq görünməsinə imkan verən
çimərlik paltarı seçməsində israrlı olur. Kandaulezist ər arvadının erotik tipli çimərlik
paltarı seçməsinə maraq göstərir, hətta bəziləri «qoy səni görəndə hamısının ağlı başından
çıxsın, əsas odur ki, sənə yaraşır» deməklə məhz bu seçimin saxlanmasına çalışır və nail
olur. Üçüncüsü, kandaulezist ər arvadının çılpaq bədəninin daha aydın görünməsinə imkan
verən hərəkətlər edir, həyat yoldaşı hiss etmədən onu sanki sərgidə nümayişə hazırlayır.
Belə hallarda ər başqa kişilərin onun arvadına necə ehtirasla baxdıqlarına əmin olanda
bundan çox məmnun görünür, heç nəyi büruzə vermədən ona xoş təsir bağışlayan
mənzərənin xeyli müddət davam etməsini arzulayır.
Ekstrakoital təmaslı kandaulezizmin daha bir növü hovuz kandaulezizmi
adlanır. Onun başlıca cəhəti ərin öz arvadını məhz hovuza aparmaqla çılpaqlaşdırıb başqa
kişilərə göstərmək arzusunu həyata keçirməsidir. Aydındır ki, hovuz kandaulezizmi də
çimərlik kandaulezizmi kimi çox rast gəlinir, onlar bir-birinə çox oxşayır.
Ərin öz arvadını hamama aparmaqla kandaulezistik meylini reallaşdırması
mümkündür. Odur ki, buna hamam kandavlizmi deyilir. Hamam kandavlizmi ona xas olan
xüsusiyyətlərə görə çimərlik kandavlizminə çox bənzəyir.
Hamam kandavlizmindən danışanda buna dair məşhur bir tarixi nümunəyə
toxunmamaq mümkün deyildir. XVIII əsrdə ingilis siyasi xadimi ser Riçard Uorslidə (Sir
Richard Worsley) hamam kandavlizmi özünü qabarıq şəkildə büruzə vermişdir. Ancaq
onda kandavlizmin digər formalarının da olması istisna edilmir.
Arvadını kişi masajistin yanına aparma da elə çətin başa gəlmir və çox tez-tez
müşahidə edilir. «Səni yanına aparmaq istədiyim masajisti hamı tərifləyir, onun çox
bacarıqlı olduğunu hər kəs deyir, gəl biz də yoxlayaq» şəklində təklifin qarşısında aciz
qalan arvad razılaşıb yoxlamağa qərar verir. Adətən belə hallarda kandaulezist ər ürəyindən
bunu keçirir: «Arvadım tam soyunarkən onu masaj edən kişinin necə yanıqla baxdığını
görəndə hədsiz oyanır və gördüklərimdən olmazın həzz alıram».
Bir çox hallarda kandaulezist ər arvadını soyunma tələb edilən müayinələrdən
keçmək üçün kişi cinsli ginekoloqun, mama həkiminin, mammoloqun, seksoloqun və
başqalarının yanına aparır. Belə hal müayinə kandaulezizmi adlanır.
Kişi kompaniyasına arvadı ilə gedən kandavlist ər orada qarşıya qoyduğu
məqsədinə yetişməyə çalışır. Belə ki, kişilərin qarşısında arvadını seksual-erotik təsir
bağışlaya bilən poza almağa (müəyyən vəziyyətdə durmağa) təhrik edir. Həmin hadisə
poza kandavlizmi adlanır.
Ayrı-ayrı hallarda ər arvadının başqa kişilərlə erotik rəqs etməsini arzulayır və
buna nail olmaq üçün əlindən gələni edir. Belə hal rəqs kandavlizmi adlanır.
Dostları ilə paylaş: |