Kandavlizm Şahin Böyükağa oğlu Əlibəyli Candaulism
Yüklə 5,01 Kb. Pdf görüntüsü
|
108 xəbərdarlıqsız kandaulezizm deyilir. Xaincəsinə, xəyanətkarlıqla həyata keçirilən həmin hal başqa sözlə qeyri-konsensual kandaulezizm də adlanır. Qeyri-konsensual kandaulezizm ailədə istər-istəməz inciklik yaradır, söz-söhbətə səbəb olur. Rusiyada dərc edilən «SPİD- info» adlı məşhur və olduqca zəngin məlumatlı jurnalda yerləşdirilmiş, Arseni Skorodumov tərəfindən yazılmış «Mən sənə pornoulduz deyiləm!!!» başlıqlı məqalə çox ibrətamiz olduğundan burada onu təhlil etmək qərarına gəldik. Baş verənlərdən özünü ciddi zərbə almış və məğlub olunmuş kimi hiss edən, olmazın çətinliyə düşən, çirkaba batıb qalan arvad nə edəcəyini bilmədiyindən redaksiyaya müraciət edərək məsləhət almaq istəmişdir. Əri Yevgeninin addımından heyrətə gəlmiş arvad bu barədə fikirləşdikcə özündən asılı olmadan əsəbiləşir və ailəsinin dağılmaq təhlükəsi ilə üzbəüz qalmasına təəssüflənir. Novosibirsk şəhərində yaşayan, tamamilə özünü itirən, «tora düşdüyündən» çaşıb qalan qadının redaksiyaya ünvanladığı məktuba nəzər yetirək. «Dəhşət doğuran kabusun lap əvvəlini mən çox yaxşı xatırlayıram. Jenya ilə təzəcə ailə qurmuşdum. Bal ayını keçirmək üçün Türkiyəyə getdik, gözəl otellərdən birində yerləşdik. Yatağa girəndə Jenya məhz elə indi mənim foto ilə şəklimi çəkmək istədiyini bildirəndə tərəddüd etmədən məmnuniyyətlə razılıq verdim: belə gözəl interyerdə bu cür təntənəli, təmtəraqlı və möhtəşəm yataqda bir də nə vaxt olacaqdım ki? Sevgilim də dediyi kimi, ümumiyyətlə, mən çox gözələm. Evimizə qayıtdıqdan sonra ərim şəkilləri fleşkadan kompüterə keçirdi, mənim necə gözəl olduğuma əmin olmaq üçün onlara bir yerdə baxdıq. Sonra bir il ərzində artıq evimizdə çılpaq halda olduğum vaxt mənim şəkillərimi çəkməyi xahiş etdi. Bunun üçün mənim müxtəlif pozalar almağımı rica edirdi. Bəzən qəliz, mürəkkəb, qəribə pozalar almağa məcbur olurdum. Getdikcə hər şey daha geniş vüsət tapırdı. Çılpaq bədənimin həddən ziyadə gözəl görünərək ərimə xoş təsir bağışladığını zənn etdiyimdən onun sözünü yerə salmır, xahişinə ürəkdən əməl edirdim. Lakin günlərin birində ərimin pornosaytlara girdiyini, sonra orada gizlicə baxdığı pozalarda mənim çılpaq şəkillərimi çəkməyə çalışdığını hiss etdim. Onun bütün cəhdlərinin arxasında nələr gizləndiyini, canfəşanlığının səbəbini öyrənməyə çalışdım, «axı, bütün bunlar nəyə lazımdır?» sualıma cavab istədim. Yenə eyni cavabı aldım: «Çünki sən bir dənəsən, sənin kimi gözəl heç harada yoxdur!» Əlbəttə, belə xoş sözlərdən sonra ürəyim yumşaldı. Təbii ki, ərimin bu şəkilləri kiməsə göstərdiyini heç vaxt fikirləşməzdim, hətta bunu səfeh və yaramaz bir yuxuda belə görə bilməzdim. Ancaq ərim bunu etdi! Bir dəfə ərimin dostları bizə qonaq gəlmişdilər. Jenya kompüteri qoşdu, özünün qoyduğu müxtəlif şəkilləri onlara göstərdi. Kompüter arxasında kişilər birdən-birə kiridilər. Dostların eyni vaxtda bir növ susmaları mənə qəribə gəldi, hətta stolu düzəltməyi saxlayıb tez onlara yaxınlaşdım və türk otelində çəkdirdiyim şəkilləri orada görəndə çox pərt oldum. Ancaq qonaqların yanında qanıqaraçılıq salmaq istəmədim, heç bir şey olmamış kimi özümü apardım. Axşam qonaqlar gedən kimi ərimin üstünə düşdüm, şahidi olduğum pis hərəkətin hansı məqsədlə edildiyini öyrənməyə çalışdım, artıq səsimin tonunu qaldırmışdım, istər-istəməz həyəcanla danışırdım. Jenya özünü təmizə çıxartmağa, əməlinə bəraət qazandırmağa çalışırdı, onların guya təsadüfən şəkillər olan fayla düşdüklərini deyirdi. Ərim bir daha bunu təkrarlamayacağına and içdi, xoşagəlməz hadisənin axırıncı dəfə olduğuna söz verdi. 109 Lakin ərim sözünün üstündə çox dayana bilmədi. Cəmi bir aydan sonra ərimin əmisi oğlu qonaq gəldi və gecə bizdə qaldı. Onlar çoxdan bir-birini görmədiklərindən qızğın söhbətə başlamışdılar. Mən onları gözləməyib yatmağa getdim. Əmioğlular xeyli söhbət etdilər, gecə yarıdan keçənə qədər oturdular. Səhər-səhər bu qardaş mənə deyir: «Qulaq as görüm, sən necə gözəlsənmiş, sadəcə bir modelsən, Afrodita kimi gözəlliyinə çatan olmaz». Jenyanın əvvəllər çəkdiyi mənim çılpaq şəkillərimin hamısını ona göstərdiyi məlum oldu. Mən çox utandım, xəcalət çəkdim. Belə situasiyada qalmaq mənim üçün naqolay, çətin idi. Qonaq gedəndən sonra yenidən mərəkə qopardım, çox əsəbiləşdiyimdən davanın qızışmasını istəyirdim. Lakin mənim ərim təqsirli gözlərilə baxır və hansısa yad bir qızın deyil, məhz əziz arvadının şəkillərini çəkdiyini və göstərdiyini, bundan olmazın həzz aldığını, çox qüvvətli şəkildə ehtiraslandığını dedi. Ərim mənim çılpaq şəkillərimə başqa kişilərlə bir yerdə baxarkən xüsusən cuşa gəldiyini və hədsiz məmnun qaldığını bildirdi. Ümumiyyətlə, mənim yataqda şəkillərimi çəkərkən və sonra bunları kiməsə göstərərkən ərimin əhvali-ruhiyyəsinin hədsiz yüksəldiyini, bundan çox böyük ləzzət aldığını sezmək heç bir çətinlik törətmirdi. Əgər ərim sadəcə mənimlə yatağa girirdisə, intim yaxınlığımıza elə-belə baxır, çox məmnun görünmürdü. Onun ruhlanması üçün mənim çılpaq vəziyyətdə cürbəcür pozalarda şəklimi çəkməsi və başqa kişilərə göstərməsi lazım gəlirdi. Mən ərimi sevdiyimdən onun qeyri-adi meyli barəsində fikirləşdikdən sonra çılpaq halda şəkillərimi çəkməsinə etiraz etməməyə qərar verdim. Ancaq onun qarşısında bir şərt qoydum ki, şəkillərə baxanda bunların mənə məxsus olduğu bilinməsin. Ərim mənim şəkillərimi kompüterə keçirdikdən sonra qara zolaqlarla sifətimi örtür, məni tanınmaz hala salır. Artıq bir ildən çoxdur ki, belə yaşayırıq. Ərim usanmadan fəaliyyətini davam etdirir, mən isə pozalarımı mürəkkəbləşdirməyə çalışıram. Ancaq bizim psixikamızda hər şeyin yerində olmadığını hərdən fikirləşirəm. Bəzən mənə elə gəlir ki, ərimlə ağlımızı itirir, öz yolumuzdan çıxıb dəli oluruq. İstənilən halda bizdə bu planda nəsə bir çatışmazlıq olduğuna şübhə etmirəm» [46]. Seksoloq İrina Maşnaya məktubda yazılanlara belə şərh verir: Yevgenidə çılpaq arvadını başqa kişilərə nümayiş etdirmək arzusu aydın şəkildə ifadə olunur. Ancaq Yevgeni belə bir qəribə arzu ilə yaşayan yeganə kişi deyildir. Seksologiyada həmin qəribə arzuya «kandaulezizm» adı verilmişdir [46]. Bir çox hallarda ər öz qəribə meyli barəsində arvadına məlumat verməyi özünə borc bilir. Həmin hadisə xəbərdarlıqlı kandaulezizm adlanır. Kandaulezizmdən əziyyət çəkən kişi bir yolla məqsədini arvadına bildirir, ondan icazə istəyir. Ərin arvadını çılpaq halda başqa kişilərə göstərmək arzusunun ifadə olunduğu təklifə kandaulezistik təklif deyilir. Kandaulezist ər tərəfindən arvadın xəbərdar edilməsi onun xaincəsinə aldadılmasına nisbətən çox-çox yaxşıdır. Lakin arvadın əri tərəfindən edilən kandaulezistik təklifə cavabı birmənalı deyildir. Ərindən kandaulezistik təklif alan arvadın buna reaksiyası cürbəcür ola bilər. Buna görə kandaulezizm daha iki növə bölünür: a) neqativ cavablandırılmış kandaulezizm; b) pozitiv cavablandırılmış kandaulezizm. Konkret olaraq təklifə verilən cavab neqativ (mənfi) və pozitiv (müsbət) olmaqla iki növə ayrılır. Yüklə 5,01 Kb. Dostları ilə paylaş:
|