Kbt я25 uot (059) Baş redaktor
Yüklə 6,03 Mb. Pdf görüntüsü
|
- Bu səhifədəki naviqasiya:
- Ə d ə b i y y a t
- İ n t e r n e t d ə
92 Teatr.Kino 105 illiyi Ağadadaş Qurbanov 1911-1965 MART Ağadadaş Gülməmməd oğlu Qurba- nov 1911-ci il mart ayının 8-də Bakının Saray kəndində anadan olmuşdur. Uşaq ikən valideynlərini itirmiş, əmisinin himayəsində böyümüşdür. Hələ uşaq yaşlarından incəsənətə, teatra böyük maraq göstərmiş, 1927-ci il mart ayı- nın 15-də “Dənizçilər klubu”nda Lətif Kərimlinin “Fırtına” pyesinin tamaşa- sında ilk rolunu oynamışdır. Bunun- la da Bakıda Fəhlə Uşaqlar Teatrının (sonralar Gənc Tamaşaçılar Teatrı) bünövrəsi qoyulmuşdur. Aktyor Gənc Tamaşaçılar Teatrında C.Cabbarlının “Aydın” (Aydın), M.F.Axundzadənin “Molla İbrahimxəlil kimyagər” (Mol- la İbrahimxəlil), N.Vəzirovun “Hacı Qəmbər” (Hacı Qəmbər), F.Şillerin “Qaçaqlar” (Karl Moor), N.Qoqolun “Müfəttiş” (Xlestakov), R.Taqorun “Qa- neşin yolu” hekayəsi əsasında “Əfilər” (Qaneş) pyeslərinin tamaşalarında müxtəlif obrazlar yaratmışdır. 1952-ci ildən ömrünün sonunadək Milli Dram Teatrında çalışmışdır. O, bu teatrda Mirzə Səməndər, Əbu Übeyd, Öt- gün (“Almaz”, “Od gəlini” və “Dönüş”, C.Cabbarlı), Şeyx Mərvan və Şeyx Sənan, Səyavuş (“Şeyx Sənan” və “Səyavuş”, H.Cavid), Kamillo (“Qış nağılı”, V.Şekspir), İbrahim xan və Vaqif (“Va- qif”, S.Vurğun), Şults (“Uzaq sahillərdə”, İ.Qasımov və H.Seyidbəyli), İvanov (“Göz həkimi”, İ.Səfərli), Dəmirçi Musa (“Toy”, S.Rəhman), Yəhudi (“Mariya Tüdor”, V.Hüqo), Kamal (“Məhəbbətin hökmü”, C.Məcnunbəyov), Hacı Qara (“Hacı Qara”, M.F. Axundzadə), (“Yaxşı adam”, M.İbrahimov), Professor Mud- rov (“Şirvan gözəli”, Ə.Məmmədxanlı), Akif (“Həyat”, M.İbrahimov) kimi on- larca parlaq və yaddaqalan rollarda çıxış etmişdir. O dövrün aktyorlarının əksəriyyəti kimi Ağadadaş Qurbanov da dəfələrlə kino çəkilişlərinə dəvət almış, çox ma- raqlı ekran əsərləri yaratmışdır. 1941- ci ildə “Səbuhi”, 1956-da “Şamdan bəy”, 1957-də “Qızmar günəş altın- da”, 1959-da “Bir qalanın sirri”, 1960- da “Koroğlu”, 1961-də “Bizim küçə”, “Kölgələr sürünür”, 1965-də “Arşın mal alan” və s. filmlərə çəkilmişdir. Onun çox uğurlu kino qəhrəmanlarından biri Argentina yazıçısı O.Draqunun “İtə çevrilən adam” hekayəsi əsasında rejis- sor Kamil Rüstəmovun ekranlaşdırdığı “Zənçirlənmiş adam” filmindəki Alvar- do obrazı olmuşdur. Azərbaycan Dövlət Gənc Tamaşa- çılar Teatrının banilərindən biri, həm faciə, həm dram, həm də komediya janrlı tamaşaların ifaçısı Ağadadaş Qur- banov mədəniyyətimizin inkişafındakı xidmətlərinə görə 17 iyun 1943-cü ildə “Azərbaycan Respublikasının Əməkdar artisti”, 27 fevral 1954-cü ildə “Xalq artisti” fəxri adlarına layiq görülmüş, “Şərəf nişanı” ordeni və medallarla təltif olunmuşdur. Görkəmli sənətkar 1965-ci il iyun ayının 25-də faciəli şəkildə həlak olmuş, Bakıda Fəxri xiyabanda dəfn olunmuş- dur.
93 MART 15 Teatr.Kino 105 illiyi Əyyub Haqverdiyev 1911-1996 Əyyub Məmmədəli oğlu Haqverdi- yev 1911-ci il mart ayının 15-də Nax- çıvanda anadan olmuşdur. 1930-cu ildə Naxçıvan Pedaqoji Texnikumunu bitirmişdir. Tələbə vaxtlarından, yəni 1929-cu ildən Naxçıvan teatrında akt- yor işləmiş və heç vaxt səhnədən ayrıl- mamışdır. Ömrünün altmış ilə yaxın dövrünü Naxçıvan teatrında keçirmişdir. Müxtəlif səpkili rollarda uğurlar qazanmış akt- yorun yaradıcılıq imkanları komik per- sonajların ifasında daha ifadəli şəkildə təcəssüm tapmışdır. Yaradıcılığı xarakter əlvanlığı və janr müxtəlifliyi ilə seçilən Əyyub Haqverdiyevin əsas rolları: Dövlət bəy, İmamverdi, Əmirqulu, Aq- şin, Mazandaranski, Şərif, Məmmədəli bəy (“Aydın”, “1905-ci ildə”, “Yaşar”, “Od gəlini”, “Oqtay Eloğlu”, “Almaz” və “Sevil”, C.Cabbarlı), Serqo (“Şeyx Sənan”, H.Cavid), Kürd Musa, Xos- rov (“Vaqif” və “Fərhad və Şirin”, S.Vurğun), Mehdi (“Qaçaq Nəbi”, S.Rüstəm), Pardon Qurbanəli (“Həyat”, M.İbrahimov), Qoca Moor (“Qaçaqlar”, F. Şiller), Əhmədi Biqəm (“Adamın ada- mı”, Anar), Taveriya (“Sevilya ulduzu”, Lope de Veqa), Məşədi Oruc (“Ölülər”, C.Məmmədquluzadə), Məmiş (“İtiril- miş sağlıq”, H.İbrahimov) obrazlarıdır. Aktyor teatrın opera və operet- ta tamaşalarında da səhnə obrazları ifa etmişdir. Bunların arasında Üzeyir bəy Hacıbəylinin “Leyli və Məcnun” (Məcnunun atası), “Əsli və Kərəm” (Keşiş) operalarında, “Məşədi İbad” (Məşədi İbad), “Arşın mal alan” (Vəli) operettalarında, Şıxəli Qurbanov və Sü- leyman Ələsgərovun “Olmadı elə, oldu belə” (Alanzadə), “Özümüz bilərik” (Bəbirli), Məhərrəm Əlizadə və Fikrət Əmirovun “Gözün aydın” (Qəhrəman), Süleyman Rüstəm və Səid Rüstəmovun “Durna” (Dursun) musiqili komedi- yalarında yaratdığı rollar tamaşaçılar tərəfindən böyük maraqla qarşılanmış- dır. Azərbaycan mədəniyyətinin inkişa- fındakı xidmətlərinə görə 17 iyun 1943- cü ildə “Azərbaycan Respublikasının Əməkdar artisti”, 14 oktyabr 1964-cü ildə “Xalq artisti” fəxri adlarına layiq görülmüşdür. Qocaman yaşında da səhnədən uzaq düşməyən aktyor Əyyub Haqverdiyev 1996-cı il iyul ayının 7-də Naxçıvanda vəfat etmişdir.
Yüklə 6,03 Mb. Dostları ilə paylaş:
|