kitabxana oxucuları daxil olmur. “Public relations” – sistemi əsasən
aşağıdakılara diqqət edir:
1)
Potensial qüvvəyə malik olan oxucular kitabxana işindən və
xidmətindən razı qalıblarsa, daimi oxucuya çevrilə bilərlər;
2)
Yüksək administrasiyalar və maliyyə orqanlarının kitabxana xidməti və
fəaliyyəti haqqında təsəvvürləri olmalıdır, əhali arasında həmin kitabxanalar
tanınmalıdır;
3)
Uşaqlar ən fəal perspektivli auditoriya kimi böyüyəndə kitabxana ilə
əlaqələri davam etdirə bilərlər;
4)
Milli azlıqlara kitabxanalar maksimum diqqət yetirməlidirlər.
Kitabxananı tanıtmaq, onu xalqa, cəmiyyətə, müəssisələrə və s. təbliğ etmək
“Public relations” in əsas, vacib işidir. “Public relations”ın başlıca kateqoriyası
mətbuatda kitabxana haqqında pozitiv və neqotiv məqalələr çap etdirməkdir.
Kitabxana bu istiqamətdə tələbkar olmalıdır. Mətbuatda cəmiyyətə
kitabxananın işi, fəaliyyəti, keçirdiyi tədbirlər haqqında və hətta işçiləri
haqqında da məlumat verməlidirlər. “Public relations” – sisteminin inkişafı
yeni istifadə texnologiyası “Fandrayzinq”in yaranmasına kömək edir.
“Fandrayzinq” – müxtəlif mənbələrdən kitabxanalara maliyyə vəsaitlərinin
toplanmasını təmin etməkdir.
Müasir kitabxanalarda geniş vüsət alan yollardan biri kitabxanalara qrant
verilməsi, sərmayə qoyulması, sponsorluq, oxucu məsləhəti və s.
“Fandreyzinq”in işi kitabxana tədbirlərinə köməklik göstərən sponsorları,
xeyirxah iş görənləri informasiya ilə məlumatlandırmaq və həmçinin onlara
təşəkkür məktubu ilə cavab verməkdir. Bugünkü gün kitabxana reklamına
böyük diqqət verilir. Məhsulun formalaşması, xidmət, kommersiya
informasiyasının köməyilə tələb edilən tərəfə təqdim edilir və müxtəlif
formalarda (kataloqlar, elanlar, xüsusi mülahizələr və.s. qəzetlərdə, radio və
televiziyada işıqlanır) reallaşır. Effektli reklam marketinqin daxili hissəsi olub,
məhsulun bazara çıxarılmasında vacib rol oynayır. Marketinqin çətin
sistemində reklam müxtəlif funksiyalar daşıyır, yeni iş metodlarını tanıdır.
Reklam kitabxanaların imicini konkret formalaşdırır. Reklamdan öncə qarşıya
ümdə vəzifə qoyulur ki, bu da informasiyanı çartdırmaq, əmin olmaq və
xatırlatmaq kimi əsas hissələrə bölünür.
İnformasiyanın reklamı – yeni məhsulun yaranmasına çox maraq olduğu
zaman gələn təkliflərin köməyilə informasiya reklamı meydana çıxır.
İnformasiya reklamının tapşırıqları:
•
xidmətin yeni dəyişiklikləri haqqında məlumat vermək;
•
qiymətin yeni dəyişiklikləri haqqında məlumat vermək;
•
fəaliyyətin prinsiplərini izah etmək;
•
xidməti təsvir etmək;
•
müştərinin düzgün olmayan təsəvvürlərini dəyişmək;
51
•
imicin formalaşmasını təmin etmək.
Əminləşdirmək reklamı – fəaliyyətin genişləndirilməsi mərhələsində,
seçilmiş sorğuların formalaşdırmaq tapşırığı zərurətindən əmələ gəlir. Artıq bu
mərhələdə müştəriyə edilmiş dəyişiklikləri çatdırmaq gərəklidir. Məsələn,
kitabxana təkcə lazımlı jurnallar təqdim etmir, müxtəlif materialların üzündən
köçürülməsini də həyata keçirir. Əmin edir ki, “Təkcə bu kitabxanaya müraciət
edin, sonraya saxlamayın, ən yaxşı xidmət buradadır”.
Xatırlatma reklamı – ona görə vacibdir ki, bütün diqqəti məhsulun və
xidmətin üzərinə yönəltsin. Tələb edən müştərini tam əmin etməlidir ki, o öz
seçimində yanılmayıb. Xatırlatma reklamı müştəriyə xadırladır ki, siz bu
xidmətdən yaxın gələcəkdə də istifadə edə bilərsiniz və hansı saatda istəsəniz
müraciət edin.
Reklam tapşırıqlarının məqsədlərindən sonra yeni yaradıcılıq konsepsiyası
meydana gəlir. Bu da, üç mərhələni özündə birləşdirir:
1) hakim ideyasının formalaşması;
2) metodun seçimi və qiymətləndirilməsi;
3) icraetmə.
Hakim ideyanın formalaşmasına reklamın iki nəzəriyyəsi rəhbərlik edir:
I – nəzəriyyə “Markanın obrazı” – (Brendinq). Bu nəzəriyyə belə fərz edir ki,
reklam müştərinin dərk edə bilmədiyi tərəfləri tam mənada izah etməlidir.
II – nəzəriyyə “Empatiya” – burada o reklamı daha düzgün sayırlar ki,
yaradıcılar özlərini müştərinin yerinə qoyurlar, onların şəxsi, deyilməmiş arzu
və təkliflərini qəbul edirlər.
Hakim ideyanın formalaşmasından sonra reklamın qiymətləndirilməsi
metodları gəlir. F.Kotlerin terminologiyasına əsasən reklam gərək müştəriyə
maraqlı, arzuolunan xidmətlər barədə məlumatlar versin. Reklam özünün
düzgünlüyünü və həqiqiliyini sübut etməlidir.
Kitabxana marketinqin ən çətin tərəflərindən biri də kitabxana istehsalatının
xidmətində qiymət tədavülüdür. Bu ancaq qiymətlə bağlı olub pullu xidmətə
aiddir.
Maliyyələşdirilmiş büdcə vəsaitinin öz dəyəri vardır. Pulsuz xidmətlərdən
istifadə edən oxucular bu vəsaitdən maliyyələşdirilirlər, amma ən əsas qiymət
tədavülü kitabxanaların pullu xidmətində ümumiləşdirilir.
Qiymət marketinqi - ixtisaslaşmış sistem kimi idarəetmə tədavüllü
uyğunlaşdırılması zamanı məhsula qiymət qoymaqdır. Xidmətlərin ayrı-ayrı
bölmələrinə qiymət qoyulması üç amillə bağlıdır: 1) təsərrüfat hesablı; 2)
bazar; 3) sosial marketinq.
Kitabxana pullu xidmətdə xidmətin xərclərini konpensasiya etməlidir, amma
qiyməti çox artırmaq da, kitabxananın reytinqinin aşağı düşməsinə səbəb ola
bilər. Oxucuların diqqətini, marağını yayındırmaq kitabxananın xeyrinə deyil.
52
Kitabxanalarda imicin formalaşması – imic məqsədə yönəlmiş,
formalaşmış obrazdır. Müsbət imic kitabxanalarda xidmətin səviyyəli və
keyfiyyətli surətdə fəaliyyətidir. İmic kitabxana məhsullarının bazara
çıxarılmasında xidmətin təzahürüdür. Gündəlik təcrübələrdə kitabxana başqa
sosial təşkilatlar kimi üç müxtəlif obrazlarla paralel üzləşir.
•
İdeal;
•
Real;
•
Şəffaf.
İdeal imic – Kitabxana bu imicə çatmağa can atır, tələsir və bu imicə çatmaq
üçün qarşıda çətin tapşırıqlar durur.
Şəffaf imic – burada əməkdaşların, kitabxanaların cəlbedici olması,
oxucuların rəyləri, dövlət strukturlarının və əhalinin fikirləri əsasdır.
Real imic – vətəndaşların kitabxanaya həqiqi münasibətlərini xarakterizə
edir. Kitabxananın cəmiyyət üçün nə qədər böyük əhəmiyyət kəsb etməsini
anladır. Əlbəttə, şəffaf və real obrazlar bir-birinə təsadüf etməsə də, onlar ideal
imicə yaxındırlar.
Aparılan tədqiqatlar, keçirilən monitorinqlər kitabxanaların nə qədər imicli
olduğunu göstərir. Oxucularla kitabxanaçıların maksimum münasibətlərinin
yaxınlaşması oxucuların fikirlərini öyrənir. İmic kitabxanaların məsuliyyətli
işini öz üzərinə götürür. Məhz, menecerlər kitabxanaların hansı imicli
olduğunu müəyyənləşdirirlər. Buna əmin olaraq orta və ali kateqoriyalı
kitabxanalarda əməkdaşların davranışı, nizam-intizamları bilinir. Kitabxananın
fəaliyyəti, işçilərin arasındakı münasibət müdiriyyətlə bağlı olur. İdarəetmə
psixologiyasında sübut olunub ki, direktorun emosional, stabil xarakterə malik
olması əməkdaşların iş fəaliyyətinə təsir göstərir.
Kitabxanalarda ideal obraz rəhbərliyin və əməkdaşların vəziyyətləri ilə
nəzərə çarpır.
İmic – kitabxana haqqında ümumi təsəvvürdür, kitabxananın gündəlik işini
göstərir və illərlə qazanılır.
Kitabxananın dəyərli olmasını mütəxəssislər, rəssamlar, dizaynerlər, öz
elmlərinə güvənib başqa kitabxanalardan ayıra bilərlər. Kitabxananın güclü
reklamı üçün internet səhifələrində yer ayırmaq lazımdır. Kitabxana haqqında
materiallar kitabxananın müsbət imicə malik olmasını bildirir. Kitabxananın
tarixinin, müasir vəziyyətinin xidmətləri haqqında məlumatları çatdırmaqdır.
Kitabxananın uğurları gündəlik xidmətlə, real vəziyyəti ilə müəyyənləşir.
Kitabxananın prestijli olması nəinki kitabxananın taleyinə, hətta hər bir
işçisinin həyatına təsir edir. Nə qədər ruhlandırıcı, insanları həvəsə gətirən
atmosfer olsa, bir o qədər də kitabxanalara diqqət artacaq.
53
Dostları ilə paylaş: |