Bunun ardınca, görәk, xanım, kimlәr yetişdi: İcazәsiz Bayındır xanın
düşmәnini basan, altmış min kafirә qan qusduran, ağ-boz atının yalı
üzәrindә qar yığılan Qәflәt qoca oğlu Şir Şәmsәddin çaparaq yetişdi:
«Çal qı-lıncını, ağam Qazan, çatdım!»—dedi.
Bunun ardınca, görәk, xanım, kimlәr yetişdi:
Parasarın Bayburd һasarından sıçrayıb aşan, al rәnkli gәlin otağına qarşı
gәlәn, yeddi qızın ümidi. Qalın Oğuzun müjdәçisi, Qazan bәyin
silaһdaşı, Boz ayğırlı Beyrәk çaparağ yetişdi: «Çal qılıncını, ağam
Qazan, çatdım!»—dedi.
Bunun ardınca, xanım, görәk, kimlər yetişdi:
Çalım-çarpaz çalmalı, çal qaraquş әrdәmli, qurama qurşaqlı, qulağı qızıl
küpәli2, Qalın Oğuz bәylәrini bir-bir atından yıxan, Qazlıq qoca oğlu
yeynәk bәy çaparaq yetişdi; «Çal qılıncını, ağam Qazan, çatdım!»—
dedi.
Bunun ardınca, görәk, xanım, kimlәr yetişdi: Altmış tәkә dәrisindәn
olan kurkü topuqları'nı ertmә-
yәn, altı srkәk dәrisindәn papağı qulağını örtmәyәn, qolu-
budu uzunca, baldırları incә Qazan bәyin dayısı At ağızlı
Aruz qoca çaparaq yetişdi: «Çal qılıncını, bәyim Qazan, çat-
dım!»—dedi.
Bunun ardınca, görәk, kimlər yetişdi:
Gedib peyğәmbәrin üzünü görәn, gәlәrәk oğuzlar içindә ona tәrәfdar
çıxan, acığı tutanda bığlarından qan çıxan, bığı qanlı Bükdüz Әmәn
çaparaq yetişdi: «Çal qılıncını, ağam Qazan, çatdım!»—dedi.
Bunun ardınca, görәk, kimlәr yetişdi:
Kafirlәri it ardına qoşub-alçaldan, eldәn çıxıb Ayğır- gözlü3suyunda at
üzdürәn, әlli yeddi qalanın açarını alan, Ağ Mәliyin Çeşmә qızına
evlәnәn Sufi Sandal Mәlikә qan qusduran, qırx cübbә bürünüb otuz
yeddi qala bәyinin gözәl qızlarını oğurlayıb bir-bir boynunu qucan,
üzündәn-dodağından öpәn İlәk qoca oğlu Alp Әrәn çaparağ yetişdi;
«Çal qılıncını, ağam Qazan, çatdım!»—dedi.
33
Sayılmaqla oğuz bәylәri tükәnmәz. һamı yetişdi. Tәmiz su-
da yuyundular. Ağ alınlarını yerә qoydular. İki rükәt4 namaz
qıldılar. Adı әziz Mәһәmmәdә salavat gәtirdilәr. Sakitcә
kafirin üstünә at saldılar, qılınc çaldılar. Kumbur-kumbur
nağaralar döyüldü. Burması qızıl tunc borular çalındı.
O gün cәsur ər igidlәr bәlli oldu. O gün namәrdlәr gizlәnmәyә yer
axtardı. 0 gün bir qiyamәt savaş oldu, meydan dolu başoldu; başlar top
kimi kәsildi. Şaһanә atlar qaçanda nalı düşdü. Böyük-uzun nizәlәr
sancılıb süstәldi. Böyük, iti polad qılınclar çalındı, tiyәsi koşaldı. Үç
lәlәkli qayın oxlar atıldı, dәmir ucluğu düşdü. 0 kün, elә bil, qiyamәtin
bir günü idi. Bәy nökәrindən, nökәr bәyindәn ayrıldı.
Daş Oğuz bәylәri ilә Dәli Dondaz sağdan, cәsur igidlәrlә
Qaragünə oğlu Dәli Budaq sol yandan һücum etdi. İç Oğuz bәy-
lәri ilә Qazan mərkәzdә düşmәnlәrin topasına һücum etdi.
Şöklü Mәlikә çatdı, böyürdüb atdan yerә saldı, qәfilcә tutub
başını kәsdi. Bir zərbә ilə al qanını yer üzünә tökdü. Sağ tәrәfdә Qara
Tükәn Mәliklә Qıyan Sәlcik oğlu Dәli Dopdaz qarşılaşdı. Sağ yanını
qılınclayıb yerә saldı. Sol tәrәfdә Buğaçıq Məliklә Qaragünә oğlu Dәli
Budaq qarşılaşdı. Altı pәrli kürz ilә tәpәsinә möһkәm zәrbә vurdu.
Dünya-alәm Buğacıq Mәlikin gözündә qaraldı; atın boynunu
qucaqlayıb, yerә düşdü.
Qazan bәyin qardaşı kafirin bayrağını qılınclayıb yerә saldı. Dәrәlәrdә,
tәpәlәrdə kafirlәrә qırğın düşdü, leşlәrinә quzğun toplaşdı. On iki min
kafir qılıncdan keçdi. Oğuz igidlәrindәn beş yüzü һәlakoldu. Qazan bәy
qaçanı qovmadı, «aman» deyәni öldürmәdi. Qalın Oğuz bәylәri böyük
qənimәt әldә etdilәr.
Qazan bәy öz ordusunu, arvad-uşağını, xəzinəsini geri aldı, qızıl
taxtında geri döndü. Yenә evlәrini tikdirdi. Qaraca çobanı
әmiraxur1etdi. Yeddi gün, yeddi gecә yemək-içmək oldu. Qırx nәfәr
qulu, qırx kәnizi oğlu Uruza görә azad elәdi. Cәsur qoç igidlәrә çoxlu
torpaqlar verdi; şalvar, çuxa, arxalıq verdi...
34
Dәdәm Qorqud gәlib boy boyladı2, soy soyladı3. Bu oğuznamәni
qoşdu, düzdü, belә dedi:
һanı dediyim bәy әrәnlәr?
Dünya mәnimdir deyәnlәr?
Әcәl aldı, yer gizlәdi,
Fani dünya kimә qaldı?
Gәlimli-gedimli dünya,
Son ucu ölümlü dünya!
Xeyir-dua verәk, xanım:
Kölgәlik һündür ağacın kәsilmәsin!
Coşğun axan gözәl suyun qurumasın!
Tanrı sәni namәrdә möһtac etmәsin!
Çaparkәn ağ-boz atın büdrәməsin!
Vuruşanda iti polad qılıncın gödəlmәsin!
Sancılarkәn uzun nizәn әyilmәsin!
Ağ saqqallı atan yeri cәnnәt olsun!
Ağ birçәkli anan yeri beһişt olsun!
Son gündә tәmiz imandan ayırmasın!
«Amin!» deyәnlәrin uzünü görsün!
Ağ alnımızı yerә qoyub, beş kәlmə dua qıldıq,
qәbul olunsun!
Allaһ verәn ümidin üzülmәsin!
Yığışdırsın, saxlasın günaһlarını
Adı gözәl Məһәmmәd Mustafanın
üzü suyuna bağışlasın, xanım., һey!..
35
BAYBƏRƏNIN OĞLU BAMSI BEYRƏK BOYU
Qam Ğan oğlu Bayıpdır xan yerindәn durmuşdu. Qara yerin üstündə
һündür ağ evini tikdirmişdi. Uca alacığı göy üzünә dirәnmişdi. Min
yerdә ipәk xalça döşәnmişdi. İç Oğuzun, Daş Oğuzun bәylәri Bayındır
xanın söһbәtinә toplaşmışdı. Baybərә vә onun adamları da Bayındır
xanın mәclisinә gәlmişdi. Bayındır xanın qarşısında oğlu Qarabudaq
bәy dayanıb durmuşdu. Sağ yanında Qazanın oğlu Uruz durmuşdu. Sol
yanında Qazlıq qoca oğlu Yeynәk bәy durmuşdu. Baybörә bunları
gördükdә aһ çәkdi. Ağlı başından çıxdı. Dәsmalını әlinә alıb, һönkürә-
һonkürə ağladı.
Bunu görәn Qalın Oğuzun arxası, Bayındır xanın kürәkәni Salur Qazan
qaba dizi üstünә çökdü. Baybörә bәyin üzünә qıyqaçı baxdı. Dedi:
«Baybörә bәy, niyә ağlayıb-zarıyırsan?» Baybörә bәy dedi: «Qazan xan,
necә ağlamayım, necә zarımayım? Oğuldan dayağım yox, qardaşdan
sayılmağım! Allaһ-taala mәni qarğayıbdır... Bәylәr, taxtım-tacım üçün
ağlayıram. Bir gün elә, düşәm ölәm, yerimdә-yurdumda kimsә
qalmayacağ».
Qazan dedi: «Arzun elә budurmu, Baybörә bәy?» Dedi: «Bәli, budur.
Mәnim dә oğlum olsun, Bayındır xanın xidmәtindә durub, qulluq
elәsin, mәn dә baxıb güvәnim, sevinib-fәrәһlәnim...».
Belә dedikdә Qalın Oğuz bәylәri göyә üz tutdular. Әl qaldırıb dua
elədilәr. «Allaһ-taala sәnә bir oğul versin!»—dedilәr.
O zamanlar bәylәrin alqışı alqış, qarğışı qarğış idi. Duaları yerini
tuturdu. Baybican bәy dә yerindən durdu, dedi: «Bəylәr, mәnimçin dә
bir dua elәyin. Allaһ-taala mәnә də bir qız versin»,—dedi. Qalın Oğuz
bәylәri əl qaldırdılar, dua eylәdilәr: «Allaһ-taala sәnә dә bir qız versin»,
—dedilәr.
Baybican bәy dedi: «Bәylәr, siz şaһid olun, allaһ-taala mәnә bir qız
verәrsә, Baybörә bәyin oğluna köbәkkәsmә adaxlı olsun!».
Bunun üstündәn bir müddәt keçdi. Allaһ Baybörә bәyә bir oğul,
Baybican bəyә bir qız verdi. Qalın oğuz bәylәri bunu eşitdilәr, şad olub
sevindilәr .
36
Dostları ilə paylaş: |