məlumatlardan istifadənin sadələşdirilməsi məqsədilə, fond birjalarında
qiymətlərin hərəkətinin ümumiləşdirici göstəriciləri olan fond indekslərindən
istifadə edilir. Məsələn, Nyu-York Fond Biıjasmda 5000-dən çox emitentin,
London Fond Birjasında 4000-dən çox milli səhmdar cəmiyyətinin, Tokio Fond
Birjasında 3000-dən çox milli şirkətin, Frankfurt Fond Birjasında 2500- dən çox
emitentin qiymətli kağızları dövriyyədədir. İndeks müəyyən sayda səhmin
qarışıq məzənnəsini göstərməklə yanaşı, iqtisadiyyatın vəziyyətini əks etdirir.
İndeksin artım meylinin dayanıqlı olması ölkə iqtisadiyyatının yüksəlişini
bildirir, indeksin aşağı düşməsi isə iqtisadiyyatda yaxud onun hər hansı
sektorunda mənfi təzahürlərin baş verməsinin əlamətidir. İndekslər müəyyən
şirkətlərin bazardakı vəziyyəti daha dəqiq əks etdirən səhmlərinin məzənnə
dəyərinin orta kəmiyyətini ifadə edir.
Ən qocaman, nüfuzlu və geniş yayılmış fond indeksi Dou-Cons indeksidir
(DJl - Dow Jones Index).
Bu indeks Nyu-York Fond Birjasının səhmlərinin
qiymətlərini əks etdirir. Onun bir neçə növü var. Sənaye Dou-Cons indeksi
səhmləri Nyu-York Fond Birjasında kotirovka olunan 30 ən böyük sənaye
şirkətinin səhmlərinin məzənnəsinin hərəkətinin sadə orta göstəricisi kimi
hesablanır (qiymətli kağızların məzənnə dəyərinin 20%-i). Bu indeks bazar
fəallığının göstəricisidir, onun tərkib hissələri isə' ən böyük korporasiyaların
ABŞ iqtisadiyyatında və onun bazarlarında tutduğu mövqedən asılı olaraq
dəyişir. İndeks birjanın bağlandığı anda şirkətlərin listinqə daxil edilmiş
səhmlərinin qiymətlərinin toplanılması nəticəsində alman rəqəmin bazar
dövriyyəsində olan səhmlərin sayma bölünməsi yolu ilə hesablanır. Nəqliyyat
Dou-Cons indeksi
20 nəqliyyat şirkətinin (hava, dəmir yolu, avtomobil
nəqliyyatı) səhmləri üzrə qiymətlərin hərəkətini xarakterizə edir. Kommunal
Dou-Cons indeksi
qaz və elektrik təchizatı sahəsində fəaliyyət göstərən 15
şirkətin səhmləri əsasında hesablanır. Mürəkkəb Dou-Cons indeksi 65
(30+20+15) sənaye, nəqliyyat və kommunal sahələri şirkətlərinin indeksləri
əsasında müəyyən olunur. Bütün digər indekslər Dou-Cons göstərieisinə cavab
reaksiyası verdiyinə görə dünya və regional birjalardakı səhmdarlar onun
hərəkətini diqqətlə izləyir.
NASDAQ
(National Association of Securities Dealers Automated Quota-
tion) elektron birjasının indeksi də sürətlə genişlənir.
«Financial Times» qəzetinin fond indeksi (FT-SE 100) - London Fond
birjasında kotirovka olunan 100 ən mühüm səhmin qiymətlərinin indeksidir.
641
indeks 1984-cü ildən, sənaye müəssisələrinin sadə səhmlərinin fond indeksinin
emal sənayesi tərəfə həddən artıq yönəldiyinə görə 1000 bazası əsasında tətbiq
olunmağa başlamışdır. «Financial Times» qəzeti tərəfindən dərc olunan bu
indeks, hazırda səhmlərin qiymətlərinin ən çox sadalanan göstəricisinə
çevrilmişdir.
Xülasə
•
Dünya iqtisadi sisteminin fəaliyyətini təmin edən ümumdünya maliyyə
sistemi onun qloballaşmaya daha çox məruz qalan seqmentidir. Meqa və
makroiqtisadi sabitlik maliyyə bazarlarının genişlənməsi, kapitalların beynəlxalq
hərəkəti, milli korporasiyaların və maliyyə qurumlarının ölkə xaricinə çıxması və
s. üçün zəmin yaradır. Eyni zamanda dünya maliyyə sisteminin və onun
sektorlarının dayanıqlı inkişafı dünya iqtisadiyyatının uzunmüddətli və sabit
artımının baza amili qismində çıxış edir. Beynəlxalq banklar və maliyyə
mərkəzləri bu sistemin «aparıcı konstruksiyalarıdır». Əvvəl belə hesab olunurdu
ki, mühitin dəyişməsinə adekvat reaksiya vermək imkanı yaradan qiymətli
kağızlar bazarına - törəmə maliyyə alətlərinin birja bazarına xüsusi çeviklik
məxsusdur. Derivativlərin nəhəng kütləsi dünyada maliyyə sabitliyinin təməlinin
dağılmasına və 2008-2010-cu illərin qlobal böhranının geniş miqyasda
yayılmasına təsir göstərdiyinə görə, bu rəy neqativ istiqamətdə sürətlə
dəyişmişdir. Müasir informasiya vasitələrinin birjaların fəaliyyətinə tətbiq
olunması onların ənənəvi strukturlarına keyfiyyət dəyişiklikləri gətirir, birjalar və
müştərilər arasındakı münasibətləri təkmilləşdirir. NASDAQ tipli elektron
birjadankənar təşkilatlar qocaman ənənəvi birjaların üzərinə hücuma keçərək,
onların texnoloji və təşkilati cəhətdən müasirləşməsini sürətləndirir.
•
Böyük həcmdə maliyyə resurslarını cəmləşdirərək (xüsusilə maliyyə
mərkəzlərində), kreditləşmə məqsədlərinə yönəldən iri milli və beynəlxalq fond
bazarlarının rolu əhəmiyyətli dərəcədə artır. Bir tərəfdən, fond bazarlarının
ixtisaslaşması, digər tərəfdən isə maliyyə bazarlarının beynəlmiləlləşməsinin,
müasir kompüter və telekommunikasiya texnologiyalarının inkişafının təbii
nəticəsi kimi, onların unifikasiyası meyliləri güclənir. Bu, fond birjalarından
rəqabət mübarizəsinin yeni şərait nəzərə alınmaqla gücləndirilməsini tələb edir
və müvafiq olaraq, onların fəaliyyətinin formaları və metodları arasındakı fərqləri
hamarlayır.
642