21.9.
London Fond Birjası (LFB)
London Fond Birjası (LSE - London Stock Exchange) 1773-cü ildə təşkil
olunmuşdur. 1802-ci ildə qəbul olunan qaydalar 1986-cı ilədək, demək olar ki
dəyişiklik aparılmadan qüvvədə olmuşdur. 1986-cı ilin noyabrında əvvəllər
assosiasiya olmuş LFB özəl şirkətə çevrilmişdir. Onun səhmdarları hərəsinin 1
səsi olan broker-diler firmalarıdır. 1990-cı illərin sonunda birjanın üzvlərinin
sayı 1270-dən artıq olmuşdu. İkinci Dünya müharibəsindən sonra ingilis fond
birjalarının inteqrasiyası prosesində onların hamısı LFB-nin regional
bölmələrinə çevrilmişdir. 1986-cı ilədək London birjasının üzvləri qəti surətdə
brokerlərə və cobberlərə bölünürdü. Birincilər əməliyyatları yalnız komissiya
haqqı müqabilində yerinə yetirir, ikincilər isə müştərilərin agent tapşırıqlarını
yerinə yetirmək hüququ olmayan diler idi. Birjanın üzvü ortaqhq şəklində
birləşən fiziki şəxslər ola bilər. Komissiya haqları təsbit olunmuşdu, səhmlərlə
ticarət «səslə», ticarət zalında aparılırdı.
Son 2 onillikdə baş verən, «böyük silkələnmə» adını almış mühüm
dəyişikliklər nəticəsində qiymətli kağızlarla bağlanılan əqdlər üzrə komissiya
haqlarının təsbit olunması, birja üzvlərinin broker və cobberlərə bölgüsü ləğv
edilmişdir. Elektron sistem əsasında yeni ticarət sisteminə keçid son dərəcə
mühüm hadisə olmuşdur. Bu dəyişikliklər birjada səs hüququnun təkamül yolu
ilə fiziki şəxslərdən korporasiyalara keçməsini möhkəmləndirmişdir. London
Fond Birjasının tərkibinə firma və təşkilatların aşağıdakı qrupları daxildir:
•
broker-diler fımraları. Onlar əqdləri öz hesabına icra etsələr də, qiymətli
kağızların alqı-satqısı üzrə investorların tapşırıqlarını yerinə yetirirlər. Bu
firmaların bəzisi yalnız bir, broker yaxud diler rolunda çıxış edir;
•
market-meyker firmaları. Bu firmalar birjanın üzvüdür və iş günü
ərzində müəyyən qiymətli kağızları kotirovka etməlidir; onlar birjada yerinə
yetirilən bütün əməliyyatlarda mərkəzi yer tuturlar;
•
broker-dilerlər. Onlar «giltlər» üzrə vasitəçi rolunda çıxış edir;
•
fond birjasının pul brokerləri. Bunlar birjanın başqa üzvlərinə pul
vəsaitlərini borca vennək hüququ olan birja üzvləridir. Fond birjasında öz
«taxçasına» malik olmaqla, onlar burada mühüm rol oynayır.
Qiymətli kağızlar üzrə beynəlxalq birja dövriyyəsinin Ya hissəsinin, o
cümlədən Avropada səhmlərlə aparılan beynəlxalq əməliyyatların 90%-dən
638
çoxunun London Fond Birjasının payına düşməsi faktı burada həyata keçirilən
maliyyə əməliyyatlarının miqyası haqqında təsəvvür yaradır.
21.10.
London Beynəlxalq Maliyyə
Fyuçersləri Birjası (LBMFB)
London Beynəlxalq Maliyyə Fyuçersləri Birjası (LIFFE - London
International Financial Futures and Options Exchange) 1982-ci ildə yaradılmış
və ABŞ ərazisində yerləşməyən ilk maliyyə fyuçersləri birjası olmuşdur.
LBMFB-nin 215 üzvü arasında maliyyə qurumlarının, sənaye qruplarının
nümayəndələri, habelə fiziki şəxslər - öz hesabına ticarət edən təcrübəli
treyderlər vardır. Bu birja tipik beynəlxalq birjadır: onun üzvlərinin 30%-i ingilis
firmalarıdır, 1990-cı illərin ortasında isə təqribən 60%-i Avropanın, ABŞ-m,
yapon şirkətlərinin payına düşürdü. Hazırda Qərbi Avropa firmalarının payı xeyli
artmış, ABŞ fınnalarınm payı isə əvvəlki səviyyədə qalmışdır. 1998-ci ildə
birjada hər gün təqribən 850 min müqavilə satılır, əsrimizin ilk onilliyində isə
ticarətin həcmi hər il təxminən 50% artırdı.
Birjada ticarətin əsas metodu treyderlər və market-meykerlər arasında
xüsusi «birja çalalarında» «səs» və əllə verilən standart işarələr vasitəsilə
əqdlərin bağlanmasıdır. Hər bir «çalanın» yanında nizam-intizama riayət
olunmasına nəzarət edən və mübahisə yarandığı halda münsif rolunu oynayan
birja nümayəndəsi var. Opsionlarla ticarətdə market-meykerlər də iştirak edir və
onlar cavabdeh olduqları opsionlara daimi nəzarət öhdəliyi götürürlər. Onlar bu
opsionlar üzrə broker qismində, yəni komissiya haqqı əsasında iştirak edə
bilməz. Başqa opsionlar üzrə isə onlar üçün qadağan yoxdur. Birjanın digər
iştirakçıları əqdləri broker, diler qismində yerinə yetirə, opsionları müstəqil
qiymətləndirə bilər.
Bütün əqdlər üzrə hesablaşmaların London Klirinq Palatası (LCH -
London Clearing House) vasitəsilə aparılması iştirakçılara əks-müqavilə
bağlamaqla, real göndəriş həyata keçirmədən və aldığı maliyyə alətlərinə görə
tam məbləği ödəmədən oyundan çıxmaq imkanı yaradır. Başqa sözlə,
müqavilənin iştirakçısı istənilən anda özünün uzun yaxud qısa mövqeyini
bağlaya bilər.
639
21.11.
Birja fəaliyyətini tənzimləyən beynəlxalq təşkilatlar
Bu sahədə fəaliyyət göstərən əsas təşkilatlar aşağıdakılar aiddir:
•
Fond Birjalarının Beynəlxalq Federasiyası (FIBV - International
Federation of Stock Exchanges). Təşkilat əlaqələndirmə və vahid standartların
hazırlanması ilə məşğul olur. Dünya üzrə kapitallaşdırılmış maliyyə vəsaitlərinin
98%-i Federasiya üzvlərinin payına düşür;
•
Qiymətli Kağızlar üzrə Komissiyalann Beynəlxalq Təşkilatı (lOSCO -
International Organization of Securities Commissions). Təşkilatın üzvləri fond
bazarlarının iştirakçısı olan ölkələrin müvafiq (tənzimləmə) orqanlarıdır. Bu
təşkilat əlaqələndimıə, əməkdaşlıq və qarşılıqlı təcrübənin öyrənilməsi əsasında
işin təkmilləşdirilməsi imkanlarını da öyrənir;
•
Beynəlxalq Fond Bazarları İştirakçılarının Assosiasiyası (ISMA -
International Securities Market Association). Bu Assosiasiya beynəlxalq
avroistiqrazlar bazarını tənzimləyən demək olar ki, yeganə təşkilatdır; peşəkar
iştirakçılardan, ilk növbədə, ən iri transmilli bankların nümayəndələrindən
ibarətdir.
•
Fyuçers Bazarlarının Beynəlxalq Assosiasiyası (FIA - Futures Industry
Association). Bu təşkilat da müvafiq milli, regional və qlobal bazarlarda birja
fəaliyyətinin tənzimlənməsində mühüm rol oynayır.
Tənzimləmə barədə danışılarkən nəzərə alınmalıdır ki, beynəlxalq
təşkilatların fəaliyyəti əsasən tövsiyə və məsləhətvermə xarakteri daşıyır.
Məsələn, onlar tərəfın-dən birjaların cari fəaliyyəti barədə kompleks hesabatlar
və beynəlxalq standartlar hazırlanır, nəzəri tədqiqatlar aparılır. Milli, xüsusilə də
dövlət tənzimləmə orqanları-nm rolunun nisbətən zəifləməsi, maliyyə
tənzimləməsi sahəsindən «dövlətin getməsini» ifadə etməsə də, beynəlxalq
birjaların rolunun güclənməsinin sübutudur. Burada əsasən tənzimləmənin yeni
formaları və dövlətin funksiyalarının optimallaş-ması, onun birbaşa təsir
formalarının millətüstü və qlobal tənzimləmə elementlərinin gücləndirilməsi
yönümündə dolayı formalannm universallaşması nəzərdə tutulur.
21.12.
Birja indeksləri
Səhmlərin məzənnələrinin dinamikasının operativ qiymətləndirilməsi və
proqnozlaşdırılması, çoxsaylı emitenti olan qiymətli kağızlar bazarları üzrə
640
Dostları ilə paylaş: |