4
• Fiber-optik kabel [fiber-optic cable]. Fiber-optik kabel (optik lif kabeli) nazik,
elastik şuşə borucuqlardan hazırlanır. Bu kabellərin ənənəvi metal rabitə xətlərindən
bir sıra ustunlukləri var. Buraxılış zolağının eni çox böyük olduğundan, o, daha çox
verilənləri daşıya bilir; o, metal naqillərə nisbətən daha
yüngüldür və maneələrə daha az həssasdır. Fiber-optik kabellərin əsas çatışmazlığı
onların kövrək və baha
olmasıdır.
Simsiz vasitələr. Hal-hazırda verilənləri daşımaq üçün fiziki vasitələr ilə
yanaşı, simsiz vasitələrdən də geniş istifadə olunur.
• Radiosiqnallar [radio signals]. Radiosiqnallar vasitəsilə ötürülmə zamanı ötürücü
və qəbuledici arasında görünüş xəttinin olması vacibdir; belə ki, siqnal bir mənbədən
o birisinə düz xətt boyunca ötürülür. Radioveriliş üçün siqnalları göndərən
radioötürücü aparatın və siqnalları qəbul edən radioqəbuledicinin olması lazımdır.
• Mikrodalğalar [microwaves]. Mikrodalğalı siqnallar fəzada elektromaqnit
dalğaları formasında yayılır. Radiosiqnallar kimi, onlar da bir mikrodalğa
stansiyasından digərinə düz xətt üzrə göndərilir. Maneələrdən qaçmaq üçün
mikrodalğa stansiyalarının əksəriyyəti yuksəkliklərdə, yaxud hündür binaların
başında quraşdırılır.
• Peyk rabitəsi vasitələri [satellite transmissions]. Rabitə peykləri orbitdə Yerin
səthindən on minlərlə kilometr məsafədə hərəkət edir. Belə yüksəklik peykə Yerlə
eyni sürətlə fırlanmaqla Yer səthindəki bir nöqtə üzərində sabit mövqe saxlamağa
imkan verir. Peykdəki avadanlıqlar Yerdən göndərilən siqnalları gücləndirir və
onları yenidən Yerə qaytarır.
Şəbəkə qurarkən bu kommunikasiya vasitələrindən hər hansı birini seçmək üçün bir
neçə amili – şəbəkənin növünü, ölçüsünü (miqyasını) və onun maya dəyərini nəzərə
almaq lazımdır.
5
3.
ŞƏBƏKƏ AVADANLIQLARI
Şəbəkələrin əksəriyyətində server və müştəri komputerləri olur. Bunlardan
başqa, şəbəkədə şəbəkə kabellərini birləşdirən və siqnalları gücləndirən qurğuların
da olması lazımdır. Belə qurğuları iki qrupa ayırmaq olar:
1.
kommunikasiya qurğuları
2.
transmissiya qurğuları.
Kommunikasiya avadanlıqları verilənlərin göndərilməsinə və alınmasına kömək
edir. Kommunikasiya avadanlıqları dedikdə, ilk növbədə, fikrimizə masaüstü
kompyuterlər və modem gəlir. Lakin verilənləri göndərən və alan başqa növ
qurğular da var. Bunlara misal olaraq iri komputerləri – superkomputerləri,
meynfreymləri və minikomputerləri və hətta faks maşınlarını, rəqəmli kameraları
göstərmək olar. Fərdi istifadə üçün ən geniş istifadə olunan ötürücü qurğu
modemdir.
Transmissiya avadanlıqları. Modemlər fərdi komputerlər, yaxud bir-iki nəfərlik
kiçik ofislər üçün yararlıdır. Lakin yerli və geniş şə bə kələrdə verilənləri ötürmək
üçün istifadə olunan qurğular fərqlidir. Onlardan geniş istifadə olunanları
aşağıdakılardır:
• Şəbəkə interfeys kartı
.
Komputer şəbəkəsi üçün aparat təminatının ən vacib
hissəsi NIC ( network interface card) şəbəkə adapteridir. Ona bəzən Ethernet-
adapter, yaxud şəbəkə kartı
da deyilir. O, ayrıca kart kimi də, komputerin ana
lövhəsinin bir hissəsi kimi də ola bilər.
• Qovşaq [hub]
.
Telefon qovşaqları telefon stansiyalarını bir-birinə bağlayır. Başqa
sözlə, müəyyən sayda telefon stansiyası bir nöqtədə – qovşaqda
birləşdirilir və onlar
arasında informasiya mübadiləsi həmin qovşaq vasitəsilə aparılır. Verilənlərin
ötürülməsində də qovşaq bənzər vəzifəni icra edir. Bu tip qurğu ona daxil olan bütün
informasiyanı, sadəcə olaraq ötürür. Yəni, qovşağın portuna qoşulmuş qurğuların
hamısı eyni informasiyanı alır.
6
Korpu [bridge]
.
Körpü şəbəkəni altşəbəkələrə ayırmaq (və ya yerli şəbəkələri
birləşdirmək) üçün nəzərdə tutulmuş xüsusi qurğu, yaxud uyğun proqram təminatı
olan komputerdir.
• Şəbəkə kecidi [gateway]
.
Şəbəkə keçidi, yaxud şlüz
müxtəlif tipli şəbəkələr
arasında informasiya mübadiləsini gerçəkləşdirmək üçün birləşdirici qurğudur.
Eynitipli şəbəkələr arasında mübadilə zamanı informasiyanı çevirən körpüdən fərqli
olaraq, şlüz verilənləri ötürməklə yanaşı, həm də onların formatını təyinat
şəbəkəsinin protokoluna uyğunlaşdırır.
•
Yonləndirici [router]
.
Yönləndirici yol polisinə bənzəyir: bu ağıllı qurğu şəbəkə
trafikinə yol göstərir (istiqamətləndirir). Şəbəkədə göndərilən verilənlər kiçik
paketlərə bölünür. Paketlərin hamısı eyni yolla (marşrutla) hərəkət etmir; paketlərin
biri bir yolla, digəri isə başqa bir yolla gedə bilər. Paketlər təyinat yerinə çatdıqda
ilkin formada birləşdirilir. Mürəkkəb, yəni çoxlu hissəsi olan şəbəkələrdə
yönləndiricilər göndərilmiş paketləri qəbul edir və onları mövcud marşrutlardan ən
səmərəli olanı (ən qısası) üzrə göndərir. Şəbəkənin hər hansı bir hissəsində nasazlıq
olarsa, yol polisi kimi, yönləndirici də paketləri alternativ yollara istiqamətləndirə
bilər.
4.
TELEKOMMUNİKASİYA VASİTƏLƏRİ
Telekommunikasiya vasitələri- uzaq məsafəyə informasiya ötürülməsini və
qəbulunu təşkil edən texniki vəzifələrdir. Dünyada olan ixtiyari informasiyanı əldə
etmək üçün kompüter, tələb olunan informasiya bazasına daxil olmaq imkanına
malik olmalıdır. Bu da,öz növbəsində, bütün kompüterləri nəhəng bir hesablama
şəbəkəsi şəklində birləşdirməyi tələb edir.
Dostları ilə paylaş: |