106
çevirmiĢlər. ZəhmətkeĢ xalq isə belə əvrəzi onun məzmunundan irəli gələn və sinfi
məna daĢıyan adla "yüzbaĢı əvrəzi", "bəy əvrəzi" kimi tanıyaraq, əvrəzin əsl
mahiyyətindən ayırmıĢlar.
Ġməcilik də eyni ilə əvrəz kimi məna və məzmun daĢıyaraq Azərbaycanın
ayrı-ayrı etnoqrafik bölgələrində daha geniĢ yayılmıĢdı. Əvrəzdə olduğu kimi,
iməciliklər də zəruri və təcili görüləsi iĢ və ya sadəcə olaraq tavanasız və köməyə
ehtiyacı olan ailələrə yardım məqsədilə çağırılardı. Ġməciliklərdə də həm kiĢilər,
həm də qadınlar çox həvəslə iĢtirak edərdilər. Çəltikçilik təsərrüfatı ilə məĢğul olan
ailələrdə lazım gəldikdə Ģum, bicar, alaq, biçin və s. iĢlərdə iməciliklər keçirilərdi.
Belə ki, çəltik üçün Ģum gecikdikdə, Ģitil sancma gecikdikdə, əkini alaq otları
həddən artıq basdıqda və baĢqa hallarda əkin sahibi düĢmüĢ olduğu çətinlikdən
iməcilik keçirmək yolu ilə çıxardı. Ġməcilikdə iĢ həmin gün qurtarardısa, bu daha
böyük Ģənliyə səbəb olardı.
Lənkəran bölgəsində çəltik Ģitili sancmaq və alaq iĢi ilə ancaq qadınlar
məĢğul olur və bu iĢ prosesi zamanı keçirilən iməciliklərdə də yalnız qadınlar
iĢtirak edirdilər. Ġməcilik iĢtirakçıları olan qadın və yeniyetmə qızlar, fasilələrdə və
iĢdən sonra çalıb oxuyar, Ģən oyunlar təĢkil edərdilər, qadınlar iməcilik günü daha
təmiz və səliqəli geyinərdilər. Bəzən yaĢlı qadınlar belə günlərdə oğul və nəvələri
üçün qız da gözaltı edərdilər.
Deyildiyi kimi, köməkliklər, adətən həmkəndlilər, qonĢular, həm də
məhəllə adamları arasında olardı. Lakin belə köməklik adəti, nadir hallarda da olsa,
qonĢu kəndlər arasında mövcud olmuĢdur. Beləliklə ehtiyac olduqda Lənkəran
qəzasında Ərkivan, Boradigah, Xolmili, Ərçivan, ġiyəkəran, ġıxəkəran və baĢqa
kəndlərin əhalisi çəltik biçini və baĢqa iĢlərdə öz qonĢu kəndlərinə köməyə
gedərdilər. Yaxud Naxçıvan, Quba, Cəbrayıl, ġəki və s. qəzaların taxılçılıqla
məĢğul olan kəndlərinin camaatı belə köməkliklərdə fəal iĢtirak edərdilər.
Əkinçilikdə, Ģum, biçin, döyüm və sair iĢlərdə kəndlilər arasında "növbə"
adı ilə tanınan köməklik adəti də mövcud olmuĢdur. Bu birləĢmədə, adətən
tavanası eyni səviyyədə olan üç-dörd təsərrüfatdan artıq iĢtirak etmirdi. Həmin
təsərrüfatlarda kimin iĢi daha təcili (biçin, döyüm və s.) idisə, həmin iĢ görülər,
daha sonra ehtiyaca görə növbə ilə baĢqa iĢtirakçılar üçün iĢlərdilər. NövbələĢmə
ilə görüləsi iĢ, adətən 10-12 günə qurtarardı. Daha doğrusu, növbələĢmədə iĢtirak
edən təsərrüfatlar əsasən bir iĢ prosesinin (biçin, döyüm və s.) yerinə yetirilməsi
üçün birləĢir və həmin iĢ görülüb qurtardıqdan sonra bu birləĢmə dağılırdı.
Kəndlilər əkinçilikdə ayrı-ayrı iĢ proseslərini bu və ya baĢqa obyektiv
səbəblər üzündən müstəqil yerinə yetirə bilmədiyi hallarda "ortaqlıq" iĢ üsulundan
da istifadə edirdilər. ġübhəsiz ki, ortaqlığı doğuran səbəblərdən biri qoĢqu
heyvanlarının azlığı və ümumiyyətlə, "canlı" və "cansız" avadanlığın çatıĢmaması
olmuĢdur. Qaydaya görə bir neçə nəfər əkin sahibi öz heyvanlarını birgə qoĢaraq
dərz daĢıyır və onu xırmanda döyməklə iĢi baĢa çatdırırdı. Bəzən də ortaqlıq
torpağın Ģumlanıb qurtarması ilə bitirdi. Adətən ortaqlıq 5-10 gündən artıq
107
çəkməzdi. Yada bir mövsüm.
Ortaqlığın üzvləri arasında Ģum, biçin, dərzdaĢıma və döyüm gününün
bölgüsü, mövcud olmuĢ qaydaya görə, ortaqlığa verilmiĢ heyvanın sayı ilə
müəyyən edilərdi. Əgər kəndli ortaqlığa bir at və ya kəl qoĢmuĢsa bir gün, bir cüt
at və ya kəl qoĢmuĢsa iki Ģum və ya iki döyüm günü almaq hüququna malik idi.
Lakin onu da qeyd etmək lazımdır ki, belə ortaqlıqlarda qoĢqu heyvanı olmayan
kəndlilər də iĢtirak edə bilirdilər. Onlar isə çox vaxt sürücü, yabaçı, sovruqçu olur,
ümumiyyətlə, lazım olan iĢi görürdülər. Bunun müqabilində isə həmin kəndlilər
dərzin daĢınması üçün iĢ heyvanlarından bir və ya iki günlüyə istifadə etmək
hüququ qazanırdılar. Bu cür Ģərtlərlə təĢkil olunan ortaqlıq adəti sonrakı dövrlərdə
özünün əvvəlki "sadə əmək birləĢməsi" mahiyyətini itirərək, daha yoxsul kəndlilərin
istismar mənbəyinə çevrilirdi.
Təsərrüfatla əlaqədar yaranan belə köməkliklər dünyanın bir sıra xalqları ara-
sında da mövcud olmuĢdur. Belə ki, Qafqazda, Orta Asiyada, Avropa ölkələrində və
baĢqa yerlərdə müxtəlif adlarla tanınmıĢdır. Bu cür birgə yardım ruslarda "pomoçı" və
ya "toloka", "subbotnik", gürcülərdə "dadzaxili" və ya "ulami", özbəklərdə "xaĢar",
kumuklarda "bulka", ləzgilərdə "mel" və s. adlanmıĢdır.
Mövcud ictimai-iqtisadi amillərin tələbindən irəli gələn bu qarĢılıqlı yardım
adətləri və onun müxtəlif formaları xalqımızın əkinçilik təsərrüfatında daha geniĢ
yayılmıĢdır. Belə ki, əsasən süni suvarmaya və sadə kənd təsərrüfatı alətləri üzərində
qurulan Azərbaycan əkinçiliyində kəndlilərin bir-birinə köməketmə adətinə və hər cür
yardıma daha çox ehtiyacı var idi. Təsadüfi deyildir ki, bu birgə köməkliklərlə əlaqədar
olaraq xalqımız arasında "el gücü, sel gücü, yel gücü", "tək əldən səs çıxmaz", "el bir
olsa, dağı oynadar yerindən", "dil bir olsa, zərbi kərən sındırar" və s. zərbi-məsəllər
yaranmıĢdır.
ÇƏLTĠKÇĠLĠK
Azərbaycanın məhsuldar torpağı, əlveriĢli iqlim Ģəraiti bu ərazidə
çəltikçiliyin inkiĢafına imkan yaratmıĢdır.
Çəltik bitkisinin ilk vətəni Cənub-ġərqi Asiya ölkələri olmuĢdur [55].
Daha doğrusu, dünya bitkiçiliyinə çəltiyi Hindistan və Birma vermiĢdir" [56].
Deməli, çəltik tədricən bu ərazilərdən baĢqa ölkələrə yayılmıĢdır. Orta Asiyada bu
bitkinin becərilməsi təxminən e.ə. VII əsrə, Yaxın ġərq ölkələrində (Babilistan və
Suriyada və b.) e.ə. II əsrə [57], Misir və Ġspaniyada eramızın VIII əsrinə aid edilir
[58]. Ġranda isə çəltiyin Sasanilər sülaləsinin (236-651) son dövrlərində becərildiyi
göstərilir [59]. Çox ehtimal ki, bu bitki Ġranda VI-VII əsrlərdən geniĢ becərilməyə
baĢlamıĢdır. Azərbaycanda da çəltik bitkisinin elə həmin vaxtlardan becərildiyi
fikrini irəli sürmək olar. Lakin çəltik bitkisi Azərbaycanda VIII-IX əsrlərdən