108
etibarən daha geniĢ yayılır [60].
Arxeoloji qazıntılar zamanı orta əsr Beyləqan Ģəhəri xarabalıqlarından
təxminən X əsrə aid mədəni təbəqədən çoxlu miqdarda çəltik dənləri tapılmıĢdır
[61]. Bundan əlavə Bəndovan yaĢayıĢ yerindən arxeoloji axtarıĢ zamanı tapılmıĢ
çəltik dənləri də dövr etibarı ilə IX-XIII əsrlərə aid edilir [62]. Bütün bunlar həmin
dövrlərdən, bəlkə də daha əvvəllərdən Mil və Muğan ərazisində və bu yerlərə
qonĢu olan rayonlarda çəltik əkildiyini bir daha təsdiq edir.
Azərbaycanın iqtisadi həyatından bəhs edilərkən orta əsr mənbələrinə
əsaslanaraq göstərilir ki, ölkədə X əsrdə bir sıra dənli və texniki bitkilərlə yanaĢı,
çəltik də becərilirdi [63]. BaĢqa bir tədqiqat əsərində isə Azərbaycanda X əsrə
nisbətən XII əsrdə əkinçiliyin xeyli inkiĢaf etdiyi, xüsusilə buğda, darı və çəltik
əkininin geniĢ yayıldığı göstərilir [64]. Böyük Azərbaycan Ģairi Nizami Gəncəvinin
əsərlərində dənli bitkilərin, o cümlədən çəltiyin, habelə onlardan hazırlanan xörək
və nemətlərin adına dönə-dönə rast gəlirik.
XIII əsrin əvvəllərində monqolların Azərbaycana yürüĢü zamanı kənd
təsərrüfatına dəyən zərərdən danıĢılarkən, çəltik əkinlərinin də adı çəkilir [65].
Azərbaycanda XIII-XIV əsrlərdən etibarən əvvəlki dövrlərə nisbətən,
çəltik bitkisinin becərilmə arealı geniĢləndiyi kimi, onun istehsalının da xeyli
çoxaldığı nəzərə çarpır. XIII əsrin müəllifi məlum olmayan "Əcaib-əd-dünya"
əsərində Arranda çəltik yetiĢdirildiyi qeyd edilir [66]. Həmin əsrin səyyahı Marko
Polo Azərbaycanda dənli və texniki bitkilərlə bərabər çəltiyin də becərildiyini
xəbər verir [67].
RəĢidəddin Fəzlüllahın məktublarında da Astara əyalətində (TalıĢda)
çəltiyin becərildiyi haqqında məlumat vardır [68]. XIV əsrin səyyahı Klavixo
Qarabağın təbiət və təsərrüfatından bəhs edərək göstərirdi ki, "Burada çoxlu çəltik
becərilir. Çəltik o qədər çoxdur ki, hətta onu atlara yedizdirirlər" [69]. Ġran tarixçisi
Həmdullah Qəzvini yazırdı: "Kür və Arazdan böyük bir qol ayrılmıĢdır, ondan
arxlar çəkilmiĢ və arxların ətrafında çoxlu kənd salınmıĢdır. Məhsulu taxıl və
çəltikdir..." [70]
XIII-XIV əsrlərdə Azərbaycanın daxili və xarici ticarətində dənli bitkilər
arasında düyünün də mühüm yer tutduğu qeyd edilir [71].
Ölkənin iqtisadiyyatında getdikcə böyük əhəmiyyət kəsb edən çəltikçilik
XV əsrdə və sonrakı dövrlərdə də əhalinin təsərrüfat həyatında mühüm rol
oynamıĢdır. Həmin dövrdə xarici bazarlara taxıl, meyvə və sair kənd təsərrüfatı
məhsulları ilə yanaĢı, çəltik və düyünün də ixrac olunması haqqında orta əsr
mənbələrində, həmçinin Azərbaycanda olmuĢ səyyahların yol qeydlərində maraqlı
məlumatlara təsadüf edilir.
Venesiya diplomatı, səyyah Ambrozio Kontarini (XV əsr) yazır ki,
"tacirlər Dərbənddən HəĢtərxana düyü və sair aparıb orada xəz və baĢqa mallarla
dəyiĢdirirdilər‖ [72]. Əvvəlki dövrlərdə olduğu kimi, XV əsrdə də ġirvandan dünya
bazarlarına baĢqa məhsullarla yanaĢı, düyü də aparılırdı [73].
109
Çəltikçilik XVII-XVIII əsrlərdə də ölkənin iqtisadiyyatında mühüm
yerlərdən birini tutmuĢdur. Həmin dövrlərdə bu bitkinin əkin sahəsinin ayrı-ayrı
rayonlar üzrə yayılması, məhsulun daxili və xarici bazarlarda müntəzəm olaraq
satıĢı haqqında bir sıra qiymətli materiallar vardır.
Azərbaycanı gəzmiĢ XVII əsr tarixçisi və səyyahı Evliya Çələbi bu ölkədə
çəltik, pambıq və baĢqa bitkilərin becərildiyini xəbər verir [74]. MəĢhur tacir Zəkə-
riyyə Əylisli (1677-ci il) Azərbaycan haqqında öz gündəliyində yazırdı: "Bu ölkə
qədimdən çox əhalisi olan gözəl və məhsuldar bir yerdir. Burada əla düyü olur,
keyfiyyətinə görə hind düyüsündən daha üstündür. Onu sovqat kimi Ġspaniyaya
qədər aparırlar" [75].
XVII
əsrin 70-ci illərində Azərbaycanda olmuĢ hollandiyalı dənizçisi-
səyyah Yan Streys Dərbənddən ġamaxıya gedərkən ġabranda yüksək keyfiyyətli
düyüyə rast gəldiyini və bu düyünün ucuz satıldığını qeyd edir [76].
XVIII
əsrin ortalarında Azərbaycanda səyahətdə olarkən həkim-səyyah
Lerx Ġohann Yakob Kür sahili kəndlərinin ətrafında buğda, arpa və pambıqla
yanaĢı, çəltiyin də becərildiyini yazmıĢdır [77]. Bu dövrdə Azərbaycandan baĢqa
ölkələrə bir sıra qiymətli məhsullarla bərabər düyü də aparılırdı [78]. Düyü satıĢı
xeyli geniĢlənmiĢdir. Hətta kənd təsərrüfatı məhsullarını alıb satmaqla məĢğul olan
möhtəkirlər meydana gəlirdi ki, onlar "çox zaman düyü və digər kənd təsərrüfatı
məhsulları ucuz olan rayonlardan mal alıb, ölkənin bahalıq olan vilayətlərinə
aparıb satır və gəlir əldə edirdilər" [79].
Zəngin ölkə olan Azərbaycan orta əsrlərdə dəfələrlə xarici iĢğalçıların
hücumlarına məruz qalmıĢdır. Bu hücumlar zamanı iĢğalçılar onu çapıb-talayır və
viran qoyurdular. Tez-tez təkrar olunan daxili feodal müharibələri də təsərrüfata
böyük zərər vururdu. Lakin bunlara baxmayaraq, Azərbaycanda əkinçilik, xüsusilə
çəltikçilik ləng də olsa, inkiĢaf etməkdə idi. Əməksevər xalqımız "özünün maddi
və mənəvi nemətlərini" yaradır [80] və onu daha da inkiĢaf etdirirdi.
Azərbaycanın Rusiyaya birləĢdirilməsindən sonra ölkədə yaradılan əmin-
amanlıq zəruri ərzaq məhsulu olan buğda, arpa ilə yanaĢı, çəltiyin də əkin
sahələrinin geniĢləndirilməsinə, Lənkəran, ġəki, ġirvan, Qarabağ, Quba
əyalətlərində, habelə Car-Balakən dairəsində onun istehsalının xeyli artmasına
səbəb olmuĢdur.
Beləliklə, bir sıra obyektiv səbəblərin nəticəsi olaraq XIX əsrin birinci
yarısından etibarən ölkədə kənd təsərrüfatının inkiĢafı üçün zəmin yaranmıĢ oldu.
Bu dövrdə Azərbaycandan xaricə göndərilən malların içərisində həmiĢə düyünün
adı çəkilirdi. Düyü daha çox Rusiyaya göndərilirdi [81].
Mühüm çəltikçilik rayonlarından hesab olunan ġirvan, Lənkəran, Quba,
və Qarabağda XIX əsrin 40-cı illərinin ortalarında məhsul istehsalı xeyli artmıĢdı.
Belə ki, 1845-ci ildə Qubada 93750 pud, ġirvanda 493150 pud, Lənkəranda
695000 pud, Qarabağda isə 375000 pud, həmin ildə ümumi çəltik məhsulu isə
bütün Azərbaycan üzrə 2315650 pud olmuĢdur [82]. ToplanmıĢ məhsulun