211
4) uşaq orqanizminin ümumi möhkəmləndirilməsi;
Rejim uşağın yaşına və hərəki aktivliyinə müvafiq olmalıdır. Əlavə
fiziki yüklər ya azaldılır, ya da tamamilə ixtisar edilir. XBÇ- nın II-B
mərhələsində rejim individual seçilir, əlavə olaraq istirahət, məktəbdəki bəzi
dərslərdən azad edilir, bir çoxları yarımyataq rejimə keçirilir. Yataq rejimi
əsas xəstəliklərin kəskinləşməsi dövründə və III mərhələdə seçilir.
Pəhriz – I mərhələdə yaşa uyğun olmalıdır, lakin, üstünlük yenə də
süd-bitki məhsullarına verilməlidir. II-A və II-B mərhələlərində rasionda
zülal 50%-ə qədər ixtisar edilir, 1-1,5 q/kq çəkiyə verilir. Ət, balıq, tvoroq
rasiondan çıxarılır.
III mərhələdə Jovanetti pəhrizi seçilir: zülal 0,5-0,7 q/kq. Na 200 mq;
Qida yüksək koloritli olmalıdır: yumurta, kərə yağı, xama, zülalsız çörək,
makaron, muss və s. Yeməklər duzsuz hazırlanır. Qidada xörək duzu yalnız
ödem və AT yüksək olan zaman məhdudlaşdırılır. Poliuriya fazasında qanda
kaliumun azalmaması üçün pəhrizə kaliumla zəngin məhsullar – kartof,
sitrus, alma, qaragilə, üzüm, çuğundur, banan daxil edilir. Pəhriz kömək
etməzsə, onda kalium preparatları verilir. II-B və III mərhələdə oliqouriya
inkişaf etdiyi üçün əksinə kaliumun orqanizmdə ləngiməsi qorxusu var. Ona
görə rasiondan kaliumla zəngin məhsullar çıxarılır. V/D 20% qlükoza, Ca
qlükonat, diuretiklər yeridilir. Asidozu aradan qaldırmaq üçün 4%
bikarbonat m-lu və ya 0,3 M trisamin (trisbufer) v\d vurulur. Osteopatiyanın
profilaktikası və müalicəsi üçün vitamin D sutkada 15-20 min ED 2-3 həftə
verilir. Hiperfosfatemiyanın azaltmaq üçün daxilə almagel verilir. Eyni
zamanda asidozun korreksiyası aparılır.
Süddən və balıqdan daha az istifadə olunmalıdır, çünki onun
tərkibində fosfatların miqdarı çoxdur.
Əgər hiperkaliemiya 6.5-7 mmol/l səviyyəsindədirsə, venadixili
qlükoza məhlulu insulinlə birlikdə yeridilir (hər 500 ml 5%-li qlükoza
məhluluna 8 ED insulin).
212
7 mmol/l-dən yüksək hiperkaliemiya qeyd edilərsə, ürək tərəfdən
ağırlaşma riski yarana bilər (ekstrasistoliya, atrioventrikulyar blokada,
asistoliya). Bu zaman venadaxili qlükoza məhlulunun yeridilməsindən
savayı 20-30 ml 10%-li kalsium qlükonat məhlulu və ya 200 ml 5%-li
natrium hidrokarbonat məhlulu venadaxili yeridilir.
Dünyanın bir sıra ölkələrində “xroniki hemodializ-transplantasiya” adı
proqram hazırlanmış və tətbiq olunur. Əsasən 2 yaşdan yuxarı uşaqlarda aktiv
müalicə tətbiq olunur. Ümumiyyətlə uşaqlarda hemodializ-böyrək transplantasiyası
proqraınnın tətbiq etməyə əks göstəriş yalnız uşağın psixiki-əqli inkişafında qüsur
və ensefalopatiya hesab olunur.
Hemodializ (haemodialysis, yunanca – hiama, qan + dialysis, ayırma,
ayrılma)
–
qanın ekstrarenal olaraq süni yarımkeçirici membrandan diffuziya yolu
ilə kiçik və orta molekulyar çəkili maddələrdən təmizlənməsi üsuludur.
Hemodializ kəskin və xroniki böyrək çatmamazlığı, zəhərlənmə, bir çox dərman
intoksikasiyaları, həmçinin qanın elektrolit tərkibinin ağır pozğunluqları zamanı
göstəriş ola bilər. Bir sözlə hemodializ yolu ilə maddələr mübadiləsinin toksiki
məhsullarını orqanizmdən xaric etmək, pozulmuş su və elektrolit balansını
normallaşdırmaq olur. Qeyd etməliyik ki, hemodializ prosesini (bu zaman qan
“süni böyrək” aparatı vasitəsi ilə təmizlənir) peritoneal dializ və bağırsaq
dializindən fərqləndirmək lazımdır.
Peritoneal dializ – qarın boşluğunda xüsusi məhlulların bir-birini əvəz
etməsi yolu ilə qanın təmizlənməsi üsuludur, bu zaman membran rolunda periton
qişa çıxış edir.
Bağırsaq dializi dedikdə bağırsağı selikli qişasının yüngül hipertonik
məhlullarla yuyulmasıdır.
Böyrəyin xroniki xəstəlikləri zamanı hemodializ müalicə üsulu o zaman
tətbiq edilir ki, artıq böyrək çatmamazlığını konservativ terapiya üsulları ilə
reallaşdırmaq olmur və patoloji proses terminal mərhələyə keçmiş olur. Bu
mərhələdə orqanizmin homeostazı kifayət dərəcədə saxlamaq imkanları tam
213
tükənmiş olur və ağır uremik intoksikasiya simptomları (dispeptik pozğunluqlar,
nəfəs verilən havada sidik iyi, anemiya, qanaxma, dərinin quru və sarımtıl olması,
qaşınma, yuxu pozğunluğu və s.) yaranmağa başlayır. Dekompensə olunan
uremiyanın və hemodializə göstərişin mütləq simptomuna perikardit aiddir.
Hemodializ “süni böyrək” aparatı vasitəsilə həyata keçirilir. Aparatın özü
hemodializator adlanan hissədən və dializ məhlulunu bilavasitə hazırlayıb
hemodializatora ötürən qurğudan ibarətdir. Hemadializatorda diffuziya yolu ilə
qandan bir sıra maddələr dializ məhluluna ötürülür. Dializ prosesi qanın plazma
hissəsindən molekulyar çəkisi yüksək olmayan maddələrin (elektrolitlər, sidik
cövhəri, kreatinin, sidik turşusu və s.) xaric edilməsi, həmçinin natamam
ultrafiltrasiya, yəni daha yüksək molekulyar çəkisi olan toksiki maddələrin və
suyun artıq hissəsinin orqanizmdən kənar edilməsidir.
“Süni böyrək” aparatı hər bir xəstə üçün ayrılıqda fərdi yaradıla bilər və
yaxud eyni vaxtda 6-10 xəstəyə hemodializ proseduru həyata keçirən çoxyerli ola
bilər. Hemodializ proseduru tibbi personalın nəzarəti altında stasionar şəraitdə,
hemodializ mərkəzlərində və ya bəzi ölkələrdə olduğu kimi ev şəraitində aparıla
bilər. İqtisadi cəhətdən evdə aparılan hemodializ daha əlverişli sayılır, bundan
başqa o xəstəyə tam sosial və psixi reabilitasiyanı təmin edir.
Dializ məhlulu xəstə qanının elektrolit tərkibinə görə hər bir halda fərdi
seçilir. Belə ki, dializ məhlulunun əsas inqridientləri bunlardır: natrium – 130-132
mmol/l, kalium – 2,5-3 mmol/l, kalsium – 1,75-1,87 mmol/l, xlor – 1,3-1,5 mmol/l.
Hər bir hemodializ seansı adətən 5-6 saat davam edir və onu həftədə 2-3
dəfə təkrarlayırlar (proqram, permanent dializ). Uremik intolsikasiyanın
güclənməsi zamanı isə hemodializ seansları daha tez-tez aparılır. Hemodializin
tətbiqi ilə XBÇ olan xəstənin ömrünü 15 il artırmaq olur.
Xroniki proqram hemodializi XBÇ terminal mərhələsində olan xəstələrə,
başqa sözlə çəkisi 20 kq yuxarı olan və xroniki qlomerulonefritdən, birincili
xroniki pielonefritdən, displastik böyrəklərin ikincili pielonefritindən əziyyət
çəkən, həmçinin uretrohidronefrozun anadangəlmə formaları olan, lakin aktiv
Dostları ilə paylaş: |