170
1)oksalat turşusu mübadiləsinin irsi pozğunluğu (birincili
hiperoksaluriya);
2) oksalat sintezinin ikincili pozğunluğu;
3) böyrək toxuması sitomembran stabilliyinin pozulması;
4) piridoksin (B
6
) defisiti;
5) sitratların sidiklə ekskresiyasının azalması;
6) sidikdə kalsium/maqnezium nisbətinin pozulması;
Ümumiyyətlə, HO birincili və ikincili olmaqla iki yerə bölünür:
1) Birincili HO əsasında qlisin mübadiləsinin pozulması (nadir irsi
fermentopatiya olub, qlioksalat-alanin aminotransferaza və ya D-
qliçeratdehidrogenazanın
defisiti
nəticəsində
oksalat
sintezinin
çoxalmasıdır) durur. Hər iki ferment defekti autosom-resessiv tipdə irsən
ötürülür (oksaloz). Birinci halda sidikdə çoxlu miqdarda qlikolat (100mq
qədər, norma: 15-16mq/sut), qlioksalat və oksalatlar, ikinci halda isə D-
qliçerin turşusu (normada olmur) və oksalatlar aşkar edilir. Oksaloz zamanı
hər iki variantda oksalatların sutkalıt ixracı 200mq-dan artıq olmur
(normada sutkada 1mq/kq çox olmur).
2) İkincili HO – bağırsaqdan oksalatların sürətlə sorulmasına mədə-
bağırsağın iltihabi xəstəlikləri, xroniki xolesistit və pankreatit, nazik
bağırsağın rezeksiyası səbəb ola bilər. Bağırsaq möhtəviyyatında həddən
artıq öd turşuları olarsa bu zaman oksalatların sorulması yenə çoxala bilər.
Steatoreya zamanı isə sərbəst yağ turşuları bağırsaqdakı kalsiumu özünə
birləşdirməklə oksalatların sorulmasını artırır.
Sitomembran
fosfolipidlərinin
qeyri-stabilliyi
nəticəsində
hüceyrədaxili kalsifilaksiya və lipidlərin perekis oksidləşməsi oksalat-
kalsium kristalluriyasına gətirib çıxarır.
Klinika.
Artıq erkən yaşda oynaqlın residivləşən ağrıları və onların şişməsi,
qarında ağrı (böyrək kolikləri), ağciyər zədələnmələri qeyd edilir ki, bu da
həmin orqanlarda oksalatların çökməsi ilə əlaqədardır. Ödem və
171
hipertenziya xarakterik deyil. Klinikada böyrəklərin interstitsial nefrit (İN)
şəklində zədələnməsi qeyd edilir ki, bu da sonradan pielonefritə (PN),
fibroza və XPÇ gətirir.
Uşaqların ümumi inkişafı normal olur; onlar üçün allergiya, piylənmə,
hipotoniyaya meylli vegetativ-damar distoniyası, nəbz ləbliliyi, baş ağrıları
xarakterikdir. Xəstəlik cinsi yetkinlik dövründə, 10-14 yaşarası kəskinləşir
ki, bu da neyrohumoral tarazlığın pozulması və xroniki stresslə əlaqədardır.
Oksalat nefropatiyasının proqressivləşməsi gələcəkdə sidikdaşı
xəstəliyinə, tubulointerstitsial nefritin və ya bakterial infeksiyanın
qoşulması nəticəsində pielonefritin inkişafına səbəb ola bilər.
Uraturiya
Uraturiya purin mübadiləsinin pozulması nəticəsində həddən artıq
sidik turşusu və onun duzlarının – uratların toplanması və böyrəklərlə xaric
edilməsidir. Sidik turşusu purin mübadiləsinin son məhsulu hesab olunur.
İnsan orqanizmində o adenin, quanin, hipoksantin və ksantinin oksidləşməsi
nəticəsində yaranır. Sidik turşusunun digər mənbəyi nuklein turşuları və
zülallardır. Orqanizmdən sidik turşusu əsasən böyrəklər və MBS vasitəsi ilə
xaric olur.
Uşaqlar arasında (1,3 - 7,6%) urat nefropatiyası urolitiaza səbəb ola
bilər. Purin mübadiləsi pozulmasının əsasında bir çox mexanizmlər, o
cümlədən irsi mexanizmlər durur:
a) purin-fosforibozilpirofosfatsintetaza fermentinin yüksək aktivliyi
(PFPS); irsi xəstəlik olub, X-xromosomunda yerləşən genlərin
defektidir.
b) adenin- fosforiboziltransferaza (AFRT) fermentinin aktivliyinin
azalması; adeninin adenozinmonofosfata çevrilməsini təmin edir ki,
bu da dihidroksiadenin maddəsinin toplanmasına səbəb olur. Bu
maddə nefrotoksikdir və sidikdaşı yaradır. Qeyd edilən defekt
autosom-resessiv yolla irsən keçir.
172
c) hipiksantin-quanin-fosforibozil transferaza (QQFRT) fermentinin
olmaması
–
nəticədə
ksantin
və
sidik
turşusunun
hiperproduksiyasına gətirib çıxarır. (Leş-Nayxen sindromu)
Bu enzimlərin davamlı və kəskin defisiti purin əsaslarının həddən
artıq yaranmasına və hiperurikemiyaya səbəb olur.
Sidik turşusu duzlarının orqanizmdə toplanması onların böyrəyin
beyin maddəsinin interstitsial toxumasında, kanalcıq sistemində, xüsusilə
nefron ilgəglərində və kasacıq-ləyən aparatında çökməsinə gətirib çıxarır.
Bu zaman kanalcıqların divarı zədələnir və yığılmış kristallar interstitsial
toxumaya nüfuz edir, orda toplanır və interstitsial nefritin inkişafına səbəb
olur. Birincili urat nefropatiyasına podaqra və Leş-Nayxen sindromunu aid
etmək olar.
Birincili hiperurikemiyadan fərqli olaraq ikincili hiperurikemiya
nuklein turşularının sürətli metabolizmi ilə əlaqədardır. Belə ki, ikicili urat
nefropatiyası digər xəstəliklərin (eritremiya, mielom xəstəliyi, xroniki
hemolitik anemiya və s.) ağırlaşması, bir sıra preparatların (tiazid
diuretiklər, sitostatiklər, salisilatlar, siklosporin A və s.) təyini və ya böyrək
kanalcıqları funksiyasının və sidiyin fiziki-kimyəvi xassəsinin pozulması
(pielonefrit, TİN və s.) kimi yaranır.
Xəstələrdə ammonimun böyrəklərlə ekskresiyasında defekt aşkar
edilir ki, bu da çoxlu miqdarda titrlənmiş turşuların ekskresiyasına və
sidiyin pH azalmasına gətirir. Səbəb kimi diarreya ilə müşayiət edilən,
nəticədə dehidratasiya və bikarbonatların itkisinə gətirən mədə-bağırsaq
traktı xəstəliklərini, həmçinin ileostoma, dərman-induksiyalı asidifikasiyanı
göstərmək olar.
Böyrəklərin sidik turşusu duzları ilə zədələnməsinin kliniki əlamətləri
morfoloji dəyişikliklərə nisbətən daha az qeydə alınır, proses uzun müddət
latent gedişə malik olur. Kliniki və rentgenoloji simptomlar xəstələrin
yalnız yarısında aşkar edilir. Sidik sindromu urat kristalluriyası, cüzi
Dostları ilə paylaş: |