3.1.9. Milli şorbaların hazırlanması, tərtibi və süfrəyə
verilməsi
Pitinin hazırlanması və süfrəyə verilməsi
Pitinin hər payı ayrıca qabda bişirilir. Buna piti qabı deyilir.
O, saxsıdan hazırlanır və tutumu 0,8 litr olur.
Piti üçün qoyun cəmdəyinin döş, boyun, bud yaxud kürək
hissəsindən, təqribən 55-80 q-lıq sümüksüz 2-3 tikə ət götürülür.
Qabaqcadan bir qədər noxud arıtlanıb (qara dənələr olmamalıdır)
4-5 saat soyuq suda isladılır. Ət və noxud piti qabına qoyulub
üstünə yarım litr soyuq su tökülür. Sonra qab zəif od üzərində
qoyulub vamla bişirilir, üstünə çıxan kəfi yığılır. Bulyon
qaynadıqdan sonra içinə xırda-xırda doğranmış baş soğan salınır.
Bir qədər sonra kartof (adətən, bütöv şəkildə), yuyulmuş alça
qurusu və duz qatılır. Xörəyin hazır olmasına bir az qalmış
ədviyat vurulur. Sonra 0,1 q zəfəran 1 stəkan suda ayrıca çay
kimi dəmlənir və hər iki pay pitiyə bir xörək qaşığı qatılır və
hazır olunca qaynadılır. Pitinin bulyonunun rəngi şəffaf, azacıq
sarımtıl və ətirli olmalıdır.
Piti bir qayda olaraq,
bişirildiyi qabda süfrəyə
verilir və yanına dərin
boşqab, yaxud kasa qoyulur.
Süfrəyə ayrıca qabda baş
soğan və sumaq verilir.
Yay vaxtı və mövsümə
görə pitiyə şabalıd, heyva və
pomidor qatılır. Belə hallarda alça qurusu və zəfəran qatılır.
Hər pay üçün burada 150 q qoyun əti, 20 q noxud (iri),
yarım baş soğan, 150 q kartof, 20 q təzə alça və yaxud 10 q alça
qurusu, 0,1 q zəfəran yaxud 50 q təzə pomidor və təm üçün duz,
istiot götürülür.
85
Küftə-bozbaşın hazırlanması və süfrəyə verilməsi
Küftə-bozbaş üçün sümük-
lərdən bulyon bişirilir və yumşaq
ət baş soğanla birlikdə ətçəkən
maşında çəkilir. Sonra ətə duz və
döyülmüş istiot qatılır. Düyü
arıtlanıb yuyulur və çəkilmiş ətə
qatılaraq qarışdırılır, sonra adam-
başına 1-2 küftə hazırlanır. Hər
küftənin içərisinə 1-2 ədəd
yuyulmuş alça qurusu qoyulur.
Küftə bişəndə dağılmasın deyə,
xörəyin duz normasının çox hissəsini küftəyə vurmaq lazımdır.
Çəkilmiş ətdən küftə hazırlayarkən əlləri suda islatmaq
məsləhət görülür.
Hazır bulyon narıngöz metal süzgəcdən süzülür və yenidən
qaynamaq üçün plitənin üstünə qoyulur. Bulyon qaynadıqda içinə
əvvəlcədən isladılmış noxud tökülür və bişirilir. Sonra bulyona
birinci küftələr, bir azdan kartof, narın doğranmış soğan əlavə
edilir. Xörəyin hazır olmasına bir az qalmış ona duz, istiot və
zəfəran şirəsi vurulur.
Küftə-bozbaş süfrəyə kasada verilir və üstünə nanə səpilir.
Xörəyin yanına ayrıca boşqabda soyulmuş baş soğan və sumaq
qoyulur.
Qeyd: küftə-bozbaş bir küftədən və ayrıca ət tikəsindən də
ibarət ola bilər.
Hər pay üçün burada 150 q qoyun əti, 15 q düyü, 20 q təzə
alça və yaxud 10 q alça qurusu, 25 q noxud (iri), 150 q kartof,
yarımbaş soğan, zəfəran, döyülmüş istiot, quru nanə və təm üçün
duz götürülür.
Düşbərə
86
Düşbərə üçün sümüklərdən bulyon bişirilir, çəkilmiş qoyun
ətinə baş soğan, keşniş və ədviyat qatılır.
Una su və duz (bəzən
xəmirə yumurta da vurulur)
tökülür, bərk xəmir yoğrulur,
1 mm-ə qədər qalınlıqda ya-
yılır, 3x3 sm ölçüdə kvadrat
şəklində kəsilir, hər kvadratın
ortasına 4-5 q çəkilmiş ət qo-
yulub düşbərə bükülür. Düş-
bərə aşağıdakı kimi iki üsulla
bükülə bilər:
a) kvadrat ortadan qatlanıb ucları geriyə dartılır;
b) kvadrat üçkünc şəklində qatlanıb küncləri geriyə dartılır.
Bükülmüş düşbərə yüngülcə ələkdə silkələnib artıq undan
təmizlənir və süzülmüş qaynar bulyona tökülür. Düşbərənin
bişmə vaxtı 5 dəqiqədir. Hazır olduqda düşbərə, adətən üzə çıxır.
Süfrəyə verilən zaman düşbərənin üstünə quru nanə səpilir,
yanına ayrıca qabda üzüm sirkəsi və yaxud sarımsaqlı sirkə
qoyulur.
Təmini itirməməsi üçün düşbərə süfrəyə verilməsindən bir
neçə dəqiqə qabaq bişirilməlidir.
Hər pay üçün burada 100 q qoyun əti, 40 q buğda unu,
yumurta, yarım baş soğan, 350 q bulyon, 10 q üzüm sirkəsi
(zövqə görə sarımsaq), keşniş, quru nanə, duz və istiot götürülür.
Ətli dovğa
Yumşaq qoyun əti baş soğanla birlikdə ətçəkən maşından
keçirilir, ədviyat qatılaraq 15 qramlıq xırda küftəciklər hazırlanır
və bişirilir. Noxud arıtlanıb 3-4 saat ərzində soyuq suda isladılır
və bişirilir. Ayrıca qazanda qatıq, düyü, yumurta və un bir-birinə
87
qatılaraq çalınır. Qatığın çürüməməsi üçün arasıkəsilmədən bir
qaydada qaynara düşənə kimi bulaya-bulaya qarışdırılır. Qaynara
düşəndən sonra noxud, küftəciklər də bura qatılıb hamısı birlikdə
bişirilir. Sonra buna xırda doğranmış göyərti və duz əlavə
edilərək bişirilir.
İlin mövsümündən asılı olaraq dovğa soyuq halda da
süfrəyə verilə bilər.
Hər pay üçün burada 100 q qoyun əti, 200 q qatıq, 20 q
düyü, 15 q noxud, 10 q buğda unu, yumurta, 1 baş soğan,
ispanaq, keşniş, daf keşnişi, nanə, yarpız, şüyüd, kərəviz və kəvər,
habelə təm üçün istiot, duz götürülür.
Ətsiz dovğa
Ətsiz dovğa üçün noxud arıtlanıb 3-4 saat ərzində suda
isladılır və sonra isti suya tökülüb azca bişirilir. Ayrıca qabda
qatıq, düyü, yumurta, un çalınır, zəif od üzərində arasıkəsilmədən
qarışdırılaraq qaynara düşənə kimi bişirilir. Sonra buna
yarıbişmiş noxud qatılır. Dovğanın hazır olmasına az qalmış içinə
doğranmış ispanaq, keşniş, kərəviz və şüyüd, yağ, habelə təm
üçün duz vurulub bişənə qədər qaynadılır.
Hazır dovğanın təmi turşməzə olmalı, həm də keşniş və
şüyüd ətri verməlidir.
Ətsiz dovğanın hər payına 200 q qatıq, 10 q yağ, 5 q buğda
unu, 10 q düyü, yumurta, ispanaq, keşniş, kərəviz, dağ keşnişi,
yarpız, nanə və şüyüd göyərtisi, 25 q noxud və müvafiq miqdarda
duz götürülür.
Qovurma-bozbaş
88
Dostları ilə paylaş: |