Qoyun əti 30-35 q çəkidə tikələrə doğranır, istiot, duz
vurulub doğranmış baş soğanla birlikdə qoyun piyində yaxud
ərinmiş yağda qovrulur. Sonra isti bulyon və yaxud su, soyulmuş
kartof, qabaqcadan bişirilib soyulmuş şabalıd və yuyulmuş alça
qurusu qatılaraq bişirilir. Bişməyə az qalmış xörəyin içinə istiot
və zəfəran şirəsi vurulur, üstünə göyərti səpilir.
Yay zamanı bu xörəyin hər payına 30 q qabığı soyulmuş
təzə qırmızı pomidor qatılır. Belə hallarda alça və zəfəran lazım
gəlmir.
Qeyd: qovurma-bozbaş sümüklü qoyun ətindən də
hazırlana bilər. Belə hallarda hazır ət çıxarı 14% artır.
Qovurma-bozbaşın hər payına 150 q qoyun əti, 15 q
quyruq, baş soğan, 100 q kartof, 50 q şabalıd, 20 q təzə yaxud 10
q quru alça, keşniş göyərtisi, 0,1 q zəfəran, təm üçün istiot və duz
götürülür.
Sulu dindili küftə
Bu xörək üçün qoyun
əti sümüklərdən ayrılır və
baş soğan qatılıb ətçəkən
maşından keçirilir. Çəkilmiş
ətə duz, istiot vurulub
qarışdırılır və hərəsi 20-25 q
çəkidə xırda küftəciklər
hazırlanır. Sümüklərdən
bulyon bişirilib süzülür və
bunun içində soyulub
doğranmış kartof salınır. Sonra isə bulyona küftə, yağda
qızardılmış soğan, pomidor yaxud qızardılmış tomat-püre qatılıb
bişirilir. Hazır olmasına bir az qalmış xörəyə ədviyat vurulur.
89
Sulu dindili küftənin hər payına 100 q qoyun əti, 15 q ərinmiş
yağ, 1 baş soğan, 200 q kartof, 100 q pomidor yaxud 15 q tomat-püre,
təm üçün istiot və duz götürülür.
Bolva
Bolva xörəyi üçün düyü arıtlanıb yuyulur və 30 dəqiqə
ərzində bişirilir, sonra əməköməci, ispanaq, cincilim, keşniş,
kəvər, göy soğan, turşəng yuyulub doğranır və qazana tökülür.
Buna unla qarışdırılmış yumurta qatılaraq arasıkəsilmədən
qarışdırmaqla bişirilir. Xörək hazır olmazdan qabaq ona islanmış
lavaşana, istiot və duz vurularaq yenidən bişirilir.
Bolva xörəyinin hər payına 40 q düyü, 1 yumurta, 30 q
ərinmiş yağ, 10 q alça qurusu yaxud 5 q lavaşana, buğda unu,
ispanaq, cincilim, keşniş, kəvər, göy soğan, turşəng, əməköməci,
təm üçün istiot və duz götürülür.
Təkrar üçün suallar
1. Mal ətindən, balıqdan, quru göbələkdən bulyon necə
hazırlanır?
2. Kartofsuz borş, donanma borşu, Moskva borşu, Ukrayna
borşu necə hazırlanır?
3. Təzə kələmdən, şoraba kələmindən şşi və göy şşi necə
hazırlanır?
4. Adi rassolnik, ev rassolniki necə hazırlanır?
5. Makaronlu, düyülü və tərəvəzli süd şorbası necə
hazırlanır?
6. Çörək kvası və çuğundur həlimi necə hazırlanır?
7. Ət doğramacı, soyuq borş, çuğundur şorbası necə
hazırlanır və süfrəyə necə verilir?
8. Süd şorbaları necə hazırlanır və süfrəyə necə buraxılır?
9. Şirin şorbalar necə hazırlanır və süfrəyə necə buraxılır?
90
3.2. Souslar
Souslar geniş xörək çeşidinin tərkib hissəsini təşkil edir.
Bunlarda xeyli miqdar cürbəcür təmli, aromatik və boya maddə-
ləri mövcüddur. Souslar xörəyin təmini və zahiri görünüşünü
yaxşılaşdırır, habelə xörəyə təravət verir. Tərkibində kərə yağı,
xama və yumurta olan souslar kulinar məmulatının kaloriyasını
xeyli artırır.
Sousların aromatik maddələri mədə şirəsini gücləndirir və
beləliklə də xörəyin insan orqanizimində həzmə getməsinə kö-
mək edir. Xörəklərin bişirilməsində sousların əhəmiyyəti böyük-
dür, souslar əsas məhsulun yaxud qarnirin üzərinə tökülür, şor-
balar və qarnirlərə vurulur və yaxud da ayrıca qabda (sousnikdə)
xörəyin yanına qoyulur (şəkil 3.1).
Şəkil 3.1. Sous qabları:
a) isti souslar üçün metal qab; b) soyuq souslar üçün çini qab.
Souslar iki böyük yarımqrupa bölünür; bunlara isti sous və
soyuq sous deyilir. Xüsusi bir qrupu da şirin souslar təşkil edir.
Sousun maye hissəsi əsas hissə sayılır və bulyondan,
tərəvəz həlimimdən, süddən, xamadan, yağdan (heyvanat yağı və
yaxud bitki yağı) və sirkədən ibarət olur. Bir çox sousun tərkibinə
yağda qovrulmuş buğda unu daxil edilir, lakin unlu souslardan
yalnız isti halda istifadə olunur. Bu souslar dibi qalın qazanda və
qısa qazanda hazırlanır.
Bütün souslar aşağıdakı qruplara bölünür:
1) bulyonlu (ət bulyonu, balıq bulyonu, göbələk bulyonu)
souslar;
91
2) südlü və xamalı souslar;
3) kərə yağında hazırlanmış souslar;
4) bitki yağında hazırlanmış souslar;
5) sirkəli souslar.
“Cənub” sousu, tünd tomat sousu, tkemalı sousu, narşərab
(nar şirəsi) sousu və mayonez sousu yeyinti sənayesi tərəfindən
istehsal edilib, hazır şəkildə iaşə müəssəsisələrinə verilir.
“Cənub” sousu bir çox müxtəlif xörək və souslar hazırlanan
zaman tətbiq edilir.
Tünd tomat sousundan müxtəlif ət xörəkləri üçün istifadə
olunur.
Tkemali və narşərab sousları ayrıca qabda şişlik, lüləkabab
və digər milli xörəklərin yanına qoyulur və habelə bəzi xörəklər
hazırlanan zaman tətbiq edilir.
Mayonez sousundan müxtəlif soyuq xörəklər üçün istifadə
olunur və həm də bu ayrıca sous qabında müxtəlif soyuq və isti
xörəklərin yanında süfrəyə verilir.
3.2.1. Souslar üçün yağda qovrulmuş tərəvəz və un
hazırlanması
Tərəvəzin yağda qovrulması. Souslar üçün tərəvəz,
şorbalar üçün olduğu kimi yağda qovrulur.
Unun yağda qovrulması. Souslar üçün un ya yağda, ya da
yağsız (quru qovurma) qovrula bilər. Yağda qovrulanda buna ağ,
qırmızı və soyuq qovurma deyilir. Bu məqsəd üçün ən aşağısı 1-
ci sort buğda unu tətbiq edilir.
Ağ və qırmızı qovurma üçün yağın miqdarına nisbətən 100-
150% un götürülür.
Quru qovurma. Burada ələnmiş buğda unu nazik (ən çox
2,5 sm) lay şəklində tavanın içinə tökülüb daim qarışdırmaq
şərtilə qızdırıcı şkafda 150-160° temperaturda qovrulur.
Qırmızı souslar üçün un qızılı rəngə çalınca, ağ souslar
üçün isə açıq sarıya çalınca qovrulur.
92
Dostları ilə paylaş: |