Yumurta kasa və dərin boşqaba sındırılır, duz vurulur və
çəngəllə çalınır. Tavada yağ qızdırılır və çalınmış yumurta yağın
içinə tökülüb tavanın ağzı örtülür. 3-4 dəqiqədən sonra yumurta
bərkidiyindən ərsinlə çevrilir və hər iki üzü yağda qızardılır.
Qayğanağı qızdırıcı şkafda da bişirmək olar. Süfrəyə verildikdə
üstünə yağ tökülür.
Yumurta 2 ədəd, ərinmiş yağ 15 q, duz, istiot.
Ballı qayğanaq
Adi qayğanaq kimi bişirilir, lakin qabın həcmi qayğanağın
bir qədər qalın olmasına imkan verməlidir. Süfrəyə verdikdə
üstünə bal tökülür.
Yumurta 3 ədəd, ərinmiş yağ 20 q, bal 1 x.q., duz.
Şirin qayğanaq
Hazırlanması adi qayğanaqda olduğu kimidir. Süfrəyə
verildikdə üstünə şəkər kirşanı səpilir.
Yumurta 2 ədəd, ərinmiş yağ 15 q, şəkər kirşanı 10 q yaxud
bal 10 q, duz. Şəkər əvəzinə bal da götürmək olar.
Qədaib
Yumurta sındırılır, üzərinə un və duz əlavə edilib
qarışdırılır, sonra süd əlavə edilib çalınır. Tavanın dibinə yağ
çəkilir, hazırlanmış çalıntı oraya tökülür və sobada 8-10 dəqiqə
bişirilir. Süfrəyə paxlava şəklində doğranılmış halda verilir.
Yumurta 2 ədəd, ərinmiş yağ 5q, süd 2 x.q., un 1 ç.q., duz.
Natural omlet
144
Burada yumurta qaba tökülüb üstünə süd yaxud su və duz
əlavə edilərək ciddi qarışdırılır və süzülür. Həmin kütlə nazik lay
şəklində olaraq içində yağ qızardılmış tavaya tökülüb güclü od
üzərində və tavanı tərpətməklə, ta qatılaşınca və altında qazmaq
tutunca qovrulur. Hazır omletin kənarları ortasına tərəf qatlanıb
uzunsov pirojki formasına salınır. Omlet isidilmiş buludda yaxud
boşqabda süfrəyə verilir və süfrəyə verilən zaman onun üstünə
əridilmiş nərə yağı tökülür.
Hər pay üçün burada 2 ədəd yumurta yaxud 86 q melanj,
30 q süd yaxud su, 5 q yağ (qovurmaq üçün) və 5 q kərə yağı
götürülür.
Qiyməli omlet
Burada qovrulmuş omletin ortasına isti qiymə qoyulub bü-
külür və uzunsov pirojki şəklinə salınır; bu xörəyin hazırlan-
masının və süfrəyə verilməsinin yerdə qalan şərtləri natural omlet
kimidir.
Qiymənin hazırlanması. Omlet üçün aşağıdakı qiymə növ-
ləri tətbiq edilir:
a) vetçina, kolbasa, sosiska; - bunlar xırda tikələrə doğranıb
azacıq qovrulur və üstünə sous tökülərək (qırmızı sous, tomat
sousu, madera sousu) qarışdırılır və qızdırılır;
b) təzə pomidor; - bu, dilim şəklində doğranıb qovrulur;
v) mal əti, böyrək, malqara ciyəri yaxud toyuq qaraciyəri; -
bunlar xırda tikələrə doğranıb qovrulur və üstünə soğanlı xama
sousu tökülüb qarışdırılır və qızdırılır;
q) çiçək kələm, qınlı lobya, göy noxud, quşqonmaz; -
bunlar bişirilib orta qatılıqda süd sousu ilə birləşdirilir və
qarışdırılıb qızdırılır.
145
Hər pay üçün burada 2 ədəd yumurta, yaxud 86 q melanj,
30 q süd yaxud su, 5 q yağ (qovurmaq üçün), 5 q kərə yağı və 35
q hazır qiymə götürülür.
Qatışıq omlet
Burada yumurta qaba tökülüb üstünə süd yaxud su, habelə
bu və ya digər narın doğranmış məhsul (bişmiş kolbasa, vetçina,
göy soğan, cəfəri göyərtisi, pendir) əlavə edilir və ciddi qarışdı-
rılır (pendir əzilmiş şəkildə vurulur). Bu xörəyin hazırlanmasının
və süfrəyə verilməsinin yerdə qalan şərtləri natural omlet kimidir.
Hər pay üçün burada 2 ədəd yumurta, 30 q su, yaxud 20 q
su və 10 q süd, 44 q vetçina, yaxud 36 q kolbasa, yaxud 15 q
soğan, yaxud 16,5 q pendir və 5 q yağ (qovurmaq üçün)
götürülür.
Yumurta şiləsi
Burada yumurta yastı qazana yaxud dibi qalın qazana tökü-
lüb süpürkəciklə çalınır və üstünə süzülmüş süd və əridilmiş kərə
yağı əlavə edilərək arasıkəsilmədən taxta qaşıqla 80° temperatur-
da qarışdırmaq şərtilə bişirilir və şiləvarı vəziyyətə gətirilir. Bişi-
rən zaman buna duz da vurulur. hazır olduqdan sonra yumurta
şiləsi 60° temperaturda ən çox 15 dəqiqə marmit içində saxlanır.
Yumurta şiləsi xırda metal yaxud çini kasalarda süfrəyə
verilir. Süfrəyə verilən zaman yumurta şiləsinin ətrafına buğda
çörəyindən hazırlanmış xırda qrenkalar düzülür yaxud üstünə
pendir ovuntusu səpilir; yumurta şiləsinin ortasına isə suda
bişirilmiş müxtəlif məhsullar, o cümlədən ya orta qatılıqda süd
sousu qatılmış quşqonmaz, göy noxud, qınlı lobya, ya madera
sousu qatılmış vetçina, mal əti yaxud yağ içində çiçək kələm,
Brüssel kələmi, xama içində ağ göbələk və ya təzə pomidor
qoyula bilər.
146
Hər pay üçün burada 2 ədəd yumurta, 40 q süd və 5 q kərə
yağı götürülür.
3.5.1. Kəsmikdən hazırlanan xörəklər
Kəsmikdən kəsmik kütləsi, kəsmik kökəsi, varenik və
pudinq hazırlanır.
Kəsmik kütləsi üçün, bir qayda olaraq yağlı kəsmik tətbiq
edilir.
Xörək üçün tətbiq edilən kəsmik mütləq əzilib ələkdən
keçirilir. Əzilib ələkdən keçirilməmiş kəsmik yalnız süd ilə
kəsmik yaxud xama ilə kəsmik xörəkləri üçün tətbiq edilir.
Kəsmik kütləsi
Burada əzilmiş kəsmik, kərə yağı və şəkər ciddi qarışdırılıb,
birnövlü kütlə şəklinə salınır və sonra bunun içinə xama, çiy
yumurta, vanilin və duz qatılır.
Şirin kəsmik kütləsinə kişmiş, sukat, qoz, meyvə və gilə-
meyvə şirəsi, habelə yeyinti boyağı qatıla bilər; duzlu kəsmik
kütləsinə isə zirə əlavə edilə bilər (cədvəl 3.3).
Cədvəl 3.3
1 kq kəsmik kütləsinə sərf edilən məhsullar (qram)
Məhsulların
adı
Şirin
Üzüm
qatılmış şirin
Sukat
qatılmış şirin
Duzlu
Yağlı Yağsız Yağlı Yağsız Yağlı Yağsız Yağlı Yağsız
Kəsmik
720
910
670
680
670
680
810
1020
Şəkər
140
140
130
130
130
130
-
-
Kərə yağı
190
-
190
-
190
-
210
-
Vanilin
0,15
0,15
0,1
0,1
0,1
0,1
-
-
Tumsuz
kişmiş
-
-
65
65
-
-
-
-
147
Dostları ilə paylaş: |