Lentali konveyerləRİn hesablanmasi

Mazutların sisternlərdən resirkuliyasiyalı qızdırılma ilə boşaldılması.

Burada mazut sisternlərdən boşaldılmamışdan əvvəl sisternin içərisinə daşına bilən mazut qızdırıcısı salınır.Bu qızdırıcı vasitəsilə boşaldıcı qurğular qızdırılır.

Bundan sonra mazut mərkəzdənqaçma nasoslarının köməyi ilə sisterndən xaricdə yerləşən qızdırıcıya verilir və yüksək temperatura qədər qızdırıldıqdan sonra yenidən sisternə vurulur.Sisternə vurulan isti mazut şırnağı oradakı mazutla qarışaraq,onu qızdırır.Qızmış mazut sisterndən nasos vasitəsilə boşaldılır . Mazutun bir hissəsi mazut anbarına,digər hissəsi isə qızdırıcıya qızdırılmaq üçün göndərilir ki, yenidən sisternə vurulsun.Bu proses sisternlər tam boşalana kimi davam etdirilir.Sisterndən xaricdə yerləşən qızdırıcıda mazutun temperaturu alışma temperaturundan 10-20⁰C aşağı olmalıdır.İsti mazut sisternə (10-25)^. 10⁵MPa təzyiqlə verilir.

Şəkil 10.14-də mazutların resirkuliyasiyalı qızdırılmasının prinsipial sxemi göstəril­miş­dir.

Mazutu sisterndən (6) boşaltmamışdan əvvəl axma borucuğuna (7) buxar köynəkli (8) stəkanı yerləşdirilir.(5)borucuğuna qızdırıcıdan (10) gələn şlanq (9) birləşdirilir.Stəkana və qızdırıcıya buxar verildikdən sonra axma borucuğunun klapanı açılır. Mazut qızdırıcıda 40-50⁰C qızdıqdan sonra nasos vasitəsilə (11) vurularaq, (2)şlanqdan keçərək , sisternin dibində yerləşən boru-soplolara vurulur. Beləliklə, isti mazut soyuq mazutla qarışaraq, onu qızdırır.

Nasos elektrik motoru (12) ilə işə salınır.Dayağın vəziyyəti kranı (3) və bucurğad (4) vasitəsilə tənzimlənir.Bucurğad ağırlıq qaldıran mexanizmdir.Soplo- borular qatlanan və hərəkətlidirlər.Bu boruların funksiyası həm isti mazutu sisternin içərisinə nəql etmək, həm də qatlanıb açılan zaman vaqonun dibinə və divarına yapışan mazutu sıyırmaqdır.Bu metodla mazut vaqonlardan 2,5-5 saata boşaldır.

Mazutların sisternlərdən resirkuliyasiyalı qızdırılma ilə boşaldılması metodunun üstün cəhəti onun qənaətli olmasıdır.Ən əsası isə mazutun nəmlənməməsidir.Mazutların qızdı­rılmasıçox böyük güc tələb edən qurğularda aparıldığından,idarə etmənin çətinli­yin­dən və kapital xərclərin böyüklüyündən bu metoddan istifadə qeyri-mümkündür.

Şəkil.10.14.Mazutların resirkuliyasiyalı qızdırılmasının prinsipial sxemi

1-qatlanan boru-soplo;2-şlanq;3-kran;4-bucurğad;5-mexanizimli borucuq;6-sistern;7-axma borucuğu; 8-buxar köynəkli stəkan,9-şlanq;10-qızdırıcı;11-nasos;12-elektromotor.