Loyiha toshkent davlat yuridik universiteti fuqarolik huquqi darslik I qism toshkent-2017

Fuqarolik-huquqiy javobgarlikda qoʻllaniladigan fuqarolik ta’sir 
choralari 

---

256

Umumiy qoida boʻyicha fuqarolik javobgarlik choralari zararni
qoplash, neustoyka toʻlash, zakalatdan maxrum boʻlishda namoyon
boʻladi. Ayni paytda, bundan tashqari ham fuqarolik javobgarlik ta’sir
chorasi sifatida baholanishi mumkin boʻlgan huquqiy ta’sir choralari tizimi
mavjud. Biroq ushbu tizim kengaytirilgan holda ham talqin etiladi.
Fuqarolik-huquqiy javobgarlik choralarini nafaqat zararni qoplash,
neustoyka toʻlash, balki musodara xarakteridagi choralar, shuningdek,
alohida notipik xarakterdagi choralar koʻrinishida boʻlishi ham mumkin.
Notipik choralar jumlasiga, masalan, badnom qiluvchi ma’lumotlar
boʻyicha raddiya berish, asarga haqiqiy muallif muallifligini inkor etgan
huquqbuzar tomonidan muallifni e’tirof etish va shu kabilar kiradi.
Fuqarolik-huquqiy munosabatlar doirasi nihoyatda keng, demak ta’sir
choralari doirasi nihoyatda keng boʻladi.
Odatda, fuqarolik javobgarlik usullari bilan himoya usullari
farqlanadi.
Fuqarolik-huquqiy
himoya
usullari
koʻp
hollarda
huquqbuzarlikni oldini olishga, huquqbuzarlikka yoʻl qoʻymaslikka
yoʻnaltirilgan boʻladi. Biroq, ba’zi holatlarda fuqarolik huquqlarini himoya
qilmish usuli va javobgarlik chorasi, shakli aynan bir xil boʻlishi mumkin.
Fuqarolik javobgarlik choralari FK, fuqarolik qonun hujjatlarida va
boshqa normativ hujjatlarda, shuningdek, lokal normativ hujjatlarda
belgilab qoʻyilgan boʻlishi lozim. Sud tomonidan fuqarolik javobgarlik
chorasini qoʻllashda ushbu qoida imperativ xarakterga ega boʻladi. Chunki
FKning 5-moddasi 3-qismiga koʻra, fuqarolik huquqlarini cheklaydigan va
javobgarlik belgilaydigan normalarni oʻxshashlik boʻyicha qoʻllanishga
yoʻl qoʻyilmaydi.
Bunda normativ manbalarida koʻrsatilgan fuqarolik ta’sir choralari
qat’iy yopiq roʻyxat asosida belgilab qoʻyilgan degan xulosaga kelish
oʻrinli boʻlmagan boʻlur edi. Bu asosan ta’sir chorasi sud tomonidan emas
taraflarning ixtiyoriy kelishuvi asosida qoʻllanilishiga nisbatan taaluqlidir.
Amaldagi FKda belgilangan fuqarolik ta’sir choralari fuqarolik
huquqi bilan tartibga solinadigan munosabatlar doirasining kengayishi
bilan oʻzini universal xarakterini zaiflashtirishi mumkin.
Soʻngi vaqtlarda fuqarolik huquqi munosabatlari bilan tartibga
solinadigan shaxsiy munosabatlar doirasi, turlari kengaymoqda. Muayyan
shaxsiy huquqlarni vujudga kelishi, ularni amalga oshirish xususiyatlari
doirasi va shartlari, qonun hujjatlarida belgilab qoʻyish holatlari
uchramoqda. Masalan, fuqaroning nomiga boʻlgan huquq va boshqalar.
Bundan tashqari fuqarorlik munosabatlari doirasi kengayib, oʻziga
xos xususiyatlarga ega boʻlgan tashkiliy-huquqiy xarakterdagi korporativ

---

257

munosabatlar kirib kelmoqda. Umuman olganda hayotning rang barangligi
va mudom rivojlanishda ekanligi, fuqarolik huquqida erk muxtoriyati va
taraflarning tashabbuskorlik ustuvorligining mavjudligi javobgarlik
choralarini normativ asosda qat’iy belgilanishini istisno etadi. Demak,
kelgusida shaxsiy, mulkiy va tashkiliy munosabatlar boʻyicha, shu
munosabatlarning
xarakteridan
kelib
chiqib,
taraflarni
huquqiy
munosabatda insofli boʻlishga, oʻz majburiyatlarini oʻz vaqtida tegishli
tartibda bajarishini ragʻbatlantiradigan va majbur qiladigan huquqbuzar
uchun noqulay va huquq egasi (jabrlanuvchi) uchun “taskin toptiruvchi”,
qoʻshimcha imkoniyatlar vujudga keltiruvchi ta’sir kuchiga ega boʻlgan
dispozitiv xarakterdagi javobgarlik choralari belgilanishi mumkin.