M İ L L İ K İ T A B X A N A
____________________________________
408
əldə etməsi keçmiş Sovetlər İttifaqında və dünyada gedən ictimai-siyasi
proseslər forumda baş vermiş obyektiv tarixi zərurətin nəticəsi olmuşdur.
1991-ci ilin 18 oktyabrında «Azərbaycanın dövlət müstəqilliyi haqqında
Konstitusiya Aktı»nın qəbul edilməsi ilə Azərbaycan tarxində yeni bir dövr
- müstəqillik dövrü başlandı.
1988-1991-ci illərdə müstəqillik uğrunda aparılan gərgin mübarizədə
Azərbaycan xalqı böyük çətinliklərlə qarşılaşsa da, bu yolda qan tökülsə də,
itkilər verilsə də, öz amalından dönmədi. Həmin dövrdə Azərbaycan xalqı
çox çətin, ağır günlər yaşayırdı. Müstəqilliyə doğru yolda maneələrə,
müqavimətlərə rast gəlirdi. Azərbaycanda bəzi siyasi qüvvələr ölkəmizin
müstəqil yaşamaq imkanına şübhə edir, ona inanmırdı. Bəzi qüvvələr heç
müstəqilliyi belə istəmirdi, buna mane olurdu. Ümummilli liderimiz Heydər
Əliyevin göstərdiyi kimi «Amma Azərbaycan xalqının çox əsrlər ərzində
qəlbində yaşatdığı istək və arzu bütün bunların hamısına qalib gəldi,
Azərbaycan dövlət müstəqilliyini əldə etdi və müstəqillik yolu ilə uğurla
irəliləyir».
1
Bu yol heç də asan olmamışdır. Azərbaycan xalqı böyük
çətinliklərlə qarşılaşmışdır. Hətta bəzi rəhbərlərin bacarıqsızlığı,
səriştəsizliyi nəticəsində Azərbaycanın müstəqilliyi təhlükə, respublikamız
parçalanma təhlükəsi qarşısında qalmışdı. İnamla demək lazımdır ki,
Azərbaycanı bu təhlükələrdən yalnız Heydər Əliyev xilas edə bildi. O,
Azərbaycanın xilaskarı kimi şərəfli bir ad qazandı.
Heydər Əliyevin başçılığı ilə Azərbaycanın müstəqillik yolunda
inkişafını aşağıdakı dövrlərə bölmək olar.
Birinci dövr 1991-ci ildən 1995-1996-cı ilə qədər, ikinci dövr isə 1996-
cı ildən başlayır və 2004-cü ilə qədər davam edir.
Birinci dövrü də iki mərhələyə bölmək olar.
Birinci mərhələ. 1991-ci il oktyabrın 18-dən başlanır və 1993-cü ilin
ortalarına kimi davam edir. Bu dövrdə Azərbaycanın müstəqilliyinin
itirilməsi, respublikanın parçalanması təhlükəsi yaranmışdı. Milli və
vətəndaş qarşıdurması yaranmışdı. Hakimiyyət böhranı baş vermişdi. 1992-
ci ilin
1
Heydər Əliyev. Azərbaycan Respublikasının dövlət müstəqilliyinin 10-cu ildönümünə həsr olunmuş təntənəli
mərasimdə nitqi. - «Azərbaycan» qəzeti, 18 oktyabr 2002-ci il, səh. 1
M İ L L İ K İ T A B X A N A
____________________________________
409
martında ölkədə hakimiyyət dəyişikliyi baş verdi, hakimiyyət böhranı bir
neçə ay davam etdi, ondan sonra həmin ilin iyununda Azərbaycanda yeni
prezident seçildi. Xalq Cəbhəsi hakimiyyətə gəldi. Daxildə hakimiyyət
çəkişməsi, mübarizəsi nəticəsində 1992-ci ilin iyun ayında hakimiyyətə
gəlmiş Xalq Cəbhəsi bir ildən artıq hakimiyyətdə qala bilmədi, istefa verdi.
Hərc-mərclik, xaos şəraitində Ermənistanın təcavüzü, ərazi işğalı davam
edirdi, torpaqlarımız işğal edilirdi. Xocalı faciəsi törədilmişdi, Şuşa işğal
olunmuş, Laçın və Kəlbəcər düşmən əlinə keçmişdi. Dağlıq Qarabağ
problemi düyünə düşmüşdü.
Nəhayət, 1993-cü ildə ölkə parçalanmaq təhlükəsi qarşısında qalmışdı.
Artıq vətəndaş müharibəsi baş vermişdi. Azərbaycanın cənubunda və
şimalında separatçı hərəkat genişlənmişdi. 1991-1993-cü illəri əhatə edən
birinci mərhələ müstəqilliyimizin böhranlı illəri olub Azərbaycanı böyük
təhlükə, bir ölkə kimi, müstəqil dövlət kimi parçalanmaq təhlükəsi
qarşısında qoymuşdu.
İkinci mərhələ. 1993-1995-ci illəri əhatə edir. Xalqın təkidli tələbi ilə
Heydər Əliyev 1993-cü ilin iyun ayında Naxçıvandan Bakıya gəldi. Heydər
Əliyevin titanik fəaliyyəti nəticəsində iyun böhranı aradan qaldırıldı.
Hakimiyyət dəyişikliyi baş verdi. İyunun 15-də böyük siyasətçi Heydər
Əliyev Azərbaycan Respublikası Ali Sovetinin sədri seçildi. Azərbaycanın
qurtuluş dövrü başlandı. 1993-cü ilin oktyabrında Heydər Əliyev
Azərbaycanın Prezidenti seçildi. Hakimiyyət boşluğu aradan qaldırıldı. Bu,
Azərbaycanın müstəqülik yolunda irəliləməsi üçün yeni bir tarixi addım idi.
Respublikada sabitlik təmin edildi. Lakin əvvəlki dövrdə yaranmış
hakimiyyət hərisliyi elə köklər salmışdı ki, 1993-cü ildə yaranmış müəyyən
sabitliyi sonradan pozmaq təşəbbüsləri tez-tez baş qaldırırdı.
1994-cü ilin oktyabrında, 1995-ci ilin martında Azərbaycan
dövlətçiliyinə qarşı qəsdlər təşkil edildi. Prezidentin təşkilatçılığı, siyasi
çevikliyi, xalqın birliyi nəticəsində bu, ən təhlükəli hadisələr yatırıldı.
Yalnız Heydər Əliyev gücü, bacarığı, onun qətiyyəti bunların qarşısını ala
bilərdi. «O günləri unutmaq lazım deyildir. Bəlkə xalqımız о günlər bizim
Azərbaycanın rəhbərliyində olanların və şəxsən Azərbaycan Respublikası
Prezidenti
M İ L L İ K İ T A B X A N A
____________________________________
410
kimi mənim keçirdiyim ağır dəqiqələri, saniyələri, saatları bilmir və bilə də
bilməz».
1
1994-cü ilin mayında Azərbaycanın dövlət başçısının siyasi və
diplomatik fəaliyyəti nəticəsində Ermənistan - Azərbaycan müharibəsində
atəşkəsə nail olundu. Atəşkəs rejimi Milli Ordunun formalaşdırılması,
nizami silahlı qüvvələrin yaradılması üçün çox mühüm tarixi rol oynadı.
İqtisadi sahədə birinci və ikinci mərhələdə, 1991-1995-ci illər üçün
ümumi xarakterik cəhət ondan ibarətdir ki, Azərbaycanın iqtisadiyyatının
bütün sahələri tənəzzülə uğramışdı. Bu dövrdə həm sənaye, həm kənd
təsərrüfatı istehsalı, həm də ümumi daxili məhsul, eləcə də başqa iqtisadi
göstəricilər ildə 20-25 faiz aşağı düşmüşdü. Belə ki, 1991-ci ildən 1995-ci
ilə kimi ümumi daxili məhsul 58 faiz, sənaye məhsulu 67 faiz, kənd
təsərrüfatı məhsulu 48 faiz azalmışdı.
2
İkinci mərhələdə Azərbaycanın gələcək iqtisadi və siyasi durumu üçün
əsaslı şərt olan 1994-cü ilin 20 sentyabrında «Əsrin müqaviləsi» adlanan ilk
beynəlxalq neft müqaviləsi imzalandı. Bu xarici dövlətlərin Azərbaycana
inamını göstərirdi. Heydər Əliyevin neft strategiyasının əsasının qoyulması
demək idi. Sonrakı dövrdə inkişaf neft strategiyasının həyatiliyini və
gələcək tərəqqisinin qarantı olduğunu göstərdi.
İkinci dövr. 1995-ci ilin ortaları - 1996-cı ildən başlanır.
Bu dövrdə Azərbaycan Respublikası Konstitusiyasının qəbul edilməsi ilə
dövlət quruculuğu baxımından ən məhsuldar mərhələ başlanır. Ölkəmizdə
hüquqi, demokratik dövlət quruculuğu hərtərafli inkişaf etdirilir.
Qanunçuluq cəmiyyət həyatında əsas rol oynamağa başlayır, sabitlik
bərqərar olur.
İqtisadi sahədə ardıcıl intensiv inkişaf mərhələsinə qədəm qoyulur. Bu
dövrü xarakterizə edərək dövlətimizin başçısı qeyd edirdi: «İndi biz böyük
inkişaf dövrü keçiririk. İqtisadiyyatda əsas göstəricilər makroiqtisadi
göstəricilərdir».
3
1
«Azərbaycan» qəzeti, 18 oktyabr 2001-ci il
2
Heydər Əliyev. Azərbaycan dövləti bundan sonra da yaşayacaq və müstəqilliyimiz əbədi, daimi olacaqdır.
Azərbaycan Respublikasmın dövlət müstəqilliyinin 10-cu ildönümünə həsr olunmuş təntənəli mərasimdə nitqi. -
«Azərbaycan» qəzeti, 18 oktyabr 2001-ci il
3
Yenə orada
Dostları ilə paylaş: |