64
Yangi Gvineya tropik zonada joylashgan bo’lib, uning asosiy-hududi
tropik o’rmonlar bilan egallagan. Hududning iqlimiy va floristik tarkibi
hayvonot dunyosini belgilashda muhim ahamiyatga ega bo’lib, oblastning
turli zonalarida turlicha ahamiyat kasb etadi.
Qayd etilganidek, Avstraliya faunasining eng muhim belgisi-uning
orol xarakteriga egaligidir. Bu oblastga tegishli ayrim orollar hech qachon
o’zaro va Avstraliya materigi bilan aloqada bo’lmagan.
Agar aloqada
bo’lgan taqdirda ham bu hodisa ancha qadimda sodir bo’lgan. Avstraliya
ham yirik orol bo’lib, orolga xos xususiyatlarga ega. Shu sababli bu
oblastning faunasi butunlay orolga xos bo’lib, birinchidan kambag’al,
ikkinchidan kambag’alligi va endemiklarining ko’pligi bilan ajralib
turadi.Ko’pchilik turlar bu oblastda tarqalmagan, tarqalganlari esa inson
faoliyati bilan uzviy bog’liqdir.
Avstraliya faunasi uchun xos xususiyat faunaning nisbatan
kambag’alligi, qadimiyligi va endemizm darajasining yuqorililigidir.
Buning asosiy sababi Avstraliyaning
yirik oroldan iboratligi, uning
tarkibiga kiruvchi orolchalarning o’zaro va Avstraliya materigi bilan
mutlaqo aloqada bo’lmaganligi yoki bu aloqaning juda qadimda yuz
berganligi bilan tushuntiriladi.
Ko’pchilik hayvon turlarining bu alohidalashgan zoogeografik
oblastga kirib kelishi chegaralangandir. Fauna tarkibidagi o’zgarishlarning
aksariyati inson faoliyati bilan chambarchas bog’liq.
Avstraliya faunasi tarkibida yuksak yo’ldoshlilardan kemiruvchilar
ko’lqanotlilarning ayrim turlari uchraydi xolos.
Oblast orol
xususiyatigi egaligi sababli, uning faunasi tarkibida
hozirgacha ham relikt guruhga mansub hayvonlar (tuxum qo’yuvchilar) ni
uchratish mumkin.
65
Xaltalilar bu oblastda juda boy tur tarkibi ega bo’lib, ularning bitta
kenja turkumi endemiklardan tashkil topgan.
Avstraliya strauslarining turkumlari ham endemiklardir. Ularga emu
va kazuarlar tegishlidir. Bundan tashqari ikki xil nafas oluvchi
baliqlardan-shoxtishlisimonlar ham endemiklardir.
Dastlabki sut emizuvchilar endemik kenja sinfni tashkil etadi. Bu
kenja sinfga yagona turkum-bir teshiklilar kiradi. Bir teshiklilar turkumiga
ikkita oila: o’rdak burunlar va yexidnalar tegishlidir. O’rdakburunlar
Avstraliyaning janubida, Tasmaniyada uchraydi. Yexidnalarning ikkita
avlodi Yangi-Gvineyada va cho’l zonasidan
tashqari butun Avstraliyada
tarqalgan. O’rdakburunlar suvda yashaydi. Ularning tashqi tuzilishida
suvda yashashga imkon beruvchi qator belgilarni kuzatish mumkin.
Yexidnalar tuproq ostidagi uyalarida yashab chumoli va termitlar bilan
oziqlanishga moslashishgan. Tuproqda uya qazish munosabati bilan
ularning oyoqlari
baquvvatlashgan,
tirnoqlari kuchli,
tumshug’i
cho’zilgan, tili uzun va yopishqoq. Yexidnalar Avstraliyada qazilma
holida ham topilgan. Bu hol mazkur
hayvonlarning qadimda ham
Avstraliyada yashaganligidan dalolat beradi.
Xaltalilar turkumining mazkur zoogeografik oblastida 8 oilasi, 50-
avlodi, 162-turi uchraydi. Bu turkumga quyidagi oilalar kiradi: yirtqich
xaltalilar-Dasyuridae;
nambatlar
yoki
xaltali
chumolixo’rlar
Myrmecobidae; xaltali krotlar-Notoryctidae; bandikutlar-Paramelidae;
oposumlar yoki falangistlar-Pholangeridae; xaltali ayiqlar yoki koalalar-
Phascolarctidae;
vombatlar-Vombatidae;
kengurular-Macropodidae.
Xaltalilarning
turli-tumanligi, boyligi Avstraliya faunasi uchun xos
xususiyatlardandir.Avstraliya oblastida yuksak sut emizuvchilar ham
66
uchraydi. Ular faqat kemiruvchilar va qo’lqanotlilarga mansubdir. Dingo
iti esa Avstraliyaga yaqinda olib kelingan turdir.
Avstraliya
kemiruvchilari
sichqonlar
oilasiga
mansub.
Kalamushlardan tashqari materikda subendemik kenja oila-Hydromynae
vakillari ham uchraydi. Ularning hayoti ham suvda ham quruqlikda
kechadi (qunduzsimon kalamush).
Qo’lqanotlilar mevaxo’r va hasharotxo’rlardan iborat.
Ular orasida
endemik turlar keng tarqalgan.
Ayni vaqtda Avstraliya sut emizuvchilari inson ta’sirida kuchli
o’zgargan va yevropa turlarini keltirilishi oqibatida “yevropalashtirilgan”.
Oblast qushlari 50-oilaga mansub bo’lib, ular 600-turli o’z ichiga
oladi. Shundan 400-tur endemiklardir. Ucholmaydigan yirik qushlar-
kazuarnamolar turkumi bu oblast uchun xosdir.
Avstraliyada va Tasmaniyada emu oilasiga mansub yagona endemik
tur uchraydi. U dasht va savannalarda yashab mevalar bilan oziqlanadi.
Kazuarlar esa (3-tur) asosan Yangi-Gvineyada qisman materikning
shimoliy-sharqiy qismida tarqalgan yer usti qushlaridir.
Qushlar faunasi tarkibida endemik liradumlilar oilasi (2-tur) ham
alohida ahamiyaga ega. Bular yirik, bo’yi 75-100 sm bo’lgan
chumchuqsimonlarga mansub turlardir. Liradumlilar
zich butazorlarda
yashaydi. Ularning dumi lira muzika asbobini eslatadi. Bu qushlar
muhofazaga olingan. Ular Avstraliyaning janubiy qismida uchraydi.
Butazor qushlari-Atrichornithiodae ham endemik oilani tashkil etadi (2-
tur). Mazkur turlar yo’qolib ketish xavfi ostida
Dostları ilə paylaş: