Patagon-Chili kenja oblasti
Bu kenja oblast materikning mo’’tadil zonadagi janubiy qismini
egallagan. Kenja oblastda ochiq landshaftlar asosiy o’rinni egallaydi.
Jumladan, keng dasht hududi-pampaslar, chala cho’llar, o’rmonsiz yassi
tog’liklar, cho’llar, tog’ tizmalari.Kenja oblast uchun xarakterli turlarga
lamalar, tog’ va pampas bug’ulari, ko’zoynakli ayiq hamda
kemiruvchilardan shinshilla, viskasha, nutriya, tukotuko, dengiz
cho’chqachasi va mara kabi sut emizuvchilarni kiritish mumkin. Zixrlilar
va xaltalilarning ham hudud uchun xos turlarining uchrashi qayd
etiladi.Qushlardan nandu, tinami, palamedey, kolibrilar va kondorlarni
qayd etiladi.Dumsiz amfibiyalardan Darvin rinodermasi uchraydi. Bu
turning erkaklari rivojlanayotgan tuxumlarni tomog’idagi xaltasida olib
yuradi.
Efiopiya
Efiopiya oblasti Afrika materigining katta qismini egallaydi. Bu
oblast Saxaraning janubini, Arabiston yarim orolning janubiy-sharqini
egallaydi. Oblast tarkibiga Skotra, Vozneseniya, Shimoliy Yelena orollari
ham kiradi. Shimolda oblast chegaralari tropik mintaqadan tashqariga
84
chiqmaydi. Janubda esa bu chegaralar subtropik mintaqaga ancha kirib
boradi. Afrika materigi ma’lum darajada ulkan shimoliy materik tarkibiga
yaqin joylashgan bo’lib, ayrim vaqtlarda uning hayotiy komponentlari
mazkur materik bilan yaqin aloqada bo’lgan. Ayrim qarashlarga ko’ra,
Afrika, Yevropa O’rta Yer dengiziga tomon siljigan va hozirgi holatiga
kelib siljishdan to’xtab qolgan. Bunday qarashlar Afrika va Yevro-Osiyo
faunasining ma’lum daraja o’xshashligi, o’ziga xos xususiyatlarining
hozirda ham mavjudligi bilan o’z isbotini topadi. Uchlamchi davrda esa
bunday o’xshashliklar bu ikkala materik orasida yana ham ko’proq
bo’lgan. Paleontologlar uchlamchi davrda Afrika faunasining Yevropaga
bir necha bor migratsiya qilganligini aniqlaganlar. Xuddi shunday teskari
migratsiya ham sodir bo’lib turgan. Hozirda Afrikada uchraydigan qator
tuyoqlilar uchlamchi davrda Yevropada va Hindistonda yashagan.
Yuqorida keltirilgan ma’lumotlar Afrika, Yevro-Osiyo va hatto Shimoliy
Amerika faunalarining taqdiri oz muncha bo’lsada, o’zaro bog’liqligidan
dalolat beradi. Efiopiya faunasi qator belgilari bilan Indo-Malay oblasti
faunasiga ham o’xshab ketadi. Daraxtlar issiqqa juda chidamli bo’lishiga
qaramasdan quruq mavsumlarda bargini to’kadi. O’rmonsiz savannalar
asosan boshoqli o’simliklar bilan qoplangan (fil o’tlari). Daraxtlardan
baobab, soyabonsimon shox-shabali akatsiya, moy palmasi va sutli
daraxtsimonlar keng tarqalgan.
Nam ekvatorial yoki yomg’irli hududlarda tarqalgan o’rmonlar
massivi Afrikaning g’arbi va markaziy qismini egallaydi. Ular asosan
Kongo daryosi bo’ylab va Gvineya ko’rfazining janubida joylashgan.
Tog’lik hududlarda asosan namgarchilikni yoqtiradigan (yog’in miqdori
kamida 2000 mm) issiq iqlimda o’sadigan nam o’rmonlar, daryo,
vodiylarda esa galerey o’rmonlari shakllangan. Efiopiya faunasi o’ziga
xos, juda xilma-xillikka ega, boy fauna bo’lib, o’zining “qiymati” bilan
85
boshqa faunalardan ajralib turadi. Ayniqsa uning tropik, o’rmonli
hududlari faunasi juda boy.
Fauna tarkibida sut emizuvchilar sinfiga mansub 37-oila vakillari
uchraydi. Shundan 9 tasi jumladan, kunitsalar, yer qazarlar,
mushuksimonlar, olmaxonlar, cho’chqalar, kovak shoxlilar va boshqalar
juda keng tarqalishga ega. Tipratikanlar, otlar, maymunlar, viverralar va
boshqalar oblast chegarasidan ancha tashqarida ham o’z tarqalish
areallariga ega.
Endemiklardan sut emizuvchilarning damanlar (Hyracoidea) turkumi
vakillari, yagona turkum va oilaga mansub termit va chumolilar bilan
oziqlanuvchi Orycteropus afer-afrika naytishi uchraydi. Damanlar
tovushqon kattaligidagi hayvonlar bo’lib, o’rmonlarda va tog’larda
yashaydi. Bu o’simlikxo’r hayvonning tovonida so’rg’ichsimon o’simtalar
bo’lib, daraxt va qoyalarga chiqishga imkon beradi. Endemik oilalardan
qunduzsimon yer qazarlar, oltinrang krot, suv ayg’irlari, jirafalar, nina
dumli olmaxonlar, uzun oyoqlar va boshqalar uchraydi. Jami endemik
oilalar soni 14 tani tashkil etadi. Avlodlar darajasida olganda, 151-
avloddan 118 tasi endemiklardir. Tuyoqlilar faunasi boshqa oblastlarga
qaraganda ancha boyligi bilan xarakterlanadi. Turli antilopalar, zebralar,
jirafalar, karkidonlar, suv ayg’irlari, fillar, Afrikaning “landshaft
hayvonlari” sanaladi. Mazkur turlarning ayrimlari juda katta miqdorda
uchraydi. Oblastda krotlar, ayiqlar, qunduzlar, qo’shoyoqlar, tapirlar,
tuyalar va bug’ular oilalari umuman uchramaydi. Qo’l qanotlilardan 9-
endemik avlod vakillari uchraydi. Kavsh qaytaruvchilardan taxminan 40
avlod vakillari antilopalarga tegishli bo’lib, ulardan yirik turlarga
kannalar, kudular, gnular kiradi. Jirafalarning ikkita turi uchraydi: okapa-
Okapia jonstoni (balandligi 2 m, Kongodagi zich o’rmonlarda yashaydi);
jirafa –Giraffa cameleopardalis (balandligi 6 m, savanna va kam o’rmonli
86
hududlarda yashaydi). Suv ayg’irlarining ham ikkita turi oblast uchun xos:
yirik suv ayg’iri-Hippopotamus amphibius (erkaklari 3 tonnagacha, tana
uzunligi 400-420 sm); pakana suv ayg’iri-Choeropsis liberinsis (massasi
250-260 kg, tana uzunligi 150 sm atrofida). So’galli cho’chqa –
Phacochoerus va cho’tka quloqli cho’chqa- Potamochoerus kabi avlodlari
ham oblastga tarqalgan. Haqiqiy cho’chqalar (Sus avlodi) uchramaydi.
Toq tuyoqlilardan karkidonlarning 2-turi oblastdan tarqalgan (oq va qora
karkidon). Ular oldingi tishlarining yo’qligi va ikkita shoxlarining
mavjudligi bilan ajralib turadi. Zebralarning 3-turi tarqalgan (savanna
zebrasi, tog’ zebrasi, grevi zebrasi). Tog’ zebrasi qirib tashlash oqibatida
deyarli yo’qolish arafasida turibdi. Afrika fillari Hind fillaridan farq qilib
ularning erkak va urg’ochilarida ham uzun kurak tishlar bor (Hind
fillarining faqat erkaklarida kurak tishlari bor).
Oblastda yirtqichlardan viverralarning 10 ta avlodi uchraydi.
Sirtlonlar keng tarqalgan bo’lib, sanitarlar rolini bajaradi. Bo’rilar
Afrikada uchramaydi, ularning o’rnini oblast uchun endemik bo’lgan
sirtlonsimon itlar-Lycaon pictus egallaydi.Tulkilar keng tarkalgan.
Mushuklar kam, ammo ularning tarqalish areallari Afrikadan tashqariga
ham chiqadi. Bularga sher, gepard, qoplon va boshqa mayda
mushuksimonlarni kiritish mumkin. Afrika yovvoyi mushugi xonaki
mushuklar zotining ajdodlaridan biri bo’lgan.Kemiruvchilardan jayralar,
olmaxonlar, uzunoyoqlar, kalamushlar, tog’ sichqonlari va boshqalar
tarqalgan.
Hasharotxo’rlarning 3-endemik oilasi uchraydi. Ulardan tilla rang
krotlar oilasi-hasharotxo’rlar turkumiga mansub endemiklar bo’lib,
junining tilla rangda tovlanishi sababli shunday nom olgan. Ularning 30-
turi bo’lib, ular qumli cho’llarda, Janubiy Afrikaning quruq dashtlarida
yashaydi.
87
Efiopiya faunasi tarkibida primatlar ham keng tarqalgan va juda
turli-tuman. Ko’pchilik chala maymunlar lori oilasiga mansub bo’lib
endemiklardir (galago va potto avlodlari). Martishkasimon maymunlardan
martishka faqat Afrikada uchraydi xolos. Pavian va mandrillar poda
holida,
savanna,
tog’,
o’rmonlarida
yashashadi.
Odamsimon
maymunlardan gorilla va shimpanzelar deyarli bir xil arealda tarqalgan.
Yashcherlarning 4-turi uchraydi. Ulkan va dasht yashcherlari
oblastning barcha ochiq landshaftlarida tarqalgan. Efiopiya oblastida
qushlarning 89-oilasidan 15 tasi endemik hisoblanadi. Bularga Afrika
strauslari, sesarkalar, kotiba qush, daraxt sassiq popushaklari,
bananxo’rlar, chumchuqnamolarning 5-oilasi va boshqalar kiradi.
Efiopiyada qurlar, bigiz tumshuqlar, suv chumchuqlari, korolyoklar
uchramaydi. Oblast uchun ko’p sondagi bulduruqlar, tuvaloqlar, tasqaralar
va boshqalarning uchrashi xarakterlidir.
Efiopiya ornitofaunasi juda turli-tumanligiga qaramay, asosan keng
tarqalgan oilalarga tegishliligi bilan sut emizuvchilardan farq qiladi.
Endemik avlodlar va turlar ko’p, ammo ularning areallari cheklanganligi
uchun oblastni xarakterlashda katta ahamiyatga eag emas. Nisbatan keng
tarqalgan qushlarga tsesarkalar (20-dan oshiq tur), to’qimachilar,
nektarchilar, asal darakchilari va karkidon qushlarni kiritish mumkin.
Ko’pincha mazkur turlarning areallari Afrika va Hindistonda tarqalgan.
Kosmopolit turlar ham anchagina (kakkular, qizilishtonlar, ko’k qarg’alar,
ko’k targ’oqlar va boshq.).
Qishda Afrika ornitofaunasi qishlash uchun uchib keluvchi turlar
hisobiga ancha boyiydi. Ularga Yevropadan uchib keluvchi laylaklar,
turnalar, qaldirg’ichlar va boshqalarni misol qilish mumkin.
88
Efiopiya oblastida sudralib yuruvchilar juda ko’pchilikni tashkil etadi.
Umuman sudralib yuruvchilar barcha tropik hududlarda ko’p tarqalgan.
Dostları ilə paylaş: |