Magistrantların XVIII Respublika Elmi konfransı, 17-18 may 2018-ci il
467
olacaqdır. Biz əminik ki, fəal (interaktiv) təlimin hər bir müəllim tərəfindən istifadəsi uşaqların dərs zamanı
idrak fəallığını və əməkdaşlıq həvəsini artıracaq.
MÜƏLLĠMĠN SĠNĠF RƏHBƏRĠ KĠMĠ FƏALĠYYƏTĠNDƏ YARANAN PROBLEMLƏR
Musayev B.E.
Mingəçevir Dövlət Universiteti
Xalqımızın gələcəyi indiki dövrdə məktəbdə təhsil alan şagirdlərdən asılıdır. Onlar necə
formalaşırlarsa, xalqımıza o cür təsir edəcəklər. Yaşadığımız cəmiyyətdə yüksək inkişafla bərabər,
xoşagəlməz halların, mənfiliklərin şahidləriyik. Məhz belə vəziyyətlər hələ inkişafda olan şagirdləri daha tez
cəlb edir. Gələcəyimiz saydığımız bu şagirdləri belə hallardan uzaqlaşdırmaq, onları qorumaq valideynlərlə
bərabər biz müəllimlərin üzərinə düşür. Məktəbdə şagirdin hərtərəfli formalaşması işi hər bir müəllimlə
bərabər ən əsas sinif rəhbərindən böyük məsuliyyət tələb edir. Müasir təhsildə yaranan problemlərdən biri
də müəllimin sinif rəhbəri kimi fəaliyyətində yaranan problemlərdir. Pedaqoji fəaliyyətdə müəllimlərin bir
çoxu sinif rəhbəri vəzifəsini yerinə yetirirlər. Müasir məktəblinin formalaşma prosesi sinif rəhbərlərinin
gözləri qarşısında baş verir. Sinif rəhbərinin pedaqoj işinin məzmunu çoxcəhətlidir. Azərbaycan
Respublikasının ümumtəhsil məktəblərinin nümunəvi əsasnaməsi, orta ümumtəhsil məktəblərinin
nizamnaməsində sinif rəhbərlərinin vəzifələri konkret müddəalar şəklində verilmişdir. Sinif rəhbərinin
vəzifəsinin düzgün yerinə yetirilməsində böyük təcrübə tələb olunur. Problemli məsələlərdən biri sinif
kollektivinin düzgün təşkilidir. Hər bir sinif rəhbəri rəhbərlik etdiyi sinifdə mütəşəkkil kollektiv təşkil
etməyə xüsusi diqqət yetirməlidir. Sinif rəhbəri şagird kollektivini təşkil edərək şagirdlərin vəzifələrini,
şagirdlər üçün qaydaları, əxlaqi hərəkətləri və mədəni davranış qaydalarını şagirdlərə başa salır və onlara
aydın dərk etdirir. Azərbaycan Respublikası üçün əsl vətəndaşın yetişdirilməsi işində mehriban, mütəşəkkil
və səmimi kollektiv böyük rol oynayır. Belə kollektivdə birləşən şagirdlər nəcib əxlaqi keyfiyyətlərə
yiyələnir, bir-birinə kömək edir, qayğı göstərir, onlarda müstəqillik, təşəbbüskarlıq inkişaf edir. Şagirdlərdə
dostluq, yoldaşlıq münasibəti möhkəmlənir, vətənpərvərlik, milli ləyaqət, milli şüur, böyüklərə hörmət və
qayğı, düşmənə nifrət, milli iftixar hissi və s. keyfiyyətlər formalaşır. Şagirdlər bir-birilə hər gün ünsiyyətdə
olur, bir-birinin sevinc və kədərindən xəbər tutur, bir-birilərinə qayğı ilə yanaşırlar. Sinif rəhbəri şagirdlərini
ətraflı öyrənib kimin nə kimi qabiliyyətə sahib olduğunu dəqiqləşdirəndən sonra fəallarla iş aparır. Fəallar
işin gedişində sinif rəhbərinin yaxın köməkçilərinə çevrilirlər. Digər problemli məsələlərdən biri sinif
rəhbərinin tərbiyə işini düzgün qurmasıdır. Sinif rəhbərləri uşaqlarla tərbiyə işi aparır, onların davranış və
münasibətlərini müşahidə edir, özlərini necə apardıqlarının şahidi olurlar. Sinif rəhbəri tabeçiliyində olan
şagirdlərə mənəvi keyfiyyətləri, xarakter əlamətləri, bir-birilərinə, müəllimlərə, yaşlı nəslin nümayəndələrinə
münasibətin qurulması, formalaşması, təkmilləşməsi üçün müxtəlif məzmunlu tədbirlər təşkil etməli,
şagirdləri yaradıcılıq, axtarıcılıq işlərinə cəlb etməli, şagirdlərin gündəlik ünsiyyət şəraitində, öz davranış və
hərəkətləri, adamlara münasibətində ciddi təsir etməlidir. Sinif rəhbəri şagirdlərlə, valideynlərlə, rəhbər
olduğu sinifdə müəllimlərlə iş aparmalıdır. Sinif rəhbəri şagirdlərində vətənpərvərlik, möhkəm əqidə,milli
iftixar hissi tərbiyə etməlidir. O, şagirdlərinə yüksək nikbin nəzərlərlə yanaşmalı, onların şəxsiyyətinə,
sözünə inanmalı, hörmət etməli, onların qarşısında həm də ciddi tələblər qoymalıdır. Şagirdlərinə belə
səmimi inam və tələb hər bir şagirdin ona öz qəlbini açmasına, ürək sözlərini deməsinə şərait yaradır. Sinif
rəhbəri bir təşkilatçı kimi şagirdlərlə müxtəlif məzmunlu iş aparmaq üçün hər bir şagirdin fərdi psixoloji
xüsusiyyətlərini öyrənməyə xüsusi diqqət yetirməlidir. Sinif rəhbəri tərbiyə etdiyi şagirdləri öyrənilməsi
zəruri olan obyekt kimi baxmalı, hər bir şagirdi diqqətlə öyrənməlidir. Bunun üçün sinif rəhbəri müxtəlif
metodlardan istifadə edə bilər. Bu metodlar sırasında birinci yerdə pedaqoji müşahidə dayanır. Bu metodun
köməyi ilə sinif rəhbəri şagirdlərin hərəkət və davranışını qeyd edir, müsbət və mənfi cəhətləri nəzərə alır.
Müşahidə etmək hər bir şagirdin xarakterindəki tipik cəhətləri görmək, onun necə baş verməsi səbəblərini
aşkar etmək deməkdir. Sinif rəhbəri şagirdləri daha ətraflı öyrənmək üçün ayrı-ayrı müəllimlərin dərslərində
iştirak etməli, şagirdlərin təlimə, insanlara münasibətlərini araşdırmalıdır. Şagirdləri məktəbdən kənarda,
ictimai yerlərdə müşahidə etmək sinif rəhbərinə zəngin material verir. Sinif rəhbəri şagirdi öyrənmə metodu
kimi müsahibə metodundan istifadə edə bilər Müsahibədə məqsəd şagirdlərlə üzbəüz oturaraq zəruri
psixoloji-pedaqoji faktları, hərəkətləri təhlil etmək ,baş vermiş hər hansı müsbət və ya mənfi hadisələrin
səbəblərini aydınlaşdırmağa çalışmaqdır. Şagirdləri öyrənməyin bir yolu da eksperimentdir. Bu metodda
məqsəd şagirdlərin fakt və hadisələrə münasibətlərini öyrənmək, onları sınaqdan keçirməkdir. Bu metodla