70
7
Danimarka
82.47
8
Hollandiya
82.3
9
Yeni Zelandiya
81.84
10
Belçika
81.12
63
Azərbaycan
67.58
Mənbə:http://www3.weforum.org/docs/WEF_Human_Capital_Report_2015.pdf
Dünya İqtisadi Formunun 2015-ci il üçün yaydığı insan kapitalı indeksində ilk
10-da yer alan ölkələrin iqtisadiyyatına diqqət etsək insan kapitalının ölkə
iqtisadiyyatındakı rolunu daha yaxşı görmək mümkün olar.
İqtisadiyyatda insan kapitalı insana yönələn investisiyanın həcmi ilə ölçülür.
Dünyada iqtisadi artımın 16 faizi fiziki kapital, 20 faizi təbii ehtiyatlar, 64 faizi isə
insan kapitalı hesabına əldə olunub. İnsan kapitalına yönələn xərclərin artması
nəticədə həmin ölkənin gələcəkdə daha da inkişaf etməsinə səbəb olur.
Bu gün dünyada keyfiyyətli insan kapitalı uğrunda rəqabət dərin xarakter alıb və
insan ən zəngin kapital kimi dünya innovasiya inkişafının əsas fundamentini təşkil
edir. Yüksək ixtisaslı personalın çevikliyinin artması, biliyin paylaşması prosesi
hazırda genişmiqyaslı bir dünya planı kimi sürətli temp alıb. Qloballaşma şirkətlərə
daha yüksək səviyyəli texnologiya uğrunda rəqabət aparmağa və innovasiyaların
ixtisaslaşdırılması və lokallaşdırılması prosesini stimullaşdırmağa məcbur edir.
Dünyaya nəzər saldıqda XX əsrin ortalarından başlayaraq aparıcı dövlətlərin ən
mühüm prioritetləri içərisində insan kapitalının yaradılmasının xüsusi yer tutduğunu
görərik. Bu nəzəriyyə ilk dəfə ötən əsrin 60-70-ci illərində Amerika iqtisadçılarının
tədqiqatları nəticəsində yaranmışdır.
İşçi qüvvəsinin formalaşması, insanın yaradıcılıq və faydalılıq imkanlarının
artırılması bu nəzəriyyənin əsas istiqamətləri kimi müəyyənləşdirilmişdir. Müasir
dövrdə təbii sərvətlər bolluğu dövlətin əsas göstəricisi sayılmır. Dünya Bankının
71
apardığı araşdırmalar müəyyən etmişdir ki, ABŞ-ın milli sərvətinin 76 faizini insan
kapitalı, 19 faizini istehsal, 5 faizini isə təbii resurslar təşkil edir. Avropa ölkələrində
isə insan kapitalı 74 faiz, istehsal 24 faiz, təbii resurslar isə cəmi 2 faiz təşkil edir.
Rusiyada isə insan kapitalı 50 faiz, istehsal 10 faiz, təbii sərvətlər isə 40 faiz
səviyyəsindədir.
Dövlət cəmiyyətin hərəkətverici qüvvəsi olan insan kapitalına daha böyük
əhəmiyyət verir. ABŞ, Yaponiya, Cənubi Koreya, Finlandiya və başqa iqtisadi
cəhətdən inkişaf etmiş ölkələr maddi ehtiyatlardan daha çox təhsilin yetişdirdiyi insan
kapitalından yararlanmış, böyük gəlirlər əldə etməyə başlamış və həmin gəlirlər bu
gün də sürətlə artır.
Dünya Bankının ekspertlərinin araşdırmalarına görə, müntəzəm inkişafın təmin
olunmasında və bilik iqtisadiyyatına keçiddə universitetlər mühüm rol oynayırlar.
YUNESKO-nun ekspertləri isə daha irəli gedərək müəyyən ediblər ki, hər bir ölkədə
dövrün tələblərinə cavab verən güclü kadr ehtiyatları yaradılmasında orta təhsildən
sonrakı təhsillərin rolu çox böyükdür.
Müasir dövrdə hər bir xalqın, dövlətin gələcək taleyini təkcə onun malik olduğu
zəngin təbii sərvətlər deyil, həm də elmi-mədəni və intellektual imkanları, bütün
bunların da fövqündə dayanan insan kapitalı müəyyənləşdirir. Funksional imkanları
elm və təhsilin ictimai həyatın ən müxtəlif sahələrində tətbiqi yolu ilə gerçəkləşdirilən
bu əvəzsiz kapital hazırkı mərhələdə fərd və ictimai toplumların, geniş mənada,
xalqların gələcək inkişafının, yaşayış səviyyəsinin, habelə qazandığı nailiyyətlərin
rəhni kimi çıxış edir.
Hər bir dövlətin iqtisadi inkişafı elmin inkişafı ilə birbaşa qarşılıqlı surətdə
əlaqəlidir. Yeni mərhələdə elmi-texniki tərəqqinin fərqləndirici cəhəti dünya
standartlarına cavab verən yeni, daha keyfiyyətli elmtutumlu məhsulun istehsalına
imkan verən mütərəqqi texnoloji proseslərə və çevik istehsalata sürətli keçiddir.
72
Universitetlərdə elmi səviyyəni yüksəltmək, onun iqtisadiyyatla əlaqəsini təmin
etmək üçün universitetin innovativ infrastrukturunu inkişaf etdirmək lazımdır. Bu
məqsədlə, ilk növbədə universitetlərin elmi potensialından səmərəli istifadə etmək,
müxtəlif təyinatlı dövlət proqramlarının hazırlanmasında, bu proqramların icrasında
(müxtəlif elmtutumlu layihələrin həyata keçirilməsində) universitetlərin fəal iştirakını
təmin etmək, bu istiqamətdə mövcud olan müxtəlif süni maneələri aradan qaldırmaq
lazımdır.
Təhsil insanların bilik, bacarıq və səriştələr əldə etməsi sahəsində imkanlarını
genişləndirir, insan kapitalını formalaşdırır, həyatın keyfiyyətini dəyişir və iqtisadi
artımın mənbəyi rolunu oynayır. Mü- asir təhsil müəssisələri cəmiyyətin mədəni
irsinin nəsildən nəslə ötürülməsinə şərait yaradır və insanları onların iqtisadi və sosial
statuslarını müəyyən edəcək peşəkar bilik və bacarıqlarla təmin edir. Eyni zamanda
təhsil müddətində uşaq və yeniyetmələrdə mənəvi ideallar, davranış stereotipləri və
ətraf aləm haqqında rəy və təsəvvürlər formalaşır.
İqtisadçılar uzun müddət hesab etmişlər ki, hər hansı ölkənin iqtisadi
resurslarının əsas hissəsi fiziki kapitaldır, maddi-əşyavi sərvətdir. 1995-ci ildə Dünya
Bankının 192 ölkə üzrə tədqiqatı isə göstərdi ki, fiziki kapital ümumi sərvətin yalnız
16%-ni təşkil edir, özündə təhsili və ümumi sərvətin 64%-ni ehtiva edən insan kapitalı
daha böyük əhəmiyyət kəsb edir. Almaniya, Yaponiya və İsveçrə kimi yüksək gəlirli
iqtisadiyyatlarda ümumi kapitalın 80%-dək hissəsi insan kapitalından ibarətdir.