5
Bəli, bu qəhrəman-obrazların hər birinin arxasında
hansısa sirli aləm durur; sehirli məkan və zaman
çərçivəsində bu ob-razlar bizə çox şey deyir, bizə çox
şeyi anlatmaq istəyirlər. Ən mühümü odur ki, biz bu
sehir dolu nağıllardan ibrə-tamiz şeylər öyrənirik,
onlar bizim dünyagörüşümüzə, şüurumuza müəyyən
təsir göstərir, təkamülə, inkişafa boy verir.
Əziz dost!
Nağıl elə belə yaranmyıb; hələ Tarix və Yazı olma-
mışdan qabaq da nağıl vardı. Onun tarixi çox qədimdir.
Nağıl bəlkə də miflərlə bir doğulub. Nağıl bizə qədim
zamanlardan, gələcəkdən xəbər verir, nağıl insanların
çoxdan unutduğu tarixləri, hadisələri yada salır. Bizim
ata-babalarımızın ətraf aləmə münasibətləri bizimkin-
dən tamam fərqlənirdi. İndi bizim uşaqlarımızın da
ətrafdakı hadisələrə münasibətləri fərqlidir. Bu,
gələcəkdə də belə ola-caq: nəsillər ətrafdakı hadisələrə
hər zaman bir-birindən fərqli münasibət bəsləyəcəklər.
Lakin ulu əcdadlarımızdan bu yana bu fərqli münasi-
bətlər zaman-zaman bizə çox vaxt rəmzlər, metaforlar
və klassik və əbədi obrazlar vasitəsilə gəlib çatır. Bu
formadan daha çox nağıllarda istifadə olunub və
olunur. Əslində nağıllarda qoyulan problemlər və möv-
zular əbədi dəyişməz mövzulardır-xeyir-şər problemi,
dünyada baş verən pis-yaxşı münasibətlərin fonundakı
hadisələr və onların təsviri-bütün bunlar bizim təfək-
kürümüzdə, şüurumuzda fəzilət və qəbahətlərin me-
yarlarını formalaşdırır, "yaxşı" və "pis" nədir sualının
cavabını verir.
Bu kitabın qəhrəmanı Maksimka gələcəkdə-
iyirmi birinci əsrin sonlarında yaşayır; o, həm real, həm
də nağıl-obrazdır. Yazıçı onun timsalında həm nağıl-
6
obraz, həm də həyati obraz yaradıb. Sən Maksimkayla
tanış olduqca onu sevəcəksən, çünki o, sənə həm yaxın,
həm doğma, həm də əlçatmaz görünəcək. Sən daim öz
yanında onu axta-ra-caqsan, ona oxşamağa və onun
kimi cəsarət sahibi olmağa çalışacaqsan. Gəl sən də
Maksimka kimi səyahətə çıx, gəz-dolan dünyanı bu
vərəqlərin arasında, əziz dost! Yolun açıq olsun!
Kamran Nəzirli,
Azərbaycan Yazıçılar Birliyinin üzvü,
"Qızıl kəlmə" və H.B. Zərdabi mükafatları laureatı
7
Ales Karlyukeviç
Maksimkanın
Vətəndə və digər ölkələrdə
sərgüzəştləri
(povest-nağıl)
Oxucuya
Əziz dostum!
Sağ ol ki, bu kitabı açdın. Çalışacağam ki, sənə bu
məlumatları verəm: kitabın vərəqləri arasında səni hansı
görüşlər gözləyir və o vərəqlər arasında sən kimlərlə
görüşəcəksən...
Mən bilmirəm sənin səyahətə münasibətin necədir.
Lakin şəxsən mən səyahət üçün ölürəm. Hətta xüsusi
xəritə almışam, onu döşəməyə sərmək, həm də divardan
asmaq olar. Mən bu xəritədə getdiyim müxtəlif ölkələri
xırda bayraqcıqlarla qeyd edirəm. Bir balaca
dəqiqləşdirsəm, məndə belə xəritədən iki dənəsi var:
birincisi Belarusun, bizim doğma Vətənimizin xəritəsidir –
ağcaqayın yarpağına bənzəyir. İkinci xəritə isə dünya
xəritəsidir. Birincidə mən hətta tarixləri də qeyd edirəm,
yəni Minskdən uzaqda olan ilk dəfə getdiyim yerləri qeyd
edirəm; məsələn, Dyatlovo və ya Ostrovçaya səyahətimi.
Doğrudur, yalnız ilk səyahətimin tarixini qeyd edirəm.
Çünki getdiyim hər hansı bir yeri xüsisilə sevəndə,
çalışıram ki, ora yenə və yenə gedim. İnan, əziz dost,
ölkənin çox da iri olmayan kəndləri, hətta xırda bir
qəsəbəsi də mənim üçün maraqlıdır; o qədər maraqlıdır ki,
8
mən orda bir-iki gün də qala bilərəm. Bu heç məni
usandırmaz da!..
İllərdən bəri aydın olur ki, mən daha çox gəzirəm,
evdə oturmaqdan, ya da paytaxtın küçələrini gəzib
dolanmaq əvəzinə daha çox səyahət edirəm (yeri
gəlmişkən, qeyd etməliyəm ki, belə gəzib dolanmaqlar
sərgüzəştlərə və çox gizlinlərin üstünü açmağa gətirib
çıxara bilər). O biri xəritədə bayraqcıqlar azdır, çünki mən
yad ölkələrdə az oluram. Və buna baxmayaraq, hər halda,
özümü dünya səyahətçisi hesab edirəm. Mənim yazı
stolumun üstündə kompüterdən savayı kitab və jurnal
təpəcikləri və dağları da görmək olar. Bundan əlavə orda
müxtəlif ölkələrin gözəl fotoalbomları da olur. Bu da
özünəməxsus bir kitabxanadır- o, mənə dünyanın müxtəlif
nöqtələrindən xəbər verir. Mənimçün maraqlıdır: Baykal
gölünün rəngi necədir? İnsan Anqarı üzüb keçə bilərmi?
Pamir dağlarının başında hansı quşlar uçur? Qaraqum
səhralarındakı dəvələr neçə kilometr susuz yürüyə
bilərlər? Mən həm də xəyali olaraq Vyetnamdakı Mekinq
çayında qayıqla üzürəm. Müxtəlif ölkələrin insanlarının
üzünə baxanda onlarda bir oxşarlıq axtarıram. Hərdən
mənim xəyallarım elə qanad çalıb uçur ki, elə bil mən
özüm Niaqara şəlaləsinin yanında durmuşam, elə bil mən
ağ ayılarla göz-gözə dayanmışam və palma ağaclarının
dalında gizlənirəm ki, qəzəblənmiş fil məni görməsin.
Bəli, sənə artıq aydın oldu: mən səyahəti sevirəm,
mən evdən çölə çıxmadan özgə aləmi, naməlum dünyanı
özüm üçün kəşf eləməyi xoşlayıram... Bu mənada kitablar
mənim köməkçilərimdir- onlar insan zəkasının, insan
müdrikliyinin gəmiləridir. Və bir balaca da fantaziya
adama imkan verir ki, sərhədsiz üfüqləri, indiyədək ayrı-
ayrılıqda heç kimə aşmaq nəsib olmayan sonsuz üfüqləri
təsəvvür etsin, canlandırsın. İnan, bəzən istək və arzular
Dostları ilə paylaş: |