Maksimkanin vətəndə və digər ölkələrdə
Yüklə 15,14 Kb. Pdf görüntüsü
|
- Bu səhifədəki naviqasiya:
- Atanın məsləhəti
21 Mixail Yelski Aleksandr Yelskinin doğma qardaşı olub. O bəstəkar, skripkaçı və musiqişünas yazıçı kimi tanınır. 1831-ci ildə Dudiçdə anadan olub. Bir çox musiqi əsərlərinin müəllifidir: polonezlər, sonata-fantaziyalar, mazuroklar, miniatürlər. O, həm də "Minsk quberniyasının xalq rəqsləri" əsərinin müəllifidir. Konsertləri ilə bir çox Avropa ölkəsini gəzib-dolaşıb. Aleksandr Yelski isə tarixçidir, etnoqraf, ölkəşünas kimi tanınıb. 1834-cü ildə Dudiç kəndində anadan olub. Uzun ömür sürüb. 1916-cı ildə vəfat edib. Dudiçin yaxınlığında Zamostye məntəqəsində unikal bir fərdi muzey yaradıb. Bir neçə maraqlı kolleksiyası var; dekorativ-tətbiqi sənət əsərlərini, müxtəlif şəkilləri, məşhurların avtoqraflarını, habelə iri bir kitabxananı miras qoyub. Belarusu qarış- qarış gəzib, Belarus kəndləri barədə bir neçə min məqalə yazıb. Unudulmuş qədim belarus şəhər və kəndləri barədə nəsə bir şey öyrənmək üçün bunlardan indi də istifadə edirlər. 22 Atanın məsləhəti Yalnız Sobol haqqında xəbərlər. Akademik Qradov və professor Svisloçski ekoloji qəzadan ehtiyat edirlər. Ernesto Rodriqes Belarus təbiətinin əsl dostudur. ompüterin ekranında "Dudutki.bay" səhifəsi açıldı. Maksimka çayda batmış idmançının adını yığdı. Bu mövzuda kifayət qədər xəbər vardı. Sən demə, dünənki hadisə barədə ölkənin az qala bütün qəzetləri yazıb. Maksimka cəld qəzetlərin elektron saytlarını nəzərdən keçirməyə başladı. Radio Su öz məlumatında bəzi xilasedicilərin Sobolu necə axtarmaq barədə mülahizələr yayırdı. Bu radiostansiya canlı efirdə işləyir, internet səhifəsində öz məlumatlarını təxminən on ilə yaxındır ki, yerləşdirir, görünür, ona bütün ölkə qulaq asır. Çox güman ki, qonşu ölkələrdə də onun dinləyiciləri var. Radiostansiyanın nüfuzu ona görə belə yayılmışdı ki, o, öz xəbərlərində xüsusilə həyəcanlı vəziyyətlərə, dünyada su ilə bağlı məsələlərə xüsusi diqqət yetirirdi. Bu gün artıq dünyanın 100-ə yaxın ölkəsinin su problemi var. Hətta su çatışmazlığı Çinin 300 şəhərində də yaranıb; Çin sürətlə inkişaf edir. Bu dövlət çox problemləri həll etmək iqtidarına malikdir. Amma... Neyləmək olar? Od- fəlakətdir, su da fəlakətdir. Lakin fəlakətdən də betəri odsuz və susuz qalmaqdır. Bu gün səhər Radio Su hörmətli "Olimpiya qəzeti"nin müxbirlərindən nüfuzda heç də geri qalmayan akademiklərin iştirakıyla iclas keçirmişdi. Ptiç mövzusu heç də diskussiyanı xatırlatmırdı. Hörmətli akademiklər az 23 qala yekdil səslə bildirirdilər ki, belə tədbirlər nəinki quraqlığa gətirib çıxaracaq, hətta əməlli-başlı fəlakətə səbəb olacaq. Akademik Qradov maraqlı tarixi faktlar xatırlatdı: "... Rus torpağında on bir əsr bundan qabaq (görünür, o zamankı əraziləri qeyd edərkən o, həm də Belarus torpaqlarını nəzərdə tuturdu) qeyri-adi quraqlıq olub. Bir çox knyazlıqlarda əkin torpaqları məhv olub. Lakin o zamanların salnaməçiləri belə bir xarakterisitika vermişdilər: Daşdan yumşaq nə var yemək lazımdır. Quraqlıq uzun, bürkü güclüdür. Bütün Qərbi Avropanı da quraqlıq bürümüşdü. Sadəcə yağışlar yağmırdı... Beləliklə, bütün çaylar qurudu. Və beş ildən sonra bu fəlakət yenə baş verdi. Bir ildən sonra, yəni 1000-ci ildə bütün dünyada zəlzələ baş verdi. Bu tarixi günü-29 martı bizim əcdadlarımızın bir çox nəsilləri uzun müddət yaddan çıxartmadılar. Minlərlə taxta və daş ev dağıldı, xarabalığa döndü..." Professor Svisloçski xatırlatdı:"Yəqin hamının yadındadı-Svisloç çayının təmizlənməsi bizim ölkəyə nə qədər güc və vəsaitə başa gəldi, xüsusilə çayın şəhər ərazisindən axan hissəsinin təmizlənməsi üçün çox güc sərf olundu. Mən hətta öz familyamı dəyişdirib bu gözəl çayın şərəfinə Svisloçski elədim. Buna görə özümü çox xoşbəxt sayıram. Hər bir çay, istər xırda, istər iri olsun, Vətənimizin canlı təbiətinə, onun torpağının vəziyyətinə, məhsuldarlığına, hətta səmanın gözəlliyinə və rənginə, çəmənliyin, meşənin də havasına təsir edir..." Maksimka ağıllı adamların dedikləriylə razıydı. Lakin Sobolun taleyi də onu narahat edirdi. Sobol bax elə indi də onun gözləri qarşısındaydı- nəhəng, gərilmiş əzələləri ilə birlikdə durmuşdu. Bəs onu necə xilas etməli?!. Maksim atasının əl telefonunu yığdı. – Eşidirəm, oğlum!- doğma səs cavab verdi. 24 – Ata, Ptiçdə baş verən dünənki faciə barədə eşitmisənmi? – Hə, oğlum, elə bizim konstruktor bürosunda yalnız bu barədə danışırlar. Görünür, indi sən "Dudutka.bay"da məlumat axtarırsan? Mən evə gələn kimi elektron poçt vasitəsiylə kubalı professor Ernesto Rodriqeslə əlaqə yaradarıq. O, Kuba adasında yaşasa da, çayları öyrənir. Hər tərəf okeandır, amma o, qəribə adamdır, çayları tədqiq edir, daha doğrusu, çayların tarixini tədqiq edir. Özü də təkcə Kubada yox, bütün dünyada. Ernesto mənə həm Kubanın markalarını, həm də öz kitablarını göndərir. Son kitablarından biri "Dünya çayları" çoxcildli ensiklopediyanın birinci cildidir. Düşünürəm ki, bu problemi professor ömrü boyu öyrənəcək. Maraqlıdır ki, Ernestonun məqalələrində çayların dərinliyi, uzunluğu, sürət axını barədə təkcə ümumi məlumatlar yoxdur. Hər bir oçerkində həm də onların tarixi, yaranması barədə əfsanələr də yer alıb. Bunları artıq çoxları unudublar... Gör mən nə düşünürəm: bəlkə elə orada Ptiç barədə də, onun sirri haqqında da bir şey var... Maksimka atasına diqqətlə qulaq asırdı və dərhal Kubadan gəlmiş məktub yadına düşdü. Dedi: – Atacan, bu gün axı Havanadan məktub gəlib. Məktubda "Dudutka" muzeyinin şərəfinə buraxılmış marka da var. Özü də, markanın üstündə yel dəyirmanı da təsvir olunub... – Nə qəribə təsadüfdür! Mən bu marka seriyası barədə çoxdan eşitmişdim. Görünür, Ernesto muzeyə, Dudiçin tarixinə həsr olunmuş bütün markaları göndərib... Hələ bir məktubun içinə bax, aç onu... Məni gözlə, biz bu gün səninlə zaman və məkana uzunmüddətli səyahətə çıxacağıq... Yüklə 15,14 Kb. Dostları ilə paylaş:
|