Mashina detallari uchun zagotovka turlari va

Kesish kuchining tashkil etuvchisi yoki burovchi momenti 
aniqlanadi. 
7. Kesish uchun 
yetarli bo‘lgan quvvati 
aniqlanib, bu quvvat dastgohning F.I.K. 
orqali uning elektrodvigatel quvvati bilan solishtirilib ko‘riladi. Agarda kesish uchun 
talab etilgan quvvat dastgoh quvvatidan katta bo‘lsa, u holda kesish chuqurligi ikkiga 
bo‘linib ikki o‘tishda bajariladi yoki kesish tezligi pasaytiriladi. 
Ko‘rib chiqilgan barcha ishlar texnologik jarayonni loyihalash uchun zarur 
bo‘lib, ularni bajarishda mashinasozlik texnologiyasi asoslarini chuqur bilish taqozo 
etiladi. 
Barcha loyihalash ishlari bajarilib bo‘lingandan so‘ng yangi ishlabchiqarilgan 
texnologik jarayonning texnik-iqtisodiy ko‘rsatkichlari 
aniqlanadi. 
Loyihalangan texnologik jarayon standartlar asosida tuzilgan kartalarda 
rasmiylashtiriladi. Bunday kartalarga quyidagilar kiradi: 
a) 
marshrut kartasi 
(GOST 3.1404-71). Bu kartada texnologik jarayonni tashkil 
etuvchi barcha operatsiyalarni bajarish ketma-ketligi va tartibi ifodalanadi. Bundan 
tashqari, dastgoh, moslama, kesuvchi asbob va o‘lchov asboblari to‘g‘risidagi 
ma‘lumot mujassamlashtiriladi. 
b) 
eskizlar kartasi 
(GOST 3.1404-74). Bu kartada texnologik jarayon 
operatsiyasining grafik tasviri aks ettiriladi. 
v) 
operatsiyalar kartasi 
(GOST 3.1404-71). Bu kartada texnologik jarayon 
operatsiyasi to‘la ifodalangan bo‘lib, har bir texnologik o‘tish, holatlar ifodalanib, 
dastgoh, kesuvchi yoki yordamchi asboblar, o‘lchov asboblari hamda kesish maromlari 
to‘g‘risidagi ma‘lumotlar keltiriladi. Ushbu kartadan sovutish-moylash suyuqliklari 
to‘g‘risidagi ma‘lumot ham ko‘rsatiladi. 
 
3.2.6-§. Texnologik jarayonlarni tasnifi 
Ishlab chiqarish sharoitiga va maqsadiga qarab loyihalanuvchi texnologik 
jarayonlarning turli ko‘rinishi va shakli qo‘llaniladi. Texnologik jarayonlarning 
ko‘rinishi, jarayon bilan qamrab oluvchi buyumlarning soni bilan aniqlanadi (bitta 
buyum, bir tipdagi yoki har xil tipdagi buyumlar guruhi). 

---