24
(şeirinin) unikallığını və proyeksiyasını dəqiqliyi ilə təqdim
etdi. Ona görə də bədii düşüncəyə mərhələ adı ilə daxil oldu.
S.Vurğun demişkən Azərbaycan “şeirinin könül dastanı”na
çevrildi. F.Köçərlinin dediyi kimi, “milli şair” düşüncəsini tam
dəqiqliyi ilə özündə ehtiva etdi. Məhz bunun nəticəsi olaraq
S.Hüseyn “dil məsələsində Qafqazın Vaqifi və Vidadisi
osmanlıların Rza Tofiqindən də bir qədər irəlidir” (48) deyirdi.
Göründüyü kimi, burada M.P.Vaqifin və M.V.Vidadinin adı
xüsusi olaraq vurğulanır və müqayisə faktına çevrilir. Və hətta
Rza Tofiqdən də irəlidə olması xüsusi bir şəkildə qeyd edilir.
Əlavə olan isə ondan ibarətdir ki, məsələnin bir qədər geniş
masştabda, “Qafqazın M.P.Vaqif və Vidadisi” kimi
vurğulanmasıdır. Bu iki sənətkarın eyni məqamda adının
çəkilməsində böyük bir həqiqət gizlənir. Bunlar, ən birincisi,
hər iki şairin şeir ruhunun yaxınlığından qaynaqlanır. Biz nə
qədər müqayisələr, təhlillər aparsaq da XVIII əsr Azərbaycan
poeziyasından danışarkən yenə də gəlib M.P.Vaqif və
M.V.Vidadi adına çıxırıq və daha çox müqayisələri,
problemləri onların yaradıcılığı üzərində qurmalı oluruq. Bu iki
sənətkarın biri haqqında danışmaq digərini də təhlilə gətirməyi
zəruri edir və hər ikisi birlikdə XVIII əsr Azərbaycan poeziyası
haqqında dolğun təsəvvür yaradır. “Qafqazın M.P.Vaqif və
Vidadisi” kimi ucalıq formulunu müəyyənləşdirir. Bu iki
böyük sima XVIII əsrdə Azərbaycan poeziyasının inkişafına
istiqamət verdilər. Daha ətraflı təhlilləri sonrakı məqamlarda
aparacağımız üçün burada təfsilata, ciddi müqayisələrə yer
vermirik. Bircə onunla kifayətlənirik ki, müasirləri və ondan
sonrakı dövr poeziyanın inkişaf istiqamətinə və tendensiyasına
baxmaq kifayətdir ki, M.P.Vaqif və M.V.Vidadi Azərbaycan
poeziyasında nələri etmiş, inkişaf tendensiyasına hansı təsiri
25
göstərmişlər. F.Köçərli məhz bu kontekstdə çıxış edərək
məsələlərə aydınlıq gətirir: “Bundan maəda Vaqifin milli
ədəbiyyatımıza hüsni-xidməti bu olubdur ki, Türkiyə və
İranzəmin şüərasına müqəllidlik etməyibdir, bəlkə onun üçün
təbii və asan yol açıbdır ki, ondan sonra gələn şairlər ona
peyrəvilik edib, bir çox gözəl əsərlər meydana gətiriblər. Bu
cəhətə Molla Pənah Vaqifin Qafqaziyada vücuda gələn
şairlərin babası və ustadı adlanmağa haqqı vardır” (60, 191).
Aşıq poeziyasından, etnosun dastan təfəkküründən başlanğıcını
götürən və bütünlükdə ümumi ruhu ilə bu düşüncəyə köklənən
M.P.Vaqif məhz elə yaradıcılığa qədəm qoyduğu gündən
xalqdan gələnlərə sədaqət göstərmiş, xalqın olanı elə eyni
tərzdə, eyni məzmunda davam etdirmək yolunu tutmuşdur.
Bütünlükdə ədəbi prosesin gedişinə istiqamət vermək qüdrətin-
də bulunmuşdur. Bu özlüyündə çox böyük hadisədir. Həmin
ucalığa gəlib çatmaq və ona bütün tərəfləri ilə istiqamət
vermək hər yaradıcıya nəsib olmur. Vaqif poeziyasının enerji
qaynaqları xalqla bağlandığı üçün elə o istiqamətə bir işıq
tutmuş və tür olanın şeir, poeziya əzəmətini ortaya qoymuşdur.
Daha doğrusu, mövcud düşüncədəki oturuşmuş sistemi,
düşüncəni (klassik ənənə ilə bağlı təsəvvürlərin əvəzolun-
mazlığını) pərən-pərən etmişdir. Əlbəttə burada M.P.Vaqif tək
deyildir, onun mühiti, əhatəsində olanlar da vardı.
M.V.Vidadi, Ağqızoğlu Piri, Sarı Çobanoğlu və s. vardır ki,
bütünlükdə bunlar eyni müstəvidə türk şeir ruhunun
parlaqlığına, yeni mərhələ anlayışına təravət qatmışlar. Son
olaraq “Türkiyə və İranzəmin şüərasına müqəllidlik
etməyibdir”, əksinə öz adı ilə bağlanacaq yeni mərhələnin
başlanğıcının əsasını qoyubdur. “Sonra gələn şairlər ona
peyrəvilik edib”dir ki, bunun aydınlığı üçün XVIII əsrin sonu,
26
XIX əsr boyu ədəbiyyatı izləmək kifayətdir. Məhəmməd bəy
Aşiq, Cəfərqulu xan Nəva, Mirzə Həsən Mirzə, Aşıq Pəri,
Padarlı Abdulla, Məlikbalı Qurban, Xasta Hasan və s. bu
silisilədən olan onlarla sənətkar buna nümunədir. Onların
şeirlərindəki təsir faktı təkcə ruh, məzmun, forma yaxınlığı ilə
yekunlaşmır, hətta ayrı-ayrı şeirlərin təsirində yazılan
nümunələrlə də səciyyələnir. Buraya aşıqları da aid etdikdə
məsələnin mahiyyəti daha da böyüyür. Məsələn, “başına
dönsüyüm toy adamları” misralı şeirin təsiri ilə yazılmış
nümunələri izləsək bu böyük bir zənginliyə qapı açmış olar.
Məsələ təkcə M.P.Vaqifdən bəhrələnmələrlə, M.P.Vaqif
təsirində olanlarla bitmir, burada digər istiqamət ona olan
təsirlərdir ki, bir ənənə olaraq təkrarlanır. Molla Pənah Vaqif
və Q.Zakir yaradıcılığının müqayisəli təhlili qarşımızda zəngin
bir layın olduğunu aydınlaşdırır. Ona görə də ədəbiyyatda
M.P.Vaqif yaradıcılığı bir problem olaraq əhatə dairəsinə və
vertikal, horizontal xarakterinə görə əvəzsizdi. Məhz
ədəbiyyatşünas alim F.Köçərlinin zəngin müşahidələrdən
“Molla Pənah Vaqifin Qafqaziyada vücuda gələn şairlərin
babası və ustadı adlanmağa haqqı vardır” qənaəti hansısa
epizodik məqamın, əhvalın faktı deyildir və ola da bilməzdi.
Burada ciddi müşahidələr, yüksək elmi-nəzəri təfəkkür və
qənaətlər özünə yer alır. Çağdaş folklorumuzun ağsaqqalı
prof.P.Əfəndiyev ustad aşığımz Molla Cümə haqqında
tədqiqatlarında bir məqamı xüsusi olaraq vurğulayır: “Mən
aşığın şeirləri üzərində işləyəndə hər dəfə hansısa bir
sənətkarın şeirlərinin izi, təsiri, rayihəsi məni narahat edirdi,
həvəsləndirirdi və həm də hər gün düşündürürdü. Nəhayət bu
yaxınlarda böyük şairimiz Molla Pənah Vaqifin əsərlərini
təzədən oxudum. Ulu Tanrı, Böyük Allah, bu nə möcüzədir!?
Dostları ilə paylaş: |