27
M.P.Vaqif və Molla Cümənin iki nəhəng, titanik sənətkarların
yaradıcılığı arasında bağlar, tellər, oxşarlıqlar gördüm. Bunlar
məni valeh elədi” (37). Folklorşünas alimimiz Paşa Əfəndiyev
ustad aşığımız Molla Cümə haqqında toplama və təhlillərində
ciddi və həm də maraqlı nəticələrə gəlir, orijinal bağlantıları
problem mövzu olaraq ortaya qoyması ilə diqqəti cəlb edir. Bu
müşahidələr məhz bir sənətkar səviyyəsində olanlardı. Ancaq
ümumilikdə aşıq yaradıcılığı, klassiklər və sonrakı dövrün
ustadları ətrafında müşahidələr M.P.Vaqifin öz qaynağını bir
istiqamətdə aşıqlardan aldığını göstərirsə, digər istiqamətdə
sonrakı dövr mühitə nə qədər təsirdə olduğunu aydınlaşdırır.
Miskin Abdal, Qurbani, Abbas Tufarqanlı, Qaracaoğlan və s.
sənətkarlardan gələn təsirlər özlüyündə ayrıca problemdir.
Eləcə də “Kitabi-Dədə Qorqud”, “Koroğlu”, “Əsll-Kərəm”,
“Tahir və Zöhrə”, “Abbas və Gülgəz”, “Aşıq Qərib”, “Şah
İsmayıl” və s. dastanların M.P.Vaqif yaradıcılığına təsiri
məsələsi də ciddi fakt bolluğu ilə xarakterizə olunur. Bunlar
təkcə məzmun, forma, epizod, hadisə səviyyəsində nəzərə
çarpmır, həm də poetik formulların daşınışı ilə səciyyələnir.
Molla Cümə yaradıcılığı müstəvisində prof. P.Əfəndiyevin
heyrətamiz şəkildə “Ulu Tanrı, Böyük Allah, bu nə möcüzədir”
deməsi hansısa bir məqamın düşüncəsi deyildir. Uzunmüddətli
araşdırmalar, ciddi təhlillər və müqayisələrin nəticəsi olaraq bu
mülahizə yürüdülmüşdür.
Artıq M.P.Vaqifin anadan olmasının üç yüz illik tarixi
gəlir. Sağlığından mühitdə, bütünlükdə siyasi, ictimai, mədəni
arenada böyük marağa səbəb olan bu böyük şairin yaradıcılığı
müxtəlif səviyyələrdə təzkirələrin, tədqiqatların probleminə
çevrilmişdir. Azərbaycan ədəbi-nəzəri fikrinin görkəmli
nümayəndələri haqqında lazımı qədər ciddi mülahizər
28
yürütmüşlər. Ancaq deyilənlər M.P.Vaqif böyüklüyü müqa-
bilində bir hissədir. M.Camalın, M.M.Nəvvabın, M.Müctəhid-
zadənin, M.Y.Qarabağinin, H.Ə.Qaibovun, A.Berjenin,
Ə.Abidin, Y.V.Çəmənzəminlinin, S.Mümtazın, F.Köçərlinin,
İ.Hikmətin, H.Araslının, A.Dadaşzadənin, P.Əfəndiyevin,
N.Cəfərovun və başqalarının mülahizələri bütünlükdə M.P.Va-
qif böyüklüyünün ifadəsinə və aydınlığına hesablanmışdır.
Y.V.Çəmənzəminlinin “Molla Pənah Vaqif haqqında” adlı
məqaləsində bir məqamı qeyd etməyin gərəyi yaranır: “İndiyə
qədər Vaqifin həyatına və dövrünə dair ətraflı olaraq bir əsər
meydana çıxmamışdır. Yazılanlarda tarixi materiallarla
bərabər, bir çox uydurma şeylər var. Bunun başlıca səbəbi
ədəbiyyatçılarımızın tarixi materiallara elmi olmayaraq
yanaşması və tarixçilərimizin fəaliyyət göstərməməsidir.
Halbuki Vaqifin dövrünə dair türk, rus və fars dillərində
olduqca bol material var. Başlıca qüsurlardan biri də
materialların ayrı-ayrı əllərdə olub istədikləri kimi şərh
edilməsindədir” (30, 95). Aydınlıq üçün məqalənin sonluq
epizodunu da veririk. Çünki M.P.Vaqifin siyasi dünya-
görüşünü, mühitdə olan mövqeyini, münasibətini dəqiq
müəyyənləşdirmədən onun düşüncəsi, ictimai, siyasi, mədəni
mühitə münasibəti haqqında bu gün, eləcə də sabah dəyişən
ideologiyalarda doğru nəticə çıxarmağın özünün çətinliyi
yaranır. Son dövrün müxtəlif səpkili yazılarında M.P.Vaqifə
münasibətdə şaxələnmələr, müxtəlifliklər nəzərə çarpır. Hətta
bəzən Rusiyaya münasibət məsələsində müəyyən etiraz, tənqid
elementləri də özünü göstərir. Lakin məsələyə bu gündən yox,
dövrün siyasi proseslərinin məcburiyyət olaraq ortaya qoyduğu
vəziyyətdən yanaşmaq lazımdır. Y.V.Çəmənzəminli bütün
bunları nəzərə alaraq saf-çürük etmədən çıxış edir: “Məncə
29
Vaqifi dövrü ilə birgə qavramaq üçün dərin bir tədqiqat
lazımdır. Adolf Berjenin topladığı qalın cildlər, rus
maarifçilərinin Qafqaz istilasına dair yazdıqları tarixi əsər və
xatirələr, İran müəllifləri... tamamilə tədqiq olunmamış qalır”
(30, 99). Sonrakı mərhələlərdə, daha doğrusu sovetlər
ideolojisinin fəaliyyətdə olduğu zamanda bu olanlara müxtəlif
yanaşmalar özünü göstərdi. M.P.Vaqif yaradıcılığı, eləsə də bir
şəxsiyyət kimi Qarabağ mühitində yeri və fəaliyyəti geniş
təhlillərin faktına çevrildi.
Artıq Azərbaycan özünün milli dövlətini yaratmışdır və
bütün olanlara, elə tarixin özünə də bu kontekstdə yanaşmalar
bu və ya digər şəkildə çoxluqla yer almışdır. M.P.Vaqifin
anadan olmasının üç yüz illiyi ilə bağlı qərarın verilməsi də
müxtəlif, fərqli tendensiyalara baxmayaraq, olan marağın,
Vaqif böyüklüyünə rəğbətin göstəricisidir. Bürtün müstəvilərdə
M.P.Vaqif bir şəxsiyyət, şair, siyasi xadim, böyük ziyalı kimi
bütövləşir. Y.V.Çəmənzəminlinin, Ə.Haqverdiyevin, S.Vurğu-
nun bədii düşüncəsində olanların bir-birinə yaxınlığı, birinin
digərini təsdiqi məhz bunun ifadəsidir. Burada əlbəttə şair və
hökmdar obrazı daha qabarıq və daha canlı görünür. Necə ki,
S.Vurğunun “Vaqif” dramında vurğulanır “şair hökmdarın
hüzurundasan”. Azərbaycan ədəbiyyatında bunun kifayət qədər
canlı nümunəsi və tipik formulası vardır. İ.Hüseynovun
“Məhşər”i, Y.Səmədoğlunun “Qətl günü” həmin ənənənin
klassik nümunəsidir. Ona görə də Vaqifi bir istiqamətdə XVIII
əsrin zülm və istibdadının girdabında, siyasi qarşıdurmalarda
təhlil etmək lazımsa (siyasi xadim kimi), digər istiqamətdə
oradan çıxarıb (şair kimi) olanlar, millilik müstəvisində təhlilə
cəlb etmək, Vaqifə elə Vaqif kimi baxmaq lazımdır. Rusiyaya
bu gün münasibətlərin dəyişməsi, istismarçı kontekstində
Dostları ilə paylaş: |