314
Ziyarətimdir
İbadətimdir
Qiyamətimdir
Əmanətimdir
Şekayətimdir
Şikayətimdir.
Yaxud başqa bir misala nəzər salaq. Eyni bir şeirdə:
Dürdanədəndir
Xəzanədəndir
Məstənadəndir
Pərvanədəndir
Divanədəndir
Şənadəndir.
Bu sözlər sadəcə sadalanmır. Əksinə hərəsi qoşmanın
müvafiq bəndində deyilən fikirdən doğur. Ona görə də yerinə
düşür və şeiri rövnəqləndirir. Xalq şairi Səməd Vurğun Kəlbə-
cərə gedəndə aşıq Şəmşirlə tanış olub. Böyük sənətkar böyük
aşığın bir rədifini çox bəyənmişdir. Bir də ona görə ki, bu rədif
çox orijinal və aşıq Şəmşirin kəşfidir. Şair Səməd Vurğun
deyir:
«– Ayə, axırda nə sayaq deyirsə, hamısı yadımdan
çıxıb.
– Və əgərki Şəmşiri görmək istəsən
Doğru, düz ilqara gəl vədəsində.»
Əziz həmkarlarım! Mən Azərbaycan xalqının iki böyük,
nəhəng sənətkarının yaradıcılıq yaxınlığı haqqında ilk müşahi-
dələrimi aparmışam. Mənim bu axtarışlarım ilk təcrübədir. Bu
problemi daha da irəli aparmaq, dərinləşdirmək, genişləndir-
mək üçün hazırda mənim imkanım yoxdur. Əziz həmkarlarım,
gənc folklorşünas və aşıqşünaslarımız, bu işi tamamlamağı
mən sizə vəsiyyət edirəm…
315
V BÖLÜM
ƏLAVƏLƏR
Molla Cümə haqqında bəzi qeydlər
Aşıq yaradıcılığı Azərbaycan ədəbiyyatının mühüm sahə-
sidir. Aşıq xalqın sevimlisi, onun qəlbi ilə qırılmaz tellərlə bağ-
lı olan bir sənətkardır. Buna görə də aşıq ədəbiyyatı, eləcə də
aşıqlıq sənəti tarix boyu xalq tərəfindən hərarətlə qarşılan-
mışdır.
Azərbaycan xalqı özünün bir sıra söz ustaları, ustad
aşıqları ilə haqlı olaraq fəxr edir. Belə aşıqlardan biri də Molla
Cümədir. Molla Cümənin həyat və fəaliyyəti haqqında mətbu-
atda bir neçə xırda məqalələr dərc edilmişdir. Lakin Molla Cü-
mənin harada və nə zaman anadan olmasını dürüst müəyyən-
ləşdirmək istəyən folklorşünas yoldaşlar hazırda Baş Laysqı
kəndində yaşayan M.Cümənin qızı Reyhanla görüşüb. Molla
Cümənin onda olan şeirlər dəftərcəsini nəzərdən keçir-səydilər,
Aşağı Laysqı kəndinin yaxınlığından keçən Nuxa-Zaqatala
şosse yolunun kənarında olan M.Cümənin qəbir daşının üzərin-
də yazılmış hicr tarixinə nəzər salsaydılar, şübhəsiz, onlar M.
Cümənin həyatı ilə oxucuları daha ətraflı tanış edərdilər.
Saleh oğlu Molla Cümə 1854-cü ildə Nuxa rayonunun
Aşağı Laysqı kəndində yoxsul kəndli ailəsində anadan olmuş-
dur. Molla Cümənin 1332-ci ildə (hicri tarixlə) 60 yaşında ikən
oğlu Həsənə yazdığı “Oğluma nəsihət” şeirindən aydın olur ki,
o, Aşağı Laysqı kəndində anadan olmuşdur. Molla Cümənin
qızı Reyhanın deməsinə görə, “Molla Cümənin atası Saleh kişi
əkinçiliklə məşğul olaraq, ağır külfətini çətinliklə dolandırar-
mış. Saleh kişi öz yeganə oğlu Cüməni də uşaqlıqdan təsərrüfat
işlərinə alışdırmışdır. Təbiətin gözəl mənzərələrindən ilham
alan, lakin ağır, can sıxıcı həyata tab gətirməyən Cümə kiçik
yaşlarında ikən söz qoşmuş, sinədən şeirlər demişdir. Molla
Cümə ilk təhsilini Aşağı Göynük kəndində Hacı İbrahim Əfən-
316
dinin mədrəsəsində almışdır. Ərəb-fars dilində mükəmməl təh-
sil alan Cümə şeir yazmağa 15 yaşında ikən başlamışdır”.
Cümənin şeirlərindən məlum olur ki, o, kəndin varlı bir
adamının qızına aşiq olmuş, lakin bu qızın adını çəkməyə qorx-
duğu üçün onun adını “İsmi Pünhan” (“gizli ad”) adlandır-
mışdır. Molla Cümə ömrünün axırına kimi “İsmi Pünhanı”
unutmamış, onun eşqi ilə yazmış və yaratmışdır.
O, “Ürəyim” rədifli qoşmasında belə deyir:
Bu iş tanrıdandır, deyil insandan,
Bir gözələ mehribandır ürəyim,
Dilimin əzbəri İsmi Pünhandan,
Eyzən, möhnət, qəm hicrandır ürəyim.
Bir dərd əhli heç tapmadım burada,
Nahaq yerə rüsvay oldum arada,
Nə ölmədim, nə yetmədim murada,
Ah çəkməkdən qızıl qandır ürəyim.
Cümə gözəl şair, həm də məharətli aşıq idi. Təbiətin
rəngarəng gözəlliklərinə aşiq olan Cümə çox zaman səyahətlə
məşğul olmuşdur. O, Nuxa, Qax, Zaqatala, Balakən və Dağıs-
tanın bir çox kənd və obalarını qarış-qarış gəzmiş, məclislərə
dəvət olunmuş, saz çalıb oxumuş, aşıqlarla deyişmişdir.
Cümənin iştirak etdiyi məclislərdə olan savadlı adamlar aşıq
tərəfindən deyilən şeirləri qələmə alırdılar. Lakin o zaman
savadlılar az olduğundan Cümənin bir sıra şeirləri yazılmayıb
xatirdən çıxırdı. Dövrünün aşıqları Cümənin şeirlərini əzbər-
ləyib məclislərdə oxuyurdular. Məsələn, Dodulu Aşıq Paşa
hansı məclisdə iştirak edirdisə, camaat ondan Molla Cümənin
sözlərini eşitmək istədiyini bildirirdi.
Molla Cümə dövrünün varlılarını, camaat hesabına
dolananları, hacıları, mollaları kəskin tənqid etmişdir. O, Hacı
Kərimə yazdığı həcvdə deyir:
Elin dəyyususan, ölkənin bici,
317
Məkkəyə getməklə olmazsan hacı,
Heç yanma təndirə, asasan sacı,
Yeyəsən aşını, yavan deyirəm.
Görkəmli şair hər hansı bir məclisə toplaşan adamları,
xalqın qanını zəli kimi soran müftəxorlarla, tüfeylilərlə tanış
edir, xalqın düşmənlərini öz kəskin sözləri ilə rüsvay edirdi.
Cümə “Molla” rədifli qoşmasında deyir:
Mənə böhtan demə, dili qurumuş,
Verginən ağzına qadağa, molla.
Döndərdin bağrımı bişmiş kababa,
Çox çətin dözərəm bu dağa, molla.
Molla Cümə həssas, gözüaçıq, hazırcavab, yoxsulların
ürək çırpıntılarına acıyan və dövrün ictimai hadisələrini duya
bilən xalq şairi olmuşdur. Reyhanda olan şeirlər dəftərçəsində
Cümənin yetimlərə münasibətinə aid bir parça vardır. Bu par-
çada deyilir: “M.Cümə bir dəfə haradasa bərkə düşür. O, yetimi
sevindirməyi niyyət edir. Xülasə, Cümə yol ilə gələndə bir
yetimlə rastlaşır. Onun cibində pulu olmadığı üçün yetimi
sevindirə bilmir. Əlacsız qalan Cümə belə bir iş düşünür. O,
yetimi tutub deyir ki, səni kəsəcəyəm. yetim qorxub yalvarır.
Cümə tez yetimi buraxıb deyir ki, bala, indi sevindinmi? Yetim
cavabında: “Sevindim əmi, çox sağ ol! – deyir”. Cümə kök-
sünü dərindən dərərək: - Get oğul, get! Vaxt gələr, tezliklə bizə
də bir qapı açılar” – deyir.
Cümənin arzusu ürəyində qalmadı. 1920-ci ildə Azərbay-
canda Sovet hakimiyyətinin qurulması onu hədsiz dərəcədə
sevindirdi. Cümə sazını sinəsinə basıb bu xoşbəxt həyata, onu
bəxş edənlərə gözəl sözlər dedi:
Ay camaat, gəlin sizə söyləyim,
Azadlıqdan xoş bir səda eşitdim.
Bəylərin torpağı gedir əlindən,
Azadlıqdan xoş bir səda eşitdim.
Dostları ilə paylaş: |