325
görmək istəyir. Baxış bəy bu vaxt Humay mollanın qabağında
dərs əvəzinə Leyli xanıma olan məhəbbətini oxuyur:
Açdım kitabımı, baxdəm qaraya,
Göründü gözümə yaşılbaş sona.
Kitabım, əzbərim, dərsim, qələmim
Durubdur qarşımda, baxıram ona.
Humay molla Baxış bəyə acıqlanır:
-
Düz oxu!
-
Yaxşı, oxu deyirsən, oxuyum.
Oxuyur:
Sən bilirsən mənim ürək handadır,
O da mənim kimi yan ha yandadı,
Öldürsən də vallah gözüm ondadır
Dönüb huri qılmana mahtabanım.
Humay molla yenə də açıqlanır:
-
Düz oxu! ..
Baxış bəy oxuyur:
Yeni yetişmiş baxça-bar indi,
Qoynunda bəslənmiş bir cüt nar indi,
Baxış deyər mənim Leyli yar indi,
Eyləyib yar məni dəli divanə.
Baxış bəyin belə oxumasından yenidən qəzəblənib şüb-
həyə düşmüş Humay molla pəncərənin qabağına gedib çölə
baxdıqda qızı Leylini görür. Onu hədələyib qovur. Nəhayət,
Leylini götürüb Türkmən vilayətinə qaçır... Baxış Leylinin
dalınca “gedər-gəlməz” yollara düşür, çətinliklərlə uzlaşır.
Leylini gətirməyə gedərkən Şahzadə xanımı, Gülzarı görür.
Onlaın köməyi ilə vüsala çatmış Baxış bəy üçünü gətirib gəlir,
ata vətənini qara matəmdən qurtarır.
Burada Humay molla ilə Şeyx, Humay molla ilə İsmi
Pünhanın atası “Mötəbər dindar molla”, Leyli xanım ilə İsmi
Pünhan, Baxış bəy ilə Molla Cümə arasında olan oxşarlıq
eyniləşir.
326
Leyli xanımı atası götürüb qaçırsa da harambaşı Bəy-
balaya ərə vermək istəyirsə də, sevgisinə son dərəcə sadiq
qalan Leyli xanım səbirsizliklə Baxış bəyin yolunu gözləyir,
toy mərasimi qurulduğu anda belə özünü itirmir, Baxış bəy
gəlib çıxdığı xəbərini eşidən kimi, Leyli xanım bir cüt at istə-
yir, gəzməyə çıxacağını bildirir. Bağın qabağında onun yolunu
gözləyən Baxışa atın birini verir, qoşalaşıb qaçırlar.
Dastan Cümənin kamilləşdiyi dövr yaradıcılığının məh-
sulu olduğundan bitkinləşir.
-
Şərif İdrisov
1983, Şəki
Molla Cümə böyükdü, yoxsa Aşıq Ələsgər
16
Məsələnin belə qoyuluşunda konkret heç bir marağım
yoxdur. Bu, əslində bir daha mənəvi abidələrimizə yönəltmən
naminədi. Bir-iki nüans ki, onu da sizlərçün xırdalayacam.
Əvvəla, Molla Cümə bu vaxta qədər aşıq kimi tanıdılsa da, o,
aşıq deyil. Əgər fakt kimi, müraciət etdiyi aşıq ədəbiyyatı
janrlarını göstərərlərsə, deyək ki, o dövrdə başqa şeir formaları
elə də aktual deyildi. Eyni zamanda, gərək, onda Vaqifi,
Vidadini və başqalarını da aşıq adlandıraq. Bir də ki, Molla
Cuma irsi hələ o qədər də ciddi araşdırılmayıb. Əslinə qalsa,
Molla Cümə dərin mütəfəkkir şairdi. Son məlumatlara görə,
onun iri həcmli şeiri (poeması) aşkarlanıb. Və yüzlərcə,
minlərcə şeirləri var ki, hələ dildə-ağızdadı. Çoxları da itib-
batıb. Bir qisminə isə Aşıq Soltan kimiləri yiyələniblər. Molla
Cümə əvvəldən axıra kimi yiyəsizlikdən üzə çıxarılmayıb. Belə
16
Bu məqaləni müzakirə üçün çap eləməyi lazım bildik. Görünür
P.Əfəndiyevin 1961-ci ildən bəri ömrünün yarıdan çoxunu sərf eləyib
böyük aşıq haqqında çap elədiyi kitablarla və məqalələrlə Vəli Əkbər tanış
deyil (redaktor).
327
demək mümkünsə, Azərbaycan ədəbiyyatı, ədəbiyyat elmi ona
sahib durmayıb. Həm fiziki, həm də mənəvi repressiyanın
qurbanı olub. Yaxşı ki, Salman Mümtaz var imiş. Yoxsa,
ədəbiyyatımızın ondan xəbəri də olmayacaqdı. Haqqıda həqi-
qəti yazmağa həmişə qorxublar. 70 il Sovet rejimi imkan
vermədi etiraf edilsin ki, Molla Cüməni XI Qızıl Ordu güllə-
lədi. Və o dövrdə Molla Cümə ona görə kiçildildi, adi el aşığı
edildi ki, məsələyə siyasi rəng verilməsin. Biz də illərcə
susduq. İndisə danışmağa ya taqət yoxdu, ya da ki, hacət. Hər
şey tutulub. Hər şey bölünüb. Molla Cüməninsə sahibi yoxdu.
Neyçün bu ifadəni tez-tez işlədirəm? Çünki bu susqu indi də
davam edir. Bir-neçə ay öncə “Rezonans”da yazmışdıq ki,
Molla Cümənin şeirlərini Aşıq Soltan oğurlayıb. Bu boyda
məmlkətdə bir kimsə tapılmadı ki, səsimizə hay versin. Bu işə
bir əncam çəksin. Hələ bir neçə mötəbər şəxs (mən onlara belə
deməzdim – V.Ə.) mötəbər yerlərdə söylədilər ki, fakt lazımdı,
gərək sübut edəsən. Anlaya bilmədim ki, o boyda saxtakarlığa
nə sübut lazım idi. Məgər üslub, dil, ifadə tərzi və həmən
şeirlərin çox-çox öncə Molla Cümənin adıyla dərc olunması
fakt deyildimi? Bəs Molla Cüməni araşdırıb doktor olan kəslər
və bu gün də onun “çörəyini” yeyənlər niyə susdular? Heç
olmasa, etika xətrinə kiçik bir məktub yazmaq E.A. üçün çətin
idimi? Yoxsa, Ədəbiyyat İnstitutuda yazmağı yadırğayıb?
Dediklərim yiyəsizliyi sübut etmirmi?
Mənəvi abidələrimizə bu qədər biganə olmağımız bu gün
Dubaya, Türkiyəyə yönələn mənəviyyatsızlıq yollarını açıb.
Aşıq soltanların beş-on manatına aldanlb milyonlarla ölçül-
məyən nələrimizi qurban verdiyimizin fərqində olmamışıq.
Nəticə isə hamımızın məhvinə işləyib.
Mayın 14-15-i Molla Cümənin XI Qızıl Ordu tərəfindən
qətlə yetirildiyi gündü. Düz 79 il əvvəl törədilmiş bu cinayətə
susmaqla şərik çıxmağımızın günahlarından qurtulmaq zama-
nıykən, yeni cinayətlərə susuruq. Və imkan veririk ki, Molla
Cüməni bir də öldürsünlər.
Dostları ilə paylaş: |