318
Cümənin bütün şeirlərində səlistlik, yığcamlıq, axıcılıq
vardır. Onun hər sözü sadə, ahəngdar və təsirlidir. Bütün bu
xüsusiyyətlərə görədir ki, bu gün belə Molla Cümənin şeirləri
maraqla oxunur, əldən-ələ, dildən-dilə keçir. Onun bizə məlum
olan 150-dən artıq şeiri vardır.
Nəhayət, 1920-ci ilin may ayının əvvəllərində XI-ci Qızıl
Ordunun hissələri Nuxadan Zaqatalaya doğru gedərkən bu
yolun ətrafındakı kəndlərin varlıları orduya müqavimət göstər-
mək fikrinə düşürlər. Burada atışma başlayır. Bir çox yoxsul
kəndli ordu ilə orduya qarşı mübarizə aparanların arasında
qalır. Molla Cümə də yoxsulların yanında idi. Bu vaxt ona
güllə dəyir.
Molla Cümə 1920-ci il iyun ayının əvvəllərində vəfat
edir. Onun qəbri Aşağı Laysqı kəndindədir.
Cahangir Qaziyev
İnternat-məktəbin müəllimi
“Nuxa fəhləsi, 3.III.1961
İsmi Pünhan kimdir?
İsmi Pünhan
15
gizli ad deməkdir. Şifahi xalq ədəbiy-
yatının ən görkəmli nümayəndələrindən biri olan Molla Cümə
öz sevgilisinin adını ömrü boyu gizli saxlamağa məcbur ol-
muşdur. Yalnız “Dilbər” şeirində İsmi Pünhanın adını çək-
mişdir.
Nədənsə bu günə qədər İsmi Pünhanın kim olduğunu
söyləyən olmamışdır.
15
Şərif müəllim bu yazını Şəkidən göndərib ki, mən onu
Molla Cümə kitabında çap eləyəm. Burada qeyri-dəqiq, artıq
və mübahisəli cəhətlər çoxdur. Çap eləyirəm ki, Onun ruhu
şad olsun.
319
Paşa Əfəndiyev yoldaş çox böyük iş görmüş, Molla
Cümənin əsərlərini toplamış, 1966-cı ildə “Molla Cümənin
şeirləri” kitabını çap etdirmişdir.
“Molla Cümənin şeirləri” kitabında Cümənin 16 gəray-
lı, 91 qoşma, 20 divani, 17 müxəmməs və 19 təcnisi, cəmi 163
şeiri çap olunmuşdur.
H.Araslı yoldaşın 1957-ci ildə çap etdirdiyi “Aşıqlar”
kitabında da Molla Cümənin 6 şeiri çap olunmuşdur.
Hər iki kitabda toplanan şeirdən başqa, hazırda 127 çap
olunmayan şeiri də var. Bu şeirlərin sayını artırmaq imkanı da
var.
Topladığım şeirlərin içərisində iri həcmli “Qafiyə və
təcnis”, “Dü beyti misalı”, “Aşıq Donu ilə deyişmə”, həmçinin
“Baxış bəy və Leyli xanım” dastanı və s. vardır. “Dü beyti
misalı” bilavasitə İsmi Pünhana həsr edilmişdir. “Baxış bəy və
Leyli xanım” dastanındakı Baxış bəy də bir növ Cüməyə
oxşayır. Hər ikisinin başına gələn macəra eyniləşir.
İsmi Pünhanın kimliyini öyrənmək üçün Cümənin
gənclik illərinin harada keçməsi, harada təhsil alması məsə-
ləsini aydınlaşdırmaq, Cümə yaradıcılığını aydınlaşdırılmasına
kömək edər.
İsmi Pünhan Baş Göynüklü olduğundan, Cümə məhəbbəti
də Baş Göynüklə bağlıdır. Bu haqda Cümə şeirlərinə istinad
edərək fikir yürütmək olur ki, Cümə təhsilini Baş Göynükdə
almışdır. İndiki Şin çayının yatağı olan yerdə Böyük selə qədər
abad mülklü Göynük kəndi yerləşirdi. Böyük Məscid də həmin
yerdə idi. Həm Göynüyün, həm də ətraf kəndlərin cavanları
həmin məsciddə, məscid nəzdində olan mədrəsədə təhsil alırdı.
Belə bir fikir Cümə haqqında da söyləməyə imkan verir ki,
Cümə də təhsilini Aşağı Göynükdə Hacı İbrahim Əfəndinin
mədrəsəsində deyil, Baş Göynükdə almışdır.
Belə ki, Cümə gənclik illərini Baş Layısqıda keçirmişdi.
Çünki o, Baş Layısqıda, kəndin Qumux adlanan hissəsində
Həşimşağa adlanan məhəllədə anadan olmuşdur.
320
Baş Layisqi ilə Baş Göynüyün mədrəsələri arasındakı
məsafə də olduqca
yaxın idi. Cəmi 1000-1500 metr məsafədə olardı.
Cümə kimi kamil savada malik bir gənc Şəkidən sonra
yalnız Baş Göynükdə təhsil ala bilərdi.
Çünki o vaxtlar Baş Göynükdə Qazı Əhməd Əfəndi
(“Zövcü” imzası ilə şeirlər yazardı), Hacı Mahmud Əfəndi
(söyləndiyinə görə hikmətli şeirlər yazardı), Məcid Əfəndi (çox
müdrik, ağıllı, kamil, həm də nəfsi özündə bir şəxsiyyət olub),
Şeyx oğlu Molla Əhməd, Molla Məmməd Əfəndi və başqa
onlarca görkəmli din xadimləri Baş Göynükdə yaşayırdılar.
Dövrün ideologiyasını təbliğ edirdilər.
Başlıcası da budur ki, haqqında danışılan İsmi Pünhan
Göynüklüdür. Hadisələr Baş Göynükdə və Baş Layısqıda cərə-
yan edir. İsmi Pünhan ölənə yaxın Baş Layısqıda olduğundan
yalnız “Layısqı” şeirindən söhbət açılır.
Demək, İsmi Pünhanla Cümə məhəbbətinin bağlılığı
Baş Göynüklə əlaqədardır. Madam ki, bu bağlılıq Baş Göynük-
lə nəticələnir Cümə də təhsilini Baş Göynükdə almışdır.
***
Niyə Cümə öz sevgilisinin adını gizli saxlamışdır? Sualı
meydana çıxır. Bu sualın cavabını vermək üçün isə mütləq o
vaxtkı Baş Göynüyün vəziyyətindən danışmaq zərurəti də mey-
dana çıxır.
Cümənin təhsil aldığı illər təxminən 1870-1880-ci illər-
də olduğunu şərti götürsək, o vaxtlar Baş Göynük ən qüvvətli
məhəllələrə: Çökəkli, Qəssəbşağa, Hacı Mustafaşağa, Məhyəd-
dinşağa və onlarca məhəllələrə bölünürdü.
Hər məhəllənin özünə məxsus əli silahlı qoçağı, qul-
duru, oğrusu, bəyi, mülkbaşçısı, yüzbaşısı, din xadimi və b.
vardır.
Torpaq üstə, qız götürüb qaçmaq üstə, su üstə, yüzbaşı
seçilmək üstə və s. üstündə qanlı toqquşmalar olur, faciələr baş
verirdi.
Dostları ilə paylaş: |