353
yaratmışam. Bu kursların da ilk dəfə respublikamızda tədris
proqramını hazırlayıb bir neçə dəfə çap eləmişəm. Bu da
mənim elmi, ədəbi, mədəni, pedaqoji fəaliyyətimin ikinci bö-
yük qələbəsi idi. İndi qalırdı folklordan ali məktəblər üçün ilk
dərsliyin hazırlanıb tələbələrin ixtiyarına verilməsi. Buna da bir
neçə il sərf elədim. Nəhayət, 1970-ci ildə respublikamızın tari-
xində ali məktəblər üçün “Azərbaycan şifahi xalq ədəbiyyatı”
adlı dərsliyin ilk nəşrini həyata keçirdim. Bu, böyük bir hadisə
idi. Bununla mən respublikada folklorun tədrisini təşkil elədim
və necə deyərlər, üçüncü qələbəni qazandım. Bununla mən indi
də fəxr edirəm, qürur hissi keçirirəm.
“Azərbaycan şifahi xalq ədəbiyyatı” dərsliyi tezliklə
respublikada böyük əks-səda yaratdı. Tələbələr, aspirantlar,
magistrlər, ümumtəhsil məktəb müəllimləri dərslikdən uğurla
istifadə eləməyə başladılar. Mən dərsliyimi hər dəfə yenidən
işləmək, təkmilləşdirməklə bir neçə il çap eləyib xalqımızın
balalarına çatdırırdım (1981, 1992, 2006, 2010 və s.). Hazırda
dərsliyin sorağı Urmiyadan, Türkiyədən, Kiprdən gəlir. Yenə
də dərsliyi çap eləyib tələbələrə çatdırmaq lazımdır. Ancaq
mənim həm səhhətim, həm də maddi vəziyyətim ona yol
vermir.
Ali məktəb müəllimi həm alimdir, həm də pedaqoq.
Müəllim əgər sözün həqiqi mənasında alim olmasa, onun uğur
qazanması qeyri-mümkündür. Hətta müəllimliyi də bir müddət-
dən sonra sönüb gedəcək. O, bir müəllim kimi tələbələrin gö-
zündən də düşəcək.
Təbii vaxt gəlmişdi. Mən doktorluq dissertasiyası haq-
qında düşünməli idim. Onsuz da kitablarım, məqalələrim mün-
təzəm olaraq çap olunurdu.
Mən həm müəllim, həm də aliməm. Mən dəniz, okean
kimi təlatümə gətirilən milli folklorumuzun xəzinəsinə daxil
olmuşam. Hələ ilk aspirantlıq dövründə kitabxanada işləyərkən
ürək yanğısı ilə folklorumuza biganə münasibət gördüm.
“Azərbaycan şifahi xalq ədəbiyyatının nəşri haqqında” adlı
354
böyük bir məqalə yazdım. Milli folklorumuzun ağır vəziyyəti
haqqında həyəcan təbili çaldım. “Ədəbiyyat qəzeti” məqalənin
əsas hissəsini çap eləyib elmi ictimaiyyətimizə çatdırdı. Mən
sonralar hiss elədim ki, bu məqalə folklor elmimizin ümumi
vəziyyəti haqqında gələcəkdə yazacağım böyük və monume-
ntal bir işin başlanğıcı idi. Beləliklə, folklor elmimizin tarixi
məni özümə cəlb eləməyə başladı. Bu isə çox böyük əmək,
məsuliyyət tələb edirdi. Bizim folklor tariximizdə bu işin
öhdəsindən yalnız Hənəfi Zeynallı gələ bilərdi. Ancaq o, 1930-
cu illərdə repressiyaya uğramışdı. Qoy oxucular məni qeyri-
təvazökarlıqda qınamasınlar, indiki dövrdə yalnız mən bu
problemi araya-ərsəyə gətirə bilərdim. Əvvəlcə düşündüm ki,
yalnız sovet dövrünü tədqiq eləyim, düşündüm, mənbələrə
baxdım, müqayisələr apardım, gördüm ki, folklor elmimizi
kökdən ayırmaq olmaz. Folklor milyon illərin məhsuludur.
Onun toplanması, nəşri, öyrənilməsi son dövr əsrlərin məhsu-
ludur. Azərbaycan folklor elmi çox qədim, zəngin, ağır bir yol
keçir. Burada qədim əlyazmaları, cünglər, mətbuat (üç əlifbada
- ərəb, latın, rus), saysız-hesabsız qaynaqlar mövcuddur. Bu
elmi iki əsr müddətində yüzlərlə həvəskarlar, tarixçilər, xanən-
dələr, şairlər yazıb yaratmış, zənginləşdirmişdi. Bunların hamı-
sını toplamaq, təhlildən keçirmək, ümumi folklor elmini forma-
laşdırmaq lazımdır. Mənə qədər folklor haqqında elmimizə heç
kəs əl vurmayıb. Bir də ona görə ki, bu böyük, ağır, həm də
şərəfli işin öhdəsindən gələ bilmək məsuliyyətini götürmək
üçün istedad, professionallıq, əmək, səbr sahibi lazımdır. Mən
şəxsən ömrümün 20 ilini bu böyük, şərəfli vəzifənin öhdəsin-
dən gəlməyə sərf elədim. İlahi, bəzən çox gərgin, çətin, məsul
problemlərlə qarşılaşır, yorulur və öz-özümə deyirdim ki, bu
işlərin öhdəsindən gəlmək yalnız mənəmi nəsib olub. İstədiyin
qədər mövzular var, birini seç işlə. Yenə özümə təsəlli verir,
Ulu Tanrıdan güc, qüvvət diləyərək, doğma folklorşünaslı-
ğımızı işləyirdim. Ondan üzülmək istəmirdim. Ömrümün 20
ilini sərf eləyərək böyük, fundamental doktorluq disserta-
355
siyasını başa çatdırdım. İki əsrlik tarixi olan Azərbaycan
folklorşünaslığında indiyədək belə böyük əsər yazılmamışdı.
Dissertasiyanı əvvəlcə məşhur, görkəmli Azərbaycan alimləri
qarşısında uğurla müdafiə elədim. Müdafiə zamanı məşhur
alimimiz professor Abbas Zamanovun aşağıdakı sözlərini heç
vaxt unuda bilmirəm. “Paşa Əfəndiyev ədəbiyyat tariximizin
indiyə qədər əkilməmiş, becərilməmiş xam torpağının bir
hissəsini əkmiş və becərmişdir. ...əməksevərliyin sayəsində
belə dəyərli əsər yaranıb. Əgər oturmağı bacarırsansa, alim
olacaqsan.”
Paşa Əfəndiyevin dissertasiyasının sorağı gedib Mos-
kvada Ali Attestasiya Komissiyasına çıxdı. Əlbəttə əsərin
sahibi mən idim. Hələ alnımdakı tər qurumamışdı. Hər kəsə
hər yerdə cavab verməyə hazır idim. 368 səhifəlik doktorluq
dissertasiyasının hər bir səhifəsindən azərbaycanlı balası boy-
lanırdı. Moskvada öz tələbkarlığı ilə seçilən ekspert soveti
dissertasiyamı müzakirə elədi. Müdafiə Şurasının sədri, dünya
şöhrətli alim, Lenin mükafatı laureatı F.P.Filin prezidiumdan
düşüb əlini çiynimə qoydu və razılığını bildirdi. Oxucum məni
bağışlasın, xoş təriflər eşitdim. Müdafiə Şurasının ünvanına
Moskva Dövlət Universitetinin professoru, dünya şöhrətli tür-
koloq alim Xalıq Hüseyn oğlu Koroğlu göndərdiyi rəydə
yazırdı: “P.Ş.Əfəndiyefin əsəri, şübhəsiz, folklor haqqında
Azərbaycan elminə yeni bir hədiyyədir. Əsərdə ilk dəfə olaraq
Azərbaycan folklorşünaslığına aid bir çox ayrı-ayrı və pəra-
kəndə materiallar tənqidi süzgəcdən keçirilir. Müəllifin nəzəri
müddəaları əsaslandırıcıdır və elmə gətirilən zəngin materiallar
ilk dəfə təhlildən keçirilir.
Monoqrafiya Azərbaycan folklorşünaslığının gələcək
inkişafı üçün təcrübi əhəmiyyət kəsb edir. Bu nəticələr müəllifə
filologiya elmləri doktoru elmi dərəcəsini almaq üçün əsas
verir.”
“Azərbaycan folklorşünaslığının tarixi” əsərimi ayrıca
çap eləmişəm (2006). Mənə belə gəlir ki, türk dünyasında folk-
Dostları ilə paylaş: |