Sakramay peshona bilan zarba berishdagi (7-rasm) dastlabki holat kichikroq (50-70 sm) odimlab tik turishdir. Boshni orqaga tortishda o‘yinchi gavdasini orqaga engashtiradi, orqadagi oyog‘ini bukib, gavda og‘irlignni shu oyoqqa o‘tkazadi. Qo‘llar tirsakdan sal bukilgan bo‘ladi.
Zarba berish harakati orqada turgan oyoqni to‘g‘rilash va gavdani rostlashdan boshlanib, boshning olg‘a tomon keskin harakati bilan tugallanadi. Gavdaning og‘irligi oldindagi oyoqqa o‘tkaziladi
7-rasm. Sakramay peshona bilan zarba berish
S akrab peshona bilan zarba berish (8-rasm) bir oyoqda yoki ikki oyoqda depsinib, yuqoriga qarab bajariladi
8-rasm. Sakrab peshona bilan zarba berish.
To‘pni to‘xtatish
To‘pni to‘xtatish to‘pni qabul qilish va egallash vositasi bo‘lib xizmat qiladi. To‘xtatishdan maqsad keyingi kerakli harakatlarni amalga oshirish uchun dumalab va uchib kelayotgan to‘pning tezligini so‘ndirishdan iborat. “To‘pni to‘xtatish”termini ba’zida “to‘pni moslash”, “to‘pni qabul qilish” deb yuritiladigan ma’noda tushunish kerak bo‘ladi. Shuning uchun to‘pni to‘xtatish usullarini ko‘rib chiqayotganda futbolchi to‘pni butunlay to‘xtatib olmay, balki uni keyingi harakatlarini bajarish uchun moslab (o‘tkazib) olishini nazarda tutamiz.
To‘pni oyoq bilan to‘xtatish – eng ko‘p qo‘llaniladigan texnik uslub. Uni turli usullarda bajariladi. Oyoq kaftining ichki tomonini, tag charmi, oyoq yuzi, o‘rta qismi, son, oyoq yuzi ichki qismi, oyoq kafti tashqi tomoni, ko‘krak, qorin, peshona bilan to‘xtatish. Harakatning asosiy fazalari hamma usullar uchun umumiy.
Oyoq kaftining ichki tomoni bilan to‘p to‘xtatish yumalab va uchib kelayotgan to‘plarni qabul qilishda qo‘llaniladi. To‘xtatuvchi yuza bilan amortizatsiyalash yo‘li anchagina katta bo‘lgani sababli bu to‘xtatish usulining ishonchlilik darajasi katta bo‘ladi. (9-rasm).
Dostları ilə paylaş: |
