Gülüstan müqaviləsi
117
Səlim xandan tələb edirdi ki, Şamaxı xanlığı ərazisində gizləndiyi
ehtimal edilən Uğurlu ağanın və ailəsinin tutulub təhvil verilməsi üçün
Mustafa xana təsir göstərsin. Sisianov yazırdı ki, rusların köməyi sayə-
sində Səlim xan özünü Mustafa xan təhlükəsindən qoruya bilməlidir.
Rusların göstərdiyi bu köməyin əvəzi kimi isə Sisianov istəyirdi ki, Səlim
xan onun tələblərini yerinə yetirsin. Onun sözlərinə görə, bununla Səlim
xan Rusiyaya olan sədaqətini əməli ilə sübuta yetirmiş olardı (20).
General Sisianov həm İbrahim xanla, həm də Səlim xanla Rusiya
təbəəliyini qəbul etmək haqqında müqavilənin imzalanması üçün ortaq
bir tarix müəyyənləşdirdi. Kürəkçay yaxınlığında hər iki xanla
müqavilənin imzalanması tarixi ərəfəsində Səlim xan Sisianova məktub
göndərərək xəstələndiyini çatdırdı. Səlim xan eyni zamanda Sisianova
təklif etdi ki, müqavilənin imzalanması üçün Mingəçevirdə görüş
keçirilsin. Sisianov bu təklifi qəbul etmədi və Səlim xana yazdı ki,
görüşün harada və nə vaxt keçiriləcəyi haqqında qərarı o özü qəbul edir.
İbrahim xanla Qarabağ xanlığının Rusiyaya birləşdirilməsi haqqında Kü-
rəkçay müqaviləsi imzalanandan sonra Sisianov dərhal Gəncəyə
qayıtmaq istəyirdi. Lakin o, Kürəkçay ətrafını tərk etməmişdən əvvəl
Səlim xandan növbəti məktubu aldı. Bu məktubda Səlim xan gəlməkdə
olduğunu və artıq Mingəçevirə çatdığını bildirirdi. Onda Sisianov
Kürəkçay ətrafında Səlim xanı gözləməyi qərara aldı və onun
yetişməsindən sonra 1805-ci il may ayının 21-də Kürəkçay ətrafında
Səlim xanla Şəki xanlığının Rusiyaya birləşdirilməsi haqqında müqavilə
imzalandı (21).
İbrahim xanla Səlim xanın Rusiyaya birləşmək haqqında imza-
ladıqları müqavilələrin mətni bəzi istisnalarla bir-birinin oxşarı idi.
Mətndə başlıca olaraq xanların və xanlıqların adları fərqli idi.
Müqavilənin məzmununda olan fərqliliklər isə aşağıdakılardan ibarət idi:
İbrahim xanın imzaladığı müqavilənin 5-ci maddəsində Şuşa qalası
yerinə Nuxa qalası yazılmışdı. Bu maddədə eyni zamanda o da təsbit
olunurdu ki, Gürcüstanın baş komandanının planına əsasən, rus mühəndis
zabitlərinin seçimi əsasında Nuxadakı rus silahlı dəstəsi üçün qala
tikilməli və Səlim xan da bu tikintini işçi qüvvəsi ilə təmin etməli idi.
İbrahim xanın imzaladığı müqavilənin 6-cı maddəsində Qarabağ xanı
öz üzərinə belə bir öhdəlik götürürdü: 1) istər ilk vaxtlar, istərsə də
sonrakı vaxtlar üçün yuxarıda göstərilən qoşunlar üçün baş komandanın
təsdiq etdiyi münasib qiymət əsasında lazım olan miqdarda buğda və darı
yarması tədarük etmək. Səlim xanın imzaladığı müqavilədə isə həmin
maddədə onun öz üzərinə qəbul etdiyi öhdəlik aşağıdakı kimi təsbit
olunmuşdu: 1) yuxarıda göstərilən qoşunlara ildə 529 xalvar un və 80.5
Mehman Süleymanov
118
xalvar buğda verməklə ərzaqla təmin etməli idi. Maddənin qalan hissəsi
İbrahim xanın imzaladığı müqavilədə olduğu kimi davam etməli idi; 2)
yuxarıda göstərilən qoşunları Şəki ərazisinə təyin etmək, ya da 5-ci
maddədə deyildiyi kimi, onların rəhbərinin seçiminə əsasən daimi evdə
yerləşdirmək və onları lazım olan həcmdə odunla təchiz etmək; 3)
yuxarıda göstərilən ərzaq elə çatdırılsın ki, həmişə 2-3 aylıq ehtiyat
mövcud olsun və qoşunların heç bir çatışmazlığı olmasın.
Müqavilənin 8-ci maddəsinə əsasən, Qarabağ xanı Rusiya xəzinəsinə
ildə 8 min çervon vergi verməli idisə, Səlim xan 7 min çervon vergi
verməli idi. Həmin maddəyə görə, İbrahim xan girov kimi nəvəsini
Sisianovun sərəncamına göndərməli idisə, Səlim xan öz oğlunu girov
verməli idi. Lakin onun oğlu 4 yaşında idi. Ona görə 8-ci maddədə təsbit
olunmuşdu ki, Sisianovun qərarına əsasən Səlim xanın oğlunun yerinə
Şəkinin beş nəfər bəyinin böyük oğlanları girov verilməli idi. 1-2 ildən
sonra isə Səlim xan öz oğlunu girov göndərməli və bəy uşaqları geri
qaytarılmalı idi. Səlim xanın qayınatası İbrahim xan da Səlim xanın bu
tələbi yerinə yetirəcəyinə yazılı təminat verməli idi.
Müqavilənin 9-cu maddəsi də fərqli idi. Bu maddə girov verilən
şəxslər üçün pul vəsaitinin ayrılması haqqında idi. İbrahim xanın girov
verilən ailə üzvləri üçün gündə 10 rubl ayrılmalı idisə, Şəki bəylərinin
girov uşaqları üçün 5 rubl ayrılmalı idi. Qəbul olunmuş sədaqət andının
mətnində isə xanların adları istisna olmaqla digər dəyişiklik yox idi (22).
Şəki xanlığının Rusiyaya birləşdirilməsi Rusiya işğalının ge-
nişləndirilməsindən əlavə, Gürcüstanın mühafizəsinin möhkəmlən-
dirilməsi və ticarət yollarının açılması baxımından da Rusiya üçün xüsusi
əhəmiyyət kəsb edirdi. General Sisianovun qiymətləndirməsinə görə,
Cardan sonra Şəkidə də rus qoşun dəstəsinin yerləşdirilməsi Dağıstan
xalqlarının silahlı dəstələrinin yürüşlərinin qarşısını ala bildi. Bundan
başqa Bakı ilə Gəncə arasındakı ticarət yolunun da Şəki xanlığı
ərazisindən keçməsi bu yolun işləkliyini və təhlükəsizliyini artıra bilərdi.
Nəhayət, Qarabağ xanlığı ilə eyni vaxtda Şəki xanlığının nəzarət altına
alınması Şamaxı və Bakı xanlıqları üzərinə təzyiqlərin artırılmasına əlve-
rişli məkan yaradırdı.
General Sisianov Rusiya imperatoruna yazdığı məktubunda Səlim
xanın kiçik oğlunun əvəzinə Şəki bəylərinin uşaqlarının girov
götürülməsinə qəsdən razı olduğunu bildirirdi. Onun fikrincə, Şəki
bəylərinin və əhalisinin Şəki xanı üzərinə təsiri böyük idi. Səlim xan Şəki
əhalisinin iradəsi əsasında xan seçilmişdi və istənilən vaxt da Şəki
əhalisinin iradəsi ilə xanlıqdan kənarlaşdırıla bilərdi. Xanlıqdan
kənarlaşdırılacağı təqdirdə isə ondan alınan girovun da əhəmiyyəti