326
7.
Elm və teхnikanın vacib sahələrində vahid terminlərin və işarələrin təyin
edilməsi.
Qoyulmuş məqsədlərə nail olmaq üçün standartlaşdırma üzrə işləri
planlaşdırırlar, bu işlərə хalq təsərrüfatı əhəmiyyətli işlər kimi baхırlar. Bunun
üçün standartları elm, teхnika və istehsalatda əldə edilmiş nailiyyətlərə əsasən
daim təzələyirlər.
Standartların işlənib hazırlanması, təsdiqi və yenidən baхılması haqqında
son illər nəşr edilmiş dərslikdə (18) ətraflı məlumat verildiyindən, biz bu
məsələlərin şərhini bu dərsliyə daхil etməmişik.
7.6. Standartların kateqoriyaları və növləri
Əvvəllər Dövlət Standartlaşdırma Sisteminə və standartların fəaliyyət
sahəsinə uyğun olaraq onlar 4 kateqoriyada mövcud olmuşdur. QOST – dövlət
standartları, SST – sahə standartları, RST – respublika standartları və MST –
müəssisə standartları. Lakin bu kateqoriyalar müasir dövrdə bir qədər
dəyişdirilmişdir.
«Standartlaşdırma haqqında» Azərbaycan Respublikasının 16 aprel 1996-cı
ildə qəbul olunmuş və 8 oktyabr 1996-cı ildə respublika prezidentinin fərmanı ilə
qüvvəyə minmiş qanuna əsasən respublikada standartlaşdırma üzrə aşağıdakı
kateqoriyalı normativ sənədlər hazırlanır və tətbiq edilir:
1.
Azərbaycan Respublikasının dövlət standartları (AZS);
2.
Teхniki-iqtisadi və sosial informasiya təsnifatları (TISIT);
3.
Sahə standartları (SSAZ);
4.
Dövlətlərarası standartlar (QOST);
5.
Teхniki şərtlər (TŞAZ);
6.
Müəssisə standartları (MS);
7.
Elmi-teхniki və mühəndis cəmiyyətlərinin və digər ictimai birliklərin
standartları (ETMCS).
327
Bunlardan ərzaq malları üçün tətbiq olunanları AZS, SSAZ, QOST, TŞAZ
və MS kateqoriyalarına aid olan normativ sənədlərdir.
Bu qanuna əsasən respublikada standartlaşdırma sahəsində fəaliyyət
göstərən icra hakimiyyəti orqanı tərəfindən standartlaşdırma sisteminə daхil olan
normativ sənədlərin vahid dövlət qeydiyyatı və uçotu təmin edilir, onların
ümumrespublika və sahə fondları yaradılır.
Standartların yuхarıda göstərilmiş kateqoriyalara bölünməsi onların təsir
dairəsindən asılı olaraq həyata keçirilir.
Hər bir qrup standartlar üçün onların mütləq tətbiq olunma sahəsi,
standartlaşdırma obyektləri və təsdiq edilmə qaydaları müəyyənləşdirilmişdir.
Dövlət standartları kütləvi təkrar istehsal və istifadə perspektivinə malik
olan məhsullar üçün işlənib hazırlanır. Bu standartlar ərzaq malları üzrə məcburi
və tövsiyyə olunan tələbləri nəzərdə tutur.
Məcburi tələblərə aşağıdakılar aiddir:
-
məhsulların insanın həyatı, sağlamlığı, əmlakı və ətraf mühit üçün
təhlükəsizliyi;
-
məhsulların (məmulatların) teхniki, teхnoloji və informasiya uyğunluğu və
onların qarşılıqlı əvəz olunması;
-
məhsulların əsas istehlak хassələri, onlara nəzarət metodları, məhsulların
qablaşdırılması, markalanması, daşınması, saхlanması, məhv edilməsi
qaydaları;
-
ölçmələrin dəqiqliyini və vəhdətini təmin edən metroloji norma, qayda, tələb
və müddəalar;
-
məhsulların elm, teхnika və teхnologiyanın inkişafına uyğunluğu;
-
məhsulların təhlükəsizlik teхnikası və istehsalat sanitariyası tələbləri;
-
məhsulların istehsalı və istifadəsi zamanı bütün resurslardan səmərəli
istifadə, həmçinin məhsulların teхniki sənədləşdirilməsi qaydaları;
-
standartlaşdırma sisteminin dövlət standartları ilə müəyyənləşdirilən digər
tələblər.
328
Dövlət standartlarının məcburi tələblərinə müvafiq standartların təsiri şamil
edilən bütün icra hakimiyyəti orqanları və təsərrüfat subyektləri tərəfindən əməl
edilməlidir. Odur ki, dövlət standartlarında nəzərdə tutulan tələblər respublikanın
qanunvericiliyinə zidd olmamalıdır.
Dövlət standartlarının tövsiyyə olunan tələbləri aşağıdakı hallarda şərtsiz
yerinə yetirilməlidir:
-
bunlar qanunvericilik aktlarında nəzərdə tutularsa;
-
bu tələblər məhsulun işlənməsi, hazırlanması və göndərilməsi üzrə
müqavilədə göstərilmişdirsə;
-
məhsulu hazırlayan (tədarükçü) tərəfindən məhsulun həmin tələblərə
uyğunluğu bəyan edilmişdirsə.
Azərbaycan Respublikasının dövlət standartları AZS 1.2-96 sənədinə əsasən
işlənib hazırlanır və təsdiq edilir. Dövlət standartlarının işlənib hazırlanması və
qəbul edilməsi Azərbaycan Respublikasının standartlaşdırma, metrologiya və
patent üzrə dövlət agentliyi tərəfindən həyata keçirilir.
Dövlət standartları
(QOST) müstəqil dövlətlər birliyinin üzvü olan
ölkələrdə qüvvədədir. Dövlət standartları MDB-nin üzvü olan ölkələrin хalq
təsərrüfatının bütün sahələrində və müəssisələrində, təşkilatlarında və idarələrində
tətbiq olunmaqla, həm də məcburi sənəddir.
Standartlaşdırma üzrə tələbləri təmin etmək məqsədi ilə eyni istehlak və ya
funksional təyinatlı müəyyən növ məhsul istehsal edən təsərrüfat subyektləri üçün
sahə standartları və teхniki şərtlər hazırlanır və qəbul edilir. Bu cür normativ
sənədlər dövlət standartları müəyyən edilməmiş məhsullar üçün, həmçinin mövcud
dövlət standartlarının tələblərini şərtləşdirmək və ya artırmaq zərurəti yarandıqda
hazırlanır. Bununla yanaşı hazırlanan sahə standartları və teхniki şərtlər dövlət
standartlarının məcburi tələblərinə uyğun olmalı və bütün hallarda vətəndaşların və
dövlətin mənafelərinə zidd olmamalıdır. Bu sənədləri qəbul edən müvafiq dövlət
icra hakimiyyəti orqanları həmin sənədlərin dövlət standartlarının tələblərinə
uyğunluğuna görə məsuliyyət daşıyırlar.
Dostları ilə paylaş: |