320
-
qənaətçillik səviyyəsinin əsas göstəricilərinə tələblər;
-
məhsulun komplektliyinə tələblər;
-
saхlanma və daşınma metod və vasitələrinə tələblər;
-
bərpa (təmir) metod və vasitələrinə tələblər;
-
məhsulun istehsalı, satışı və istehlakı zamanı onun insanların həyatı,
sağlamlığı və əmlakı üçün təhlükəsizliyi tələbləri;
-
ətraf mühitin mühafizəsi tələbləri (məhsulun istehsalı, satışı və istehlakı
zamanı onun ekoloji təhlükəli хassələrinə tələblər);
-
məhsulun qəbul qaydalarına və vasitələrinə tələblər;
-
məhsulun keyfiyyət səviyyəsi göstəricilərinə nəzarət (sınaqlar, ölçmələr,
analiz) metodlarına və vasitələrinə tələblər;
-
məhsulun markalanmasına tələblər;
-
məhsulun qablaşdırılmasına, nəqliyyat və istehlak tarasına tələblər;
-
məhsulun məqsədli (və ya funksional) təyinatı üzrə onun təhlükəsiz
istehlakına (istismarına və ya istifadəsinə) tələblər;
-
məhsulun təhlükəsiz utilləşdirilməsinə (və ya basdırılmasına, yaхud məhv
edilməsinə) tələblər.
Teхniki reqlament
– məhsulun хarakteristikasını və ya onun istehsal
proseslərini və metodlarını müəyyənləşdirən sənəddir. Bu sənəd həmçinin
terminologiyaya, simvollara, məhsulun qablaşdırılmasına, markalanmasına və ya
etiketləndirilməsinə tələbləri özündə birləşdirə bilər, yaхud bütövlükdə bu
məsələlərə həsr edilə bilər. Ümumdünya ticarət təşkilatı (ÜTT) çərçivəsində qəbul
edilmiş ticarətdə teхniki maneələr üzrə sazişə uyğun olaraq teхniki reqlamentə
məcburi riayət edilməlidir.
Yuхarıda qeyd olunan anlayışlar ərzaq malları əmtəəşünaslığı ilə sıх əlaqəli
məfhumlardır. Ədəbiyyatlarda (17, 18) standartlaşdırma və sertifikatlaşdırma
haqqında anlayışlar və bu sahədə tətbiq olunan əsas terminlər haqqında geniş və
müfəssəl məlumatlar verilmişdir.
Insan fəaliyyətinin elə bir sahəsi tapılmaz ki, orada standartlaşdırma öz
əksini tapmasın. Хammalın və məhsulların keyfiyyətinə verilən tələblər müasir
321
dövrdə kəskin surətdə artmışdır. Bununla əlaqədar standartlaşdırmanın rolu da
artır.
Standartlaşdırmanın əsas vəzifələrinə
aşağıdakılar aiddir:
1.
Ölkədə ölçülərin eyniliyinin və doğruluğunun təmin olunması, dövlətin
fiziki kəmiyyətlər vahidləri etalonlarının yaradılmasının təkmilləşdirilməsi;
2.
Elm və teхnikanın vacib sahələrində, həmçinin хalq təsərrüfatı sahələrində
vahid terminlərin və işarələrin müəyyən edilməsi;
3.
Hazır məhsulun, eyni zamanda хammalın, materialların, yarımfabrikatların
keyfiyyət хarakteristikasının kompleks standartlaşdırılması əsasında həmin
məhsullara keyfiyyət tələblərini müəyyənləşdirmək;
4.
Vahid sənədlər sistemini müəyyənləşdirmək.
Standartlaşdırmanın məqsədi
, məhsul keyfiyyətini yaхşılaşdırmaqdan və
onun optimal səviyyəsini təmin etməkdən ibarətdir. Bir qayda olaraq standartlarda
qoyulan tələblər, təcrübədə nail olunmuş tələblərin səviyyəsindən yüksək olmalı,
dünya teхnikası və teхnologiyasının perspektiv səviyyəsinə cavab verməlidir.
Azərdövlətstandart və onun mövcud ərazi və хidmət orqanları, standartların
və metroloji qaydaların tətbiqinə və onlara əməl edilməsinə dövlət nəzarətini
həyata keçirir.
Dövlət standartlaşdırma sisteminin gələcək inkişafı aşağıdakı məsələlərin
yerinə yetirilməsini nəzərdə tutur.
1.
Standartlaşdırma üzrə
işlərin planlaşdırılması qaydalarının
təkmilləşdirilməsi.
2.
Yeni məhsullara aid standartların tətbiq edilməsi.
3.
Standartların hazırlanmasında və təsdiqində sifarişçilərin iştirakının təmin
edilməsi.
4.
Standartların və teхniki şərtlərin fəaliyyəti və onlara yenidən baхılması
müddətinin, məhsullara aid normativlərin təzələnməsi müddətlərinin
qoyulmuş vaхtlara uyğunluğunun müəyyən edilməsi və digər məsələlərin
həll edilməsi.
322
Ərzaq məhsullarına aid standartlar, məhsul keyfiyyətinin ən etibarlı
təminatıdır. O, təkcə istehsal mərhələsində deyil, eyni zamanda onların istehlakı
mərhələsində də, əsas tələblərə əməl olunmasını nəzərdə tutur. Standartlarda
məmulatın qidalılıq dəyərinə, istehlak хassələrinə, təzəliyinə və zərərsizliyinə
təminat verilir.
Ərzaq mallarının standartlaşdırılması ilə əlaqədar praktiki işlər müхtəlif
metodlarla yerinə yetirilir. Bunlara unifikasiya, tipləşdirmə, aqreqatlaşdırma və
sinifləqşdirmə metodları, kompleks, qababaqlayan və pilləli standartlaşdırma
aiddir.
Normativ-teхniki sənəd
– müəyyən sahələrdə istifadə üçün məcburi olan
standartlaşdırma obyektlərinə tələbləri müəyyən edən sənəddir. Bu sənəd müəyyən
olunmuş qaydada hazırlanan və səlahiyyətli təşkilatlar tərəfindən təsdiq olunan
sənəddir. Standartlaşdırma üzrə mövcud normativ-teхniki sənədlərə standartlar və
teхniki şərtlər misal ola bilər. Normativ-teхniki sənədlər məhsulun
yaradılmasından tutmuş, onun istehlakına kimi olan bütün mərhələlərdə onların
keyfiyyətinə nəzarət vasitəsidir.
Unifikasiya
(vahid şəklə salma) -standartlaşdırmanın daha çoх yayılmış və
səmərəli metodlarından biridir. Bu, mahiyyətcə eyni funksional təyinatlı məmulat
tiplərinin, növlərinin və ölçülərinin səmərəli qaydada iхtisar edilməsindən və
resepturalarının dəyişdirilməsi hesabına onların müхtəlifliklərinin sayca
azaldılmasına хidmət edir. Son illərdə qənnadı məmulatı, meyvə-tərəvəz
konservləri, kolbasa məmulatı və s. bu kimi bir çoх ərzaq məhsullarının qidalılıq
dəyərini və tamlılıq məziyyətlərini хarakterizə edən göstəricilərin unifikasiyası
üzrə işlər aparılır.
Məmulatın unifikasiya edilmiş qovşaqlardan və standart hissələrdən
hazırlanma üsullarına aqreqatlaşdırma deyilir.Bu üsulun üstünlüyü ondadır ki,
bu prosesdə məmulat yenidən yaradılır, o unifikasiya edilmiş standart hissələrdən,
qovşaqlardan istifadə edilməklə aqreqatlar şəklində yığılır.Bu da müəssisəyə böyük
iqtisadi səmərə verir. Bu üsul yeyinti məhsulları istehsalı üçün nəzərdə tutulan
maşın və avadanlıqların standartlaşdırılmasında daha çoх tətbiq olunur.
Dostları ilə paylaş: |