Microsoft Word Алламбергенов А. doc

Kirish

Muammoning dolzarbligi. O’simliklar inson hayotida katta ahamiyat kasb etib, ular odam uchun: oziq-ovqat, kiyim-kechak, qurilish materiallari, shuningdek, dorivor va parhezbop mahsulotlar sifatida ahamiyatga egadir.

Ma`lumki, dunyo miqyosida odamlar orasida turli kasalliklar mavjud bo’lib, ularning kelib chiqishi va o’tish holatlari turlichadir. Mana shu kasalliklarning ko’pchiligi noto’g’ri ovqatlanish natijasida kelib chiquvchi kasalliklardir. Masalan, qovurilgan taomlar – qovurmalar, tuzlangan o’tkir tuzlamalar oshqozonichak trakti kasalliklarini, yurak-qon tomir kasalliklarini va hk. keltirib chiqarishi aniqlangan. Ayrim meva va sabzovotlar borki, ulardan tayyorlanadigan turli xil taomlar bu holatlarning oldini oluvchi parhezbop taomlar bo’lib hisoblanadi.

Hozirgi davrda deyarli barcha davlatlar xalqining 80-90% ining salomatlik ko’rsatkichlari me`yor darajasida emas. Buning asosiy sababi oziqlanish strukturasining buzilishidir, ya`ni vitaminlar, mineral tuzlar, oksidantlar va biologik

faol moddalar hamda boshqalarning barcha yoshdagi kishilar uchun etishmasligidandir. Shu sababli qimmatli ozuqaviy sifatga ega bo’lgan mahsulotlarni iste`mol qilish muhim ahamiyatga ega. Bular qatoriga asosan mevalar kiradi.

Mamlakatimizda aholini oziq-ovqat mahsulotlari, xususan yangi va sifatli mevalar bilan ta`minlashga katta ahamiyat berilmoqda.

O’zbekiston Respublikasi Prezidentining 2008 yil 20 oktyabrdagi “Oziq-ovqat ekinlari ekiladigan maydonlarni optimallashtirish va ularni ishlab chiqarishni ko’paytirish choralari” Farmonida hamda 2009 yil 26 yanvardagi “Oziq-ovqat mahsulotlarini ishlab chiqarishni kengaytirish va ichki bozorni to’ldirish bo’yicha qo’shimcha choralar to’g’risida”gi Qarorida oziq-ovqat mahsulotlarini ishlab chiqarishni ko’paytirish, ularning assortimentini kengaytirish va aholini oziq-ovqat bilan ta`minlashni yaxshilash masalalari qarab chiqilgan.

Afsuski, hozirgi to’kin zamonda ham deyarli ko’pchilik davlatlarning 80-90% aholisining sog’lig’i meyor darajasida emas. Buning asosiy sababi – oziqlanish rejimining va tartibining buzilganligi, ya’ni vitaminlarga, mineral tuzlarga va biologik aktiv moddalar kabi hayotiy muhim moddalarning xalqning barcha qatlamlari va turli yosh vakillariga etishmasligi sababidandir. Ayniqsa, keksalarda, bolalarda va homilador ayollarda ko’p uchrydigan kamqonlik kasalligi shular jumlasidandir. Shuning uchun ozuqaviy qiymati boy mahsulotlarni iste’mol qilish muhim ahamiyatga ega.

Qon ko’paytiruvchi har xil preparatlar o’rniga tabiiy, ozuqaviy va shifobaxsh meva bo’lgan ayrim mevalarni iste’mol qilish yaxshi natija beradi.

Dorivor xususiyatlarga ega o`simliklarga anor o’simligi kiradi. Uning mevasining shifobaxshligi qadim zamonlardan beri ma’lum. Shu sababli ham, mamlakatimiz hukumati qarorlari bilan hozirgi vaqtda mamlakatimizda bog’dorchilik, mevachilik sohalarini jadal rivojlantirishga katta e’tibor qaratilmoqda.

İzlanishlarning maqsadi – anor mevasining shifobaxsh xususiyatlarini bilgan holda undan sharbat olish, sharbatning foydali xususiyatlarini o’rganishdan iborat.

İlmiy izlanishlarning vazifalari:

• 
  Anordoshlar oilasi vakillarining turlari bilan tanishish;
  
• 
  anor mevasining kimyoviy tarkibini o’rganish;
  
• 
  anordan sharbat va turli mahsulotlar tayyorlash, retseptlarini taqdim etish.
  
• 
  İzlanishlarning ilmiy ahamiyati: izlanishlar natijalari Anordoshlar oilasi vakillarining turlari va ularning biologic tavsifi bilan tanishish, anor mevasidan sharbat tayyorlash va ularning retseptlarini bilib olishga yordam beradi.
  
• 
  İzlanishlarning amaliy ahamiyati: bu ish Anordoshlar oilasi vakillarining turlari bilan tanishib, ularning mevasidan shifobaxsh sharbat tayyorlash texnologiyasini bilib olib, amaliyotga va sanoat ko’lamida parhezbop, qon ko’paytiruvchi shifobaxsh ichimliklar tayyorlashda ilmiy asos bo’lib xizmat qiladi.