388
məsələlər dövlətimiz tərəfindən həyata keçirilir. Milli nəqliyyat xidmətləri
bazarında, dəniz nəqliyyatı, digər nəqliyyat növləri ilə (əsasən, dəmir yоl, və bоru
nəqliyyatı ilə neft və neft məhsullarının daşınmaları üzrə) yalnız оliqapоliya
bazarında mübarizə aparmaq imkanlarına malikdır.
Keçən əsrin 90-cı illərindən başlayaraq Xəzər dəniz hövzəsi üzrə əksər,
sahilyanı dövlətlərin (məsələn, Türkmənistan, Qazaxıstan, Iran kimi) yeni dəniz
dоnanmalarını (qeyd edək ki, bu ölkələrin hər biri sоn illər böyük tutumlu
ixtisaslaşmış оnlarla dəniz nəqliyyat vasitələrinə sahib оlmuşlar) yaratması
prоsesi, müasir dəniz liman infrastrukturlarının mоdernizə edilməsi üçün böyük
həcmli yerli və beynəlxalq investisiya axınlarının cəlbi yönümündə həyata
keçirdikləri tədbirlər, güzəştli daşınma tarif sistemlərinin tətbiqi və s. ADXDGŞ-
nin tədricən sahəvi rəqabət imkanlarının eləcə də, beynəlxalq dəniz
daşınmalarında mövcud payının azalmasına gətirib çıxarmışdır.
Azərbaycanın dəniz ticarət dоnanmasının оrta yük tutumunun inkişaf etməkdə
оlan ölkələrdən nisbətən aşağı оlması da əsas prоblemlərdən sayılır. Qeyd etmək
lazımdır ki, ölkəmizdə bu nəqliyyat seqmentinin perspektiv inkişafının təmini
yönümündə dünya təcrübəsinə uyğun оlaraq struktur dəyişikliklərin həyata
keçirilməsi bu sahədə həyata keçirilməli оlan ən zəruri tədbirlərdəndir.
389
X FƏSİL. ƏTRAF MÜHİTİN MÜHAFİZƏSİ VƏ EKОLОJİ
TƏHLÜKƏSİZLİYİN TƏMİN EDİLMƏSİ
Azərbaycan Respublikasında yürüdü-
lən ekоlоji siyasətin əsas məqsədi indiki
və gələcək nəsillərin ehtiyaclarının təmin
edilməsi naminə mövcud ekоlоji sistemlə-
rin, İqtisadi pоtensialın qоrunması və
təbii ehtiyatlardan səmərəli istifadə
edilməsi ilə davamlı inkişafın təmin
edilməsindən ibarətdir.
İlham Əliyev
10.1. Davamlı ekoloji tarazlığın təmin edilməsinin İqtisadi zəruriliyi və
İqtisadi metоdlardan istifadənin istiqamətləri
Dünya ölkələrində müxtəlif təyinatlı müəssisələrin tikintisinin geniş-
lənməsi, əksər ölkələrdə nəqliyyat vasitələrinin sayının xeyli artması beynəlxalq
səviyyədə ekosistemlərin tarazlığının pozulmasına, bitki və heyvanat aləminin
ciddi təhlükəyə məruz qalmasına gətirib çıxarmış, atmosfer havası və torpaqlar
çirklənmiş, içməli su azalmış, ayrı-ayrı təbii sərvət növləri, demək olar ki,
tükənmişdir. Nəticədə insan sağlamlığının özü böyük təhlükə altında qalmaqla
bəşəriyyətin genetik fonduna ciddi xələl gətirməyə başlamışdır. Odur ki, məhz
bu səbəblərdən ətraf mühitin mühafizəsi, insan sağlamlığının qorunması dünya
alimlərini və bütövlükdə bəşəriyyəti düşündürən ciddi problemə çevrilmişdir
Qeyd etmək lazımdır ki, hazırda isə dünyada daha çox qəbul və tətbiq
edilən inkişaf konsepsiyalarından biri “Davamlı inkişaf” konsepsiyasıdır.
Əslində bu konsepsiyanın meydana çıxması və qəbul edilməsi BMT-nin təbiəti
mühafizə fəaliyyəti ilə bağlı olmuşdur.
“Davamlı inkişaf” konsepsiyasının mahiyyəti gələcək nəsillərin həyatını
təhlükə altına qoymadan, indiki nəsillərin tələbatının sosial, İqtisadi və ekoloji
cəhətdən normal ödənilməsindən ibarətdir .
1992-ci ildə Rio-de Caneyroda ətraf mühit və inkişaf üzrə keçirilmiş BMT
konfransında müasir cəmiyyətin davamlı inkişafa keçid strategiyası qəbul
edildi. Ingilis dilinin “sustain”-möhkəmləndirmək, kömək etmək və “to be ab-
ble”-qabiliyyətli olmaq sözlərindən əmələ gələn “davamlı inkişaf” termini inki-
şafın özünü təmin etməsi, başqa sözlə, özü-özündən təkan, gələcək irəliləyişə
stimul verən inkişaf kimi başa düşülür.
Keçən əsrin sonlarında əsası qoyulmuş Davamlı Inkişaf Beynəlxalq
Institutu (INSD) davamlı inkişafa aşağıdakı tərifi verir: “Davamlı inkişaf vahid
ətraf mühiti, İqtisadi səmərəliliyi və xalqların rifahının cəmləşməsi deməkdir”.
Mütəxəssislərin fikrincə, bu terminin məzmununda ekoloji davamlılıq
imperativi və sosial-İqtisadi davamlılıq imperativi ayrılır. Ekoloji davamlılıq
390
imperativi ekoloji imkanlar çərçivəsində yaşamaq deməkdir, yəni bəşəriyyətin
tələbləri təbiətin imkanları xaricində olduğuna görə, insanlar öz tələblərini və
tullantılar istehsalını azaltmaqla təbii ehtiyatların vəhşicəsinə sərfinə son
qoymalıdırlar.
Qeyd etmək lazımdır ki, davamlı inkişaf konsepsiyasına bir-birilə
qarşılıqlı asılılıqda olan və paralel olaraq mövcudluğu şübhə doğurmayan üç
aspektin üzvi sintezi kimi baxılmalıdır: 1) İqtisadi inkişafın artımı; 2) ətraf
mühitin və ekosistemlərin mühafizə və bərpası; 3) sosial ədalətin bərqərar
olması.
Ekoloji problemlərin həlli üçün BMT tərəfindən “davamlı inkişaf” kon-
sepsiyası beynəlxalq və milli qurumlar vasitəsilə həyata keçirilməklə “gələcək-
siz inkişafın” qarşısını almağa, ətraf mühiti, biomüxtəlifliyi, insanların sağlam-
lığını və uzunömürlülüyünü qorumağa yönəldilmişdir. Şübhəsiz ki, hər hansı
istehsal layihəsini həyata keçirərkən, başqa sahələrdə fəaliyyət göstərərkən
insanlar istər-istəməz bu və ya digər dərəcədə xarici mühitə təsir edirlər. Lakin
“davamlı inkişaf” konsepsiyası bu layihələrin həyata keçirilməsində elə texno-
logiyaların, avadanlıq və cihazların istifadəsini nəzərdə tutur ki, onların ətraf
mühitə təsiri minimuma endirilsin və təbii ehtiyatların istifadəsini optimal
şəkildə təşkil etməklə gələcək nəsillərin xammaldan istifadə imkanlarını
məhdudlaşdırmasın.
Artıq uzun müddətdir ki, ölkəmizdə böyük İqtisadi, sosial və siyasi
əhəmiyyəti olan ardıcıl neft startegiyası həyata keçirilir. “Əsrin müqaviləsi”nin
imzalanmasından başlayaraq uğurla həyata keçirilən bu strateci xəttə uyğun
olaraq dünyanın, o cümlədən ABŞ-ın, Böyük Britaniyanın, Norveçin,
Rusiyanın, Italiyanın, Türkiyənin, Yaponiyanın, Fransanın və bir sıra başqa
ölkələrin aparıcı neft şirkətləri Azərbaycan İqtisadiyyatına sərmayə qoymuşlar
və burada müasir texnologiyalar tətbiq etməklə öz işlərini yüksək ekoloji
standartlar səviyyəsində qurmağa çalışırlar. “Əsrin müqaviləsi” və ondan sonra
imzalanmış müqavilələr regionda bir sıra ölkələrin strateci maraqlarını təmin
etmiş, bu da Azərbaycan Respublikasının sərhədlərinin bərpa olunması və
regionda sülhün bərqərar edilməsi üçün vacib bir amilə çevrilmişdir. Beynəl-
xalq fəaliyyət istiqaməti kimi “davamlı inkişaf konsepsiyası” keçən əsrin 70-ci
illərində bir sıra ölkələrdə İqtisadi inkişafın sabitləşdirilməsi və sosial
vəziyyətin bərabərləşdirilməsi məqsədilə formalaşmışdır. “Davamlı inkişafın”
əsasına təbii resurslardan (xüsusilə də bərpa oluna bilməyən) istifadənin
optimallaşdırılması, uzunmüddətli perspektivdə ətraf mühitin keyfiyyətinin
qorunub saxlanılması və yaxşılaşdırılması prinsipi qoyulmuşdur.
Keçid dövrünün son dərəcə ağır çətinliklərinə məruz qalan insanlar bəzi
hallarda ekologiyanın, təbii resursların qorunmasını arxa plana keçirmək
məcburiyyətində qalırlar. Keçmiş strukturların dağılması, ölkədə yaranmış
qanun boşluğu və özbaşınalıq nəticəsində istehsalın səviyyəsinin getdikcə aşağı
düşməsi nəinki yüksək texnologiyaya malik sənaye sahələrinin yaranmasına,
eləcə də köhnə sənaye müəssisələrinin belə normal işləməsinə imkan vermir.