Arif Şəkərəliyev, Qoşqar Şəkərəliyev
460
məhsul və milli gəlirin səviyyəsi ilə dünya göstəriciləri arasında bö-
yük uçurum yaratdı. Statistik məlumatlara görə, Azərbaycanda cari
qiymətlərlə əhalinin hər nəfərinə düşən ÜDM 1993-cü ildə dünyadakı
orta göstəricinin cəmi 4%-ni, Atlas metodu ilə hesablanmış adamba-
şına düşən milli gəlir isə 12.94%-ni təşkil edirdi. 2003-cü ilə qədər
Dünya Bankının hesabatlarında Azərbaycan yoxsul ölkələr qrupuna
aid edilsə də, neft sektorunun inkişafı, «Əsrin müqaviləsi» layihəsinə
uyğun olaraq ilk neftin hasil edilməsi və dünya bazarında neftin qiy-
mətinin qalxması ilə ölkəmizdə adambaşına düşən ÜDM 2009-cu ildə
1993-cü ilə nisbətən 9.24 dəfə artaraq 4899 dollar təşkil edib.
Hazırda dünyanın 56 ölkəsi yüksəkgəlirli ölkələr qrupuna daxildir
ki, bunların içərisində Avropa və Amerikanın inkişaf etmiş ölkələri ilə
yanaşı, XX əsrin ikinci yarısında öz iqtisadi uğurları ilə dünya iqtisa-
diyyatında yeni mərhələ açan Honq-Konq və Sinqapur, neft ixracında
əsas rola malik olan Küveyt, BƏƏ və Səudiyyə Ərəbistanı var. Aşağı
gəlirli ölkələr sırasına isə 54 ölkə, əsasən də təbii fəlakətlər, xəstəlik
və münaqişələrdən əziyyət çəkən Afrika və Asiyanın yoxsul ölkələri
daxildir. 1960-cı ildə əhalisinin sayına görə, dünyanın 1/6-ni təşkil
edən ölkələrin gəlirləri digər 5/6-in ümumi gəlirlərindən 2.9 dəfə çox
idi. 1980-ci ildə bu fərq 3.15 dəfə, 2003-cü ildə 4.2 dəfəyə çatmışdır.
Əhalinin hər nəfərinə düşən milli gəlir isə inkişaf etmiş ölkələrdə aşa-
ğı gəlirli ölkələrə nisbətən 1970-ci ildə 24.67 dəfə, 1980-ci ildə 32.71
dəfə, 1990-cı ildə 54.89 dəfə, 2003-cü ildə 65 dəfə, 2010-cu ildə isə
73 dəfə çox olmuşdur. İqtisadi İnkişaf və Əməkdaşlıq Təşkilatı Ölkə-
ləri ilə inkişaf etməkdə olan ölkələr arasında bu fərq 2010-cu ildə 56
dəfə təşkil etmişdir. Avropa və Şimali Amerika ölkələrinin yüksək in-
kişaf etməsinin əsas səbəbi sərbəst bazar iqtisadiyyatının formalaşma-
sı, innovasiyanın istehsalata tətbiqinin sürətlənməsi, demokratik insti-
tutların formalaşması və s.-dir. Yaponiya və «Asiya pələngləri» ölk-
ələrinin iqtisadi inkişafında əsas rolu texniki yenilik, insan kapitalının
inkişafı, menecmentin yüksək səviyyəsi, yuxarı keyfiyyətli və ucuz
mallar istehsal edilməsidir.
Dünya ölkələrində insan kapitalına tələbat getdikcə artır: dünyada
ixtisaslı və yüksək intellektuallı işçi qüvvəsinə malik olan ölkələrdə
iqtisadi inkişaf daha dayanıqlı və sürətli olur. Ona görə də, dünyada
elm və təhsilə, ixtisaslı işçi qüvvəsinə çəkilən xərclər getdikcə artır.
Əsas fondlara qoyulan investisiyalara nisbətən insan kapitalına qoyu-
lan investisiyalar daha sürətlə artır. Məsələn, 90-cı illərdə İƏİT
AZƏRBAYCAN İQTİSADİYYATI: reallıqlar və perspektivlər
461
(OECD) ölkələrində əsas fondlara qoyulan investisiyalar orta hesabla
2.25% artsa da, insan kapitalına qoyulan investisiyalar 3.4% artmışdır.
Son 10 ildə dünya iqtisadiyyatına təsir edən amillərdən biri də
neftin qiymətinin ilbəil yüksəlməsidir. Hazırda neftin qiymətinin qalx-
ması dünya iqtisadiyyatında disbalansın yaranmasında əsas rol oyna-
yır və bu problemin yaxın gələcəkdə də həll edilməsi mümkün olma-
yacaq. Neft idxal edən ölkələrdə xarici ticarət balansı pisləşir, cari
əməliyyatlar hesabının defisiti artır, ümumi tələb aşağı düğür, korpo-
rasiyaların xərci artır, rentabellik azalır. Neft ixrac edən ölkələrdə isə
əksinə, xarici ticarət balansının profisiti artır və real valyuta məzən-
nəsi bahalaşmağa başlayır. Statistik məlumatlara görə, 2005-ci ildə
neft ixrac edən ölkələrin (OPEK) gəlirləri 500 mlrd. dollara çatıb ki,
bu da 2003-cü ildəkindən 2 dəfə çoxdur. Neftin qiymətinin artması
bütünlükdə dünyada ümumi tələbi aşağı salır və iqtisadi artımı zəif-
lədir. Bu proses həmçinin maliyyə bazarlarına da ciddi təsir göstərərək
qiymətli kağızlar və obliqasiyaların ucuzlaşmasına səbəb olur. Dünya
ölkələrində isə neft istehlakı ilbəil artır. 2010-cu ildə dünyada günlük
neft istehlakı 87.38 mln. barel olub. Bu göstərici 2000-ci illə müqayi-
sədə 14% artıb. Neft istehsalında isə risklər hələ də qalmaqdadır: Ərəb
ölkələrində qeyri-sabitlik, İraqda münaqişə və İranda beynəlxalq nüvə
problemi. Ümumiyyətlə, neft istehsalına çəkilən xərclər də artmağa
başlayıb. Əvvəla, iri neft yataqlarının tapılması çətinləşib. Buna görə
də neft hasilatı daha çox böyük xərclər və risklər olan rayonlarda hə-
yata keçirilməyə başlanılıb. 1980 və 1990-cı illərdən sonra neftin qiy-
mətinin aşağı olmasının nəticəsi kimi hazırda bu sahədə ixtisaslı kadr
və neftçi-mühəndislərin çatışmazlığı hiss olunur. Həmçinin neft ixrac
edən ölkələrdə xarici şirkətlərə qoyulan əlavə vergi və royalti, onla-
rının fəaliyyətinin lisenziyalaşdırılması neft hasilatına çəkilən xərclə-
rin artmasında əsas rol oynayır.
Dünya bankı ekspertləri tərəfindən neft və dünya ərzaq qiymətləri
arasında tarixi asılılıq araşdırılmışdır. Məlum olmuşdur ki, neftin dün-
ya bazar qiymətinin hər 10%-lik artımı ərzaq qiymətlərinin 2-3% artı-
mına səbəb olur. Bütövlükdə bu əlaqə kənd təsərrüfatı məhsullarının
maya dəyərində sənaye məhsulları ilə müqayisədə xərc maddəsi kimi
neft və neft məhsullarının daha böyük paya malik olması ilə əlaqədar-
dır. Müqayisə üçün deyək ki, dünya üzrə sənaye məhsullarının maya
dəyərində neft və neft məhsullarının payı 2.5% olduğu halda, bu gös-
tərici kənd təsərrüfatında 11%-ə yaxındır. Belə bir əlaqənin müəyyən