Arif Şəkərəliyev, Qoşqar Şəkərəliyev
482
diyyatın
bütün sahələrində, o cümlədən mənzil-kommunal təsərrüfa-
tında yeni texnika və texnologiya cəlb etməklə enerjiyə qənaət edilmə-
sini əsas tutur. Bunun nəticəsidir ki, həmin ölkələrdə ÜDM-in 1% art-
ması, maksimum 0.4% enerji istehlakının artması ilə müşahidə edilir
və iqtisadi artım 60-65%-i enerji effektivliyi hesabına əldə olunur.
Enerji resursları ilə zəngin Azərbaycanın da enerji siyasətinin
əsas strateji məqsədi optimal təkrar istehsal prosesinin yaradılması,
enerji resurslarından rasional istifadə olunması və ətraf mühitin müha-
fizəsi, ölkənin enerji təhlükəsizliyinin təmin edilməsi və enerji ehtiyat-
larından gələcək nəsillərin həyat şəraitinin yaxşılaşdırılması üçün isti-
fadə edilməsidir.
Azərbaycanda enerji effektivliyi sahəsindəki hazırkı vəziyyət belə
qənaətə gəlməyə imkan verir ki, istehsal edilmiş ÜDM dünya ölkələri
ilə müqayisədə daha çox enerji tutumludur. Ona görə də Azərbaycan-
da iqtisadi təhlükəsizlik strategiyasının əsas məqsədlərindən biri enerji
resurslarından səmərəli istifadənin təmin edilməsidir. Son illər Azər-
baycan regionunun və Avropanın enerji təhlükəsizliyinin təminatında
əsas rola malik olan ölkəyə çevrilib və bu proses davam edərək möv-
qelərimiz ilbəil daha da möhkəmlənir. Təbii ehtiyatlar illər keçdikdən
sonra tükəndiyindən ən vacib məsələlərdən biri ölkə daxilində enerji
resurslarından istifadənin səmərəliliyinin artırılmasıdır. Digər tərəf-
dən, Azərbaycanda ÜDM-in ilbəil sürətlə artdığını nəzərə alsaq, onda
gələcəkdə məhsul və xidmətlər üçün daha çox enerji resursları lazım
olacaq.
2014-cü il sistemli böhranın davam etməsi ilə yanaşı,
geosiyasi
faktorların güclü təsiri ilə onların daşıyıcılarının qiymətlərində müşa-
hidə olunan azalma meyillərinin dünya ölkələrini enerji istehsalçısı
olub-olmamasından asılı olmayaraq artan dövlət borcu və iqtisadi tə-
nəzzüllə mübarizədə bu və ya digər səviyyədə fiskal islahatların ke-
çirilməsi zərurəti ilə qarşı-qarşıya qaldığı bir il olmuşdur.
Belə bir şəraitdə ölkəmizdə Ümumi Daxili Məhsulun (ÜDM) real
artım tempi 2,8 faiz təşkil etmiş, iqtisadi sistemin tarazlı inkişafına
nail olunmuş, 2014-cü ildə neft-qaz sektorunun ÜDM-də payının azal-
ma meyli təmin edilmişdir. Təbii resurslarla zəngin ölkə kimi bir sıra
makroiqtisadi göstəricilərin təhlili zamanı bu faktor mütləq nəzərə
alınmalıdır və təhlil neft gəlirləri nəzərə alınmadan iqtisadi göstəricilə-
rin müsbət dinamikaya malik olduğunu göstərir. Ötən il dövlət büdcə-
sinin qeyri-neft sahələrindən daxilolmalarının xüsusi çəkisi 1,6% bən-
AZƏRBAYCAN İQTİSADİYYATI: reallıqlar və perspektivlər
483
di yüksəlmiş, qeyr-neft ÜDM-ə nisbətən 17,4 faiz təşkil etmişdir. Bu
müsbət dinamika neft gəlirlərinin müvafiq göstəricilərinin azalmasına
səbəb olmuşdur.
2011-2014-cü illərdə Ümumi Daxili Məhsul
2011
2012
2013
2014
Ümümi Daxili Məhsul –
cəmi (1+2+3), min.manat
52082,0 54743,7 58182,0 58977,8
Əvvəlki ilə nisbətən artım
tempi, %-lə
100,1 102,2 105,8 102,8
O cümlədən
1.Neft-qaz sektoru,
mln.manat
25829,9 24487,3 23778,1 21619,0
Əvvəlki ilə nisbətən artım
tempi, %-lə
90,7 95,0 101,0
97,1
ÜDM-də payı 49,6
44,7
40,9
36,7
2.Qeyri-neft sektoru,
min.manat
23196,1 26864,4 30525,9 33038,3
Əvvəlki ilə nisbətən artım
tempi, %-lə
109,4 109,7 110,0 107,0
ÜDM-də payı 44,5
49,0
52,5
56,0
3.Məhsula və idxala xalis
vergilər
3056,0 3392,0 3878,0 4320,5
ÜDM-də payı 5,9
6,3
6,6
7,3
2014-cü ildə dövlət büdcəsinin icrası ilə bağlı Azərbaycan Res-
publikası Hesablama Palatasının hazırladığı rəydə də qeyd olunduğu
Arif Şəkərəliyev, Qoşqar Şəkərəliyev
484
kimi, aparılan təhlillər əksər göstəricilər üzrə respublikamızın vergi
sisteminin kifayət qədər güclü və dayanıqlı olmasından xəbər verir.
Eyni zamanda təbii resursla zəngin və dinamik inkişaf edən bir ölkə
olaraq gələcək perspektivlərin və maliyyə imkanlarının sərhədlərinin
müəyyən edilməsi zamanı neft amilinin diqqətdə saxlanılması müm-
kün mənfi meyillərin qarşısının alınması və sabit inkişafın təmin edil-
məsi baxımından mühüm amildir.
Azərbaycanda da müasir texnika və texnologiya cəlb etməklə,
enerjidən səmərəli istifadə edilməsi metodlarının aşkar edilməsi üçün
tədqiqatların genişləndirilməsi ilə gələcəkdə enerji istehlakının azal-
dılmasına nail olmaq mümkündür. İqtisadi strategiyanın əsas məqsədi
hasilat sənayesinin xüsusi çəkisinin azaldılması ilə iqtisadiyyatda
struktur dəyişikliklərinin həyata keçirilməsi olmalıdır. Enerji resursla-
rından qeyri-səmərəli istifadə nəticəsində təbii sərvətlərin itkilərinin
uçotu aparılmalıdır və bu məlumatlara əsasən iqtisadi siyasət forma-
laşdırılaraq, itkilərin azaldılması üçün hər il hədəflər müəyyən edilmə-
lidir. Həmçinin sənayedə enerji effektivliyini artırmaq üçün dövlət
proqramı hazırlanmalıdır. Ümumi enerji istehlakında sənayenin xüsusi
çəkisinin azaldılması və istehsal edilmiş malların beynəlxalq rəqabət-
qabiliyyətlilyinin artırılması üçün sənaye sahələrində enerjidən səmə-
rəli istifadə edilməsini təmin edəcək bu proqram iqtisadiyyatın bütün
sahələrində mövcud olan strategiya ilə uyğunlaşdırılmalıdır. İstehsalı
daha çox enerjitutumlu olan sənaye müəssisələrinin siyahısı tərtib olu-
naraq bu müəssisələrin sayının azaldılmasına yönələcək tədbirlər hə-
yata keçirilməlidir.
Dünya ölkələrinin təcrübəsi göstərir ki, ÜTT-yə üzvlüklə bağlı
danışıqların nəticələri yalnız cari müqayisəli üstünlüyə malik olan
istehsal sahələrinin deyil, həm də potensial müqayisəli inkişaf xüsu-
siyyətlərinə malik olan istehsal sahələrinin maraqlarının nəzərə alın-
ması təmin edildikdə daha uğurlu sayıla bilər. Əvvəllər qeyd edildiyi
kimi, Azərbaycan iqtisadiyyatı bir sıra məhsulların istehsalı üzrə po-
tensial müqayisəli üstünlüyə malikdir. Bu, inkişaf prosesinin ilk dövr-
lərində həmin sahələrin xarici rəqabətdən qorunmasını və müvafiq
istehsal sahələrinin yaradılmasını tələb edir. Bu məsələyə yanaşmada
bir sıra ölkələrin təcrübəsi – xüsusən Finlandiya ən yaxşı nümunə ola
bilər. Burada, əsas istehsal müəssisələri ilə yanası, onların inkişafı
üçün zəruri olan yardımçı sahələrin olması klaster yanaşmanın üstün-
lüyünü göstərir.