58
Dərs 24 / Mövzu 22
:
GÖBƏLƏKLƏR ALƏMİ. PAPAQLI
GÖBƏLƏKLƏR
Mətnlə tanış olduqdan sonra
müəllim BİBÖ cədvəlindən istifadə edərkən göbələklər
haqqında şagirdlərin biliklərini üzə çıxarır. Şagirdləri fəallaşdırmaq üçün müxtəlif suallarla
müraciət edilə bilər. Məsələn:
Göbələklər hansı sistematik kateqoriyada birləşir?
Niyə göbələkləri ayrı aləmə ayırırlar?
Göbələkləri hansı elm sahəsi öyrənir?
Göbələklərin digər canlılarla oxşarlığı və fərqi nədədir?
Hansı göbələkləri saprofit (parazit) adlandırırlar?
Göbələklər necə çoxalır? Və s.
Sonra şagirdlər göbələklər haqqında dərslikdəki ilkin məlumatla tanış olurlar. Əldə
edilmiş biliklər növbəti mərhələyə keçidi təmin edir.
Praktik işi şagirdlər hər hansı təzə göbələk (məs., şampinyon) üzərində aparırlar.
Alınan nəticələr bütün şagirdlərlə
müzakirə olunur, fikir mübadiləsi gedir, əlavələr və
düzəlişlər edilir.
Paraqrafın nəzəri materialı ilə tanışlıq “İnsert” üsulu ilə aparıla bilər. Mətni şagirdlər
müstəqil, yaxud cütlər formasında oxuyub onun kənarında yerləşdirilmiş ağ kağız zolağında
müvafiq işarələr yazırlar
(“
” – bu məlumat mənə tanış idi, “–“ bu məlumat mənim
əvvəllər bildiyimi inkar edir, “+” bu məlumat mənim üçün yenidir, “?” bu məsələyə dair
əlavə məlumat almaq istərdim).
Bundan sonra məlumatın müzakirəsi təşkil olunur. Müzakirə aşağıdakı suallara əsaslana
bilər:
Borucuqlu və lövhəcikli (yeməli və zəhərli) göbələklərin oxşarlığı və fərqi nədədir?
Göbələklər necə qidalanır (çoxalır)?
Göbələyin meyvə cismi nədən ibarətdir?
Papaqlı göbələk hansı quruluşa malikdir?
BİBÖ cədvəlinə əlavələr edilir.
Alt
STANDARTLAR
1.1.2. Canlıların müxtəlifliyi haqqında mülahizələrini şərh edir.
2.1.1. Müxtəlif canlılarda gedən həyati prosesləri fərqləndirir.
Təlim
NƏTİCƏLƏRİ
Göbələklərin quruluşu və müxtəlifliyi haqqında mülahizələrini
şərh edir.
Göbələklərin qidalanma, çoxalma proseslərini digər canlılarda
gedən uyğun proseslərdən fərqləndirir.
59
Mövzuya aid tövsiyələrin sonunda verilmiş saytlarda rus dilində müvafiq elektron
materiallar yerləşdirilmişdir.
“Öyrəndiklərinizi tətbiq edin” bölümündə təqdim olunmuş tapşırıqda
öyrənilmiş
məlumatdan istifadə edərkən şagirdlər düzgün variantı seçirlər.
“Öyrəndiklərinizi yoxlayın” bölümündə şagirdlər göbələklərin adları və daxil olduqları
qrurlarla əlaqələndirirlər. İkinci tapşırıqda şagirdlər yaşadıqları ərazidə rast gəlinən yeməli
göbələklərin şəkillərini çəkməli, adlarını yazmalıdırlar. Şəhərlərdə yerləşən məktəblərin
şagirdləri üçün müəllim tapşırığı dəyişə bilər. Məsələn, “Yeməli (zəhərli) göbələklər
haqqında qısa təqdimat hazırlayın”.
Qiymətləndirmə meyarları: şərhetmə, fərqləndirmə
Elektron resurslar:
http://biology-online.ru/uroki/media/griby-5-6klass/gryby_stroenie.SWF
http://video.yandex.ru/users/4611686020518745906/view/48524357/
Dərs 25 / Mövzu 23
:
GÖBƏLƏKLƏRİN MÜXTƏLİFLİYİ
I səviyyə II
səviyyə III
səviyyə IV
səviyyə
Göbələklərin quru-
luşu
və müxtəlifliyi
haqqında mülahizə-
lərini qeyri-dəqiq
şərh edir.
Göbələklərin
quruluşu və müx-
təlifliyi haqqında
mülahizələrini
çətinliklə şərh edir.
Göbələklərin
quruluşu və
müxtəlifliyi haqqında
mülahizələrini şərh
edərkən kiçik qeyri-
dəqiqliyə yol verir.
Göbələklərin
quruluşu və
müxtəlifliyi haqqında
mülahizələrini geniş
şərh edir.
Göbələklərin
qidalanma, çoxalma
proseslərini yalnız
müəllimin
köməyi ilə
fərqləndirir.
Göbələklərin
qidalanma, çoxalma
proseslərini
çətinliklə
fərqləndirir.
Göbələklərin
qidalanma, çoxalma
proseslərini, əsasən,
düzgün fərqləndirir.
Göbələklərin
qidalanma, çoxalma
proseslərini düzgün
fərqləndirir.
Alt
STANDARTLAR
1.1.2. Canlılar haqqında mülahizələrini şərh edir.
1.1.3. Canlıların quruluşunun öyrənilməsində laboratoriya ava-
danlıqlarından istifadə qaydalarına əməl edir.
Təlim
NƏTİCƏLƏRİ
Kif, maya və parazit göbələklərinin müxtəlifliyi haqqında
mülahizələrini şərh edir.
Kif göbələklərinin quruluşunun öyrənilməsində laboratoriya
avadanlıqlarından istifadə qaydalarına əməl edir.
60
Müəllim mövzuya başlamaq üçün şagirdlərlə birlikdə dərslikdəki mətni müzakirə
edə, bunun üçün istiqamətverici suallar verə bilər:
Göbələklər necə qidalanır?
Niyə göbələklərdə fotosintez prosesi mümkün deyil?
Saprofit nə deməkdir?
Göbələklər necə çoxalır?
Sporlar harada əmələ gəlir? Və s.
Bu müzakirələr növbəti mərhələyə keçməyə yardım edir.
Laboratoriya işi kifli çörək parçası üzərində aparılır. İşə hazırlığı müəllim aparır. Bu-
nun üçün 3-4 gün əvvəlcədən nəm çörək parçası isti (20-25
0
C) və qapalı (məs.,
polietilen pa-
ketdə) yerdə saxlanılır. Mikroskop altında sporlara baxmaq üçün isə kif göbələyi bir həftə ye-
tişməlidir. Mitseliyə 60, sporangilərə isə 300 dəfə böyütmə dərəcəsində baxmaq olar.
Alınan
nəticələr bütün şagirdlərlə suallar əsasında müzakirə olunur, fikir mübadiləsi gedir, əlavələr və
düzəlişlər edilir. Məsələn: “Mukor göbələyinin mitselisi nə rəngdədir?”, “Niyə bu göbələk
ərzaq məhsullarının üzərində əmələ gəlir?”, “Mukorun çoxalması necə baş verir?” və s.
Tapşırıq nəticələrinin müzakirəsindən sonra əyani vəsaitlərə (şəkil, elektron
təqdimatlar, yaxud videomateriallara) istinad edərkən nəzəri materialı izah etmək olar.
Paraqrafın nəzəri materialı ilə tanışlıq bir neçə üsulla aparıla bilər:
А) “Fasiləli oxu”. Mətn abzaslarla oxunur və hər birinin məzmunu müzakirə olunur.
Fasilələr zamanı müəllim şagirdlərə qabaqcadan hazırlanmış müxtəlif suallar verir.
B) Mətnlə tanışlıq kiçik
qruplarda, cütlərdə, yaxud müstəqil də aparıla bilər. Hər qrupa
abzaslara bölünmüş mətn verilir (mətn, şəkillər müəllim tərəfindən də hazırlana bilər).
Materialı öyrəndikcə “Öyrəndiklərinizi tətbiq edin” bölməsində verilmiş cədvəl tədricən
doldurulur.
Mövzuya aid tövsiyələrin sonundakı saytlarda rus və ingilis dilində müvafiq materiallar
yerləşdirilmişdir.
Penisillin preparatının kəşfi ingilis bakterioloqu Aleksandr Fleminqlə bağlıdır. O, 1928-
ci ildə xəstəliktörədici bakteriyaların tədqiqi zamanı üzərinə kif düşən bakteriyaların məhv
olduğuna fikir verdi. Penicillium notatum adlanan kif göbələklərindən sonralar penisillin
adlanan dərman aldı. Lakin bu dərman bir neçə gündən sonra öz antibakterial qüvvəsini
itirirdi. Yalnız 1940-cı ildə infeksion xəstəliklərə qarşı ilk güclü antibiotik alındı. 1945-ci ildə
bu mövzu üzrə çalışan üç alim tibb sahəsində Nobel mükafatına layiq görüldü.
“Öyrəndiklərinizi tətbiq edin” bölümündə təqdim olunmuş dərs ərzində tamamlanmış
cədvəl müzakirə olunur, məlumat ümumiləşdirilir.
“Öyrəndiklərinizi yoxlayın” bölümündə düzgün cavabları qeyd edən şagirdlər göbələklərin
səciyyəvi xüsusiyyətləri və çoxalması haqqında bilikləri ümumiləşdirirlər. İkinci tapşırıqda
əlavə mənbələrdən istifadə edərkən şagirdlər müxtəlif göbələklərin istifadəsi barədə təqdimat
hazırlayırlar. Tapşırıqlar dərsdə mənimsənilən biliklərin ümumiləşdirilməsi və dərsin
məqsədində qeyd olunmuş bacarıqların formalaşmasına imkan yaradır.
Qiymətləndirmə meyarları: şərhetmə, əməletmə
I səviyyə II
səviyyə III
səviyyə IV
səviyyə
Kif, maya və parazit
göbələklərinin müx-
təlifliyi haqqında
mülahizələrini yalnız
müəllimin
köməyi
ilə şərh edir.
Kif, maya və parazit
göbələklərini səhv
salır və şərh edərkən
bəzi səhvlər buraxır.
Kif, maya və parazit
göbələklərinin
müxtəlifliyi
haqqında
mülahizələrini kiçik
səhvlərlə şərh edir.
Kif, maya və parazit
göbələklərinin müx-
təlifliyi haqqında
mülahizələrini
əsaslandırılmış
şəkildə şərh edir.