150
Daha durmaq olmaz, gedirəm ata,
Nə üçün əyilirsən bu qədər məni.
Budu iltimasım ver duan gedəm,
İzin ver, yola sal, ya pədər
1
məni.
Can dayanmaz, görsən ceyran çağında,
Qırx incə bel qız var solu-sağında.
Şeyda bülbül təki kəndi bağında,
Ağlar, arar, gəzər nazlı yar məni.
Səliməm istəməm ayrılam səndən,
Yarın eşq atəşi can üzər təndən.
Sevda kəməndini sarmış hər yandan,
Bağlamış çəkiyor Gülbahar məni.
Səlim sazla dediyi kimi sözlə də atasına dedi:
- Ata, mən getməliyəm, artıq qala bilmərəm.
Atası izin verdi. Səlim bəy anasına dedi:
- Ana, mənə ki, getmək var,durmaq haramdı. Mənim azıx-
tozuğumu, yol çörəyimi gör, mən gedər oldum.
Səlimin anası ağlaya-ağlaya Səlimin yol tədarükünü gördü.
Səlim azıx-tozuğunu götürdü ki,gedə,anası ağlamağa başladı.
Səlim anasının ağlamağını görən kimi sazını götürdü sinəsinə,
düşdü eşqin binəsinə. Aldı görək nə dedi:
Anam, mənə dua söylə,
Hindistana gedər oldum.
Getməyə tədarük eylə,
Hindistana gedər oldum.
Bayramda gördüm o yarı,
Tərk elədim mülkü-varı.
Görmək üçün Gülbaharı,
Hindistana gedər oldum.
1
pədər – ata
151
Səlim bəyəm, dərdim çoxdu,
Sevda ürəyimizdə oxdu.
Gedəcəyəm, çarə yoxdu,
Hindistana gedər oldum.
Anası gördü ki, Səlimin ətəyindən daşı tökmək mümkün
deyil, çox müşküldü. Odu ki, anası da izin verdi, xeyir-dua elə-
yib yola saldı. Səlim anasından da izin alandan sonra Rasim bə-
yin yanına gəldi. Onun ürəyini yoxlamaq üçün aldı görək nə
dedi, Rasim ona nə cavab verdi.
Aldı Səlim bəy:
Qürbət eldə qərib igid,
Köməyi yaradan ola.
Düşmənləri qarşısında,
Yoldaşı qəhrəman ola.
Səlim bəy bu sözləri deyən kimi Rasim aldı görək Səlimə
nə cavab verdi.
Aldı Rasim bəy:
Sayma məni qorxaq cocuq,
Ayrılmam səndən, Səlim bəy.
Namərd qoyar yoldaşını,
Ayrılmam səndən, Səlim bəy.
Aldı Səlim bəy:
Yoldaşdı –yoldaşın dalı
1
,
Geymişəm aslan misalı.
Qılınc çala dəli-dolu,
Davada davranan ola.
Aldı Rasim bəy:
Aslan təki daldan gəlləm,
Kürz atıb düşmənə dallam.
1
dalı – arxası, köməyi, söykəyi
152
Qorxma Səlim qadan allam,
Ayrılmam səndən, Səlim bəy.
Aldı Səlim bəy:
Bu dünyanın fənəsinə,
Qarşı dura davasına.
Qürbət elin cəfasına,
Səlim tək dayanan ola.
Aldı Rasim bəy:
Rasimə haramdı cahan,
Səndən ayrı saxlasa can.
Bəy əmimin bir oğlusan
Ayrılmam səndən, Səlim bəy.
Səlimnən Rasim deyişdikdən sonra yaraqlanıb – yasaqlanıb,
atlanıb düşdülər Hindistan yoluna. Az getdilər, çox dayandılar,
çox getdilər, az dayandılar. Gecə-gündüz yol getdilər, dağlar aş-
dılar, dərələr keçdilər. Nəhayət bir uca dağa çatdılar. O uca
dağda bir kürd çobana rast gəldilər. Çobanın adı Başqıran Dəli
Həso idi. Başqıran Dəli Həso onların qabağını kəsdi. Rasim
istədi dava eliyə, Səlim bəy qoymadı dedi:
-Sən hələ dur, mən üç bənd söz deyim, əgər, o sözdən
qanmasa onda sən bilərsən, qılıc bilər.
Aldı görək Səlim bəy Başqıran Dəli Həsoya nə dedi,o nə eşitdi
Ey Başqıran Dəli Həso,
Bizə gəstər Hind yolunu.
Qəribik, bir yaxşılıq et,
Bizə göstər Hind yolunu.
Bu dağların sərdarısan,
İgidlər bərabərisən.
Qəriblər havadarısan,
Bizə göstər Hind yolunu.
153
Səlim bəyəm bu yerlərdə,
Çaşdım qaldım bu yerlərdə.
Yar hərdən söylər dilində.
Bizə göstər Hind yolunu.
Səlim bəy bu sözünü tamam edəndən sonra Başqıran Dəli
Həso onları öz binəsinə apardı. Bir erkək kəsdi, yedilər-içdilər.
Sonra Dəli Həso dedi:
- Aşıqlar, mənim bir qızım var, ona tərif deyin.
Səlim bəy dedi:
- Ay Dəli Həso,aşıq gördüyünə tərif deyər, deynən qızın gəlsin
gözümüz önündən keçsin, boybuxununu görək sonra tərif deyək.
Başqıran Dəli Həso qızını-Fəti xanımı çağırıb dedi:
- Fəti xanım, gəl bu aşıqların gözünün qabağından keç, sənə
tərif desinlər.
Fəti xanım pərdənin arxasından çıxıb aşıqların gözünün
qabağında gəzindi.Aşıq Səlim sazı götürüb görək Fəti xanımı
necə tərif elədi:
Tərifini eşit, davul başlı nazəni,
O, sac qulaqlarını tərif eləyim.
Annı sivri, qaşı bəd rəngli nazəni,
O, çil yanaqlarını tərif eləyim.
Çuxur gözlü, burnu toxumluq xiyar,
Əyri çənələri tərifə uyar?
Hər bir dişi vardır bir qazma qədər,
Kərpic dodaqları tərif eyləyim.
Qısa boylu,yansızdır o dalın,
Bir örkən dolanmaz o incə belin.
Tuluq məməlisən,yarmaca qolun,
Kobud barmaqlarını tərif eləyim.
Eşit tərifini Səlim aşığın,
Qol, ayaq, bel, bir-birnə uyğun.
Dostları ilə paylaş: |