262
– Oğul, Koroğlu onun gecə özü dərsini mana keçif, sən
işində ol.
Bəli, Eyvaz Ağ qayada bunnarın arxasınca çatdı. Gəlhagəl,
bir böyük dağın ətəyinə çatdılar. Dörd nəfər atdı çatdılar bir
dağın ətəyinə. Gördülər bir cavan oğlandı, bir sürü qoyundu.
Qayda tütəkdə, çalır, öz-özünə həzz alır. Koroğlu yaxınnaşdı:
– Salam-əleyküm.
– Əleyküm-salam.
– Bərəkətdi olsun.
– Sağ ol, qardaş. Əgər ajdığınız varsa, tüşə bilərsiniz.
– Yox, oğul, sənnən bir şey soruşajıyıx. Bu dağın ətəyində
nələr görörsən? Nələr olor?
– Heç nə. Nə olajax? Bax o meşəlih tərəfi görörsənmi?
– Bəli.
– Oruya gedə bilmerik.
– Niyə?
– Yazdan bəri burda bir əjdaha peyda oluf. Gedən kimi bizi
qoyluyur. Ancax hərdən o tərəfdən bir adam gəler. Bir livada
gəler, gündə bizdən çörək isteer. Geder binələrdən çörək aler
gəler, varıf geder. Ancax heç kim ona yaxın tüşə bilmer. Bil-
merik nə sirridi?
Koroğlu dedi:
– Hə, oğul, indi biz həmən yerə gedəjiyik.
– Bəy, oruya getmiyəjəksiniz, orda yaman əjdaha var, neçə
dəfə dediyim kimi bizdəri, oruya gedənnəri qoyluyuf.
– Qorxma, oğul, Allah kərimdi, - deyib Qıratı tərpətdi.
Koroğlu getməhdə olsun, sizə deyim kimnən, Pərzad
xanımnan. Pərzad xanım gündə bir dona girif, bir livaya girif,
çobannan-çocuxnan, gələnnən-gedənnən çörək almaxnan yaşı-
yırdı. Dağların moruğunnan, gözəl-gözəl meyvalarıynan qidala-
nırdı. Bir də gördü kü, dörd atdı gəler. Bir qayanın üstünə çıxıf,
hər yer görünör qayanın üstünnən, qayanın üstündə aslan
libasına girib orda oturmağa başdadı. Koroğlu lap yaxınlaşdı:
263
– Ay uşaxlar, o aslanı görörsünüzmü?
Dedilər:
– Bəli.
– Heç bizdən çəkinmer. Heyvan ola, insannan qorxmuya.
Nə vargəl eliyer, nə tərpəner, eləcə oturuf bizə tamaşa eliyer.
Vallahi, burda bir sirr var.
Görək burda Koroğlu götürüf nə deejəh, biz diyəh, siz şad
olun, inşallah. Bəlli Əhməd, Eyvaz xan Koroğluya baxer.
Koroğlu görək bu yerdə nə dedi:
Uca dağların başında,
Mən bir aslana uğradım.
Yedim-işdim döyran sürdüm,
Bağa-bostana uğradım.
Dəlilər dedi:
– Bu nə bağ-bostan deer?
Bu vaxtı Pərzad xanım sehr oxuyuf üfürdü. Koroğlunun
dörd yanını elə bir bağ-bostan elədi ki, yemiş, qarpız, gəl ki
görəsən. Eyvaz xan istədi atdan sıçrasın, Koroğlu əlinnən vurdu
ki, yavaş. Bir az dirənmişdilər. Həmən aslan dönüf nə olsa, bir
gözəl telli xanım oluf, bulara boylaner. Aldı Koroğlu:
Bəridən gəl gözəl, bərdən,
Ürəymin yağın əridən,
Silkindi çıxdı dəridən,
Məməli aslana uğradım.
Əlbəttə, bu söz Pərzad xanımın xoşuna gəlmədi:
– Ay kişi, nəydi belə beyqafıldan sözünü çaşdırdın? Qadın
əhlinin üzünə adam elə söz deyərmi?
Koroğlu dedi:
– Xanım, əlhəmdulillah, müsəlmanıx, türkük, sən özünə bir
fikir ver, gör nə libasdasan.
Pərzad xanım əyilif baxanda gördü baa, yaxalar açılıf, bos-
tan yemişi kimi, məmələr ikisi də eşiyə çıxıf. Məmələr görünör.
Tez özünü yığışdırıf paltarını üstünə çəkən vaxtı Koroğlu görək
264
götürdü sözünü nejə davam elədi, biz diyək, siz şad olun,
inşallah.
Koroğlunun var bir adı,
Hey gəlir dadı-fəryadı.
Görməmişəm belə cadı,
Firəngistana uğradım.
Koroğlu gördü kü, Pərzad xanım libasını dəyişdi, ancax
anardan bəri bunnara yaxın gəldi. Qız dedi:
– Qəhrəman, sənin fikrin dağlara-daşdara.
Koroğlu dedi:
– Xeyr, gözəl. Mənim fikrim niyə dağlara-daşdara olur?
Mən axı insannan danışeram.
– İnsannan belə danışmax olarmı? Danışırsan gözəl danış.
– Qulaq as, gör nejə danışajam, inşallah.
Bəli, Koroğlu xanımın gözəlliyinə mat qalıf. Doğrudan da
gözəldi. Amma Pərzad xanım da gördü kü, qarşısındakı bir az
yaştıraxdı. Bığlar qatdanıf bir yannan, boynunun arxasına ötürülüf.
Ancax o birisilərə baxanda Eyvazı görüf dedi, İlahi, gör nə gözəl
dünyada varrıx yaradıfsan, nə gözəl insannar yaradıfsan. Hancarı
olmasa insandı. İnsan iddiyyəti var. Koroğlu düşündü kü, gəl buna
“İbrahimi” qaydasınnan yumşax-yumşax de, gör nə başa tüşür:
Uca dağların başında,
Ləbli-ləbli qar görünör.
Mənim bu xəcil könlümə,
Alagözlü yar görünör.
Pərzad xanım dedi:
– Oğlan, bəyax mən sənə nə dedim? Sözün əvvəlini, axırını
bil. Bu dağın kəlləsində sənin könlün nə yar istiyir? O ki yar
xəyalına tüşüfsən, onda gərək sən bu yerdən salamat qayıtmıyasan.
Ağlını başına topla. Gör bir mən nə deyirəm, sən nə eşidersən.
Aldı Pərzad xanım siyah tellərinnən üç dənə tel ayırıf, iki
nar məməsinin arasınnan ötürüf, əyilif bir qızılgül yarpağı qırdı,
tazanə əvəzinə, götürör görəh Koroğluya nə cavab verer:
265
Bağlar içində pencərəm,
Bu bağımda bar görünör.
İndi mən səni sancaram,
Ətrafın şahmar görünör.
Doğrudan da bir sehr oxuyur, elə bileynən dörd yanına, Allah
göstərməsin, göydən ilan yağef. Şahmarrar qalxıf ayağının üstündə
ağızdarını açıf. Koroğlu mat-məəttəl qaldı. Gözdərini sildi:
– Ayə, mənim gözümmü alacalaner?
Eyvaznan Bəlli Əhməd də titrəşellər. Andırın zəhmi yaman
ağırdı.
Koroğlu dedi:
– Xanım, bir qulaq as. Qulaq as gör məni nəynən qorxutdun.
Bilmədim yarın fəndini,
Əmeydim ləbin qəndini.
Açeydim köksün bəndini,
Ağ sinəndə nar görünör.
Pərzad xanım ulduza çıxmadımı
1
?!
– Ayə, yekə kişisən, adamsan, insan oğlusan, gənə də ağlına
gələni danışersan. Ay zalım oğlu, deyən heç sənin qulağını
buran olmuyuf. Nə danışersan? Nar nədi? Zad nədi? Qulaq as
gör mən sana nə deyirəm, bil.
Zənbur çəkər bal olanda,
Halın yaman hal olanda.
Dayan, dilin lal olanda
Gözlərində tor görünər.
Koroğlu dəlilərin üzünə baxıf gördü kü, ayə, böyürlərinnən
bir yer əmələ gəlif. Dərin dərədi, dəliləri sıxer. Hər tərəfdən
şahmar başdarı. Uşaxların irəngi, Allah göstərməsin, dümağ
ağarıf. Ayə, bu zalım qızının cadısu nətəhər cadıdu?! Gəl buna
deynən ki, yekə kişi qızısan, belə işdərdən əl çək, adam ol,
adamlara qarış. Məcbur eləmə ki, əlimi qılınca aparem, səni par-
1
Ulduza çıxmax – yəni çox hirsləndi.
Dostları ilə paylaş: |