258
Ağcaquzu Koroğlunun arxasınca Çənlibelə sarı qalxdılar.
Çənlibelə çatan kimi Niyar xanım həməşəki kimi Koroğlunun
qarşısına çıxdı. Baxdı gördü Koroğlu özünnən bir oğlan gətirer.
İlahi, bu cüssədə, bu gözəllihdə iyid bəlkə də heç Çənlibeldə
yoxdu. Elə bil qüdrət qələminnən yaranıf, zalım oğlu dəvənin
üstündə ağayana əyləşif, gözdər qayır-qayır qaynıyır. Niyar
xanım Koroğluya baxıf dedi:
– Koroğlu, bu kimdi?
Koroğlu dedi:
– Sənin əmin oğludu. Hasan paşanın oğludu.
Niyar xanım dedi:
– Elə şey olmaz.
Koroğlu dedi:
– Özüdü kü var. İndi tafşır, tamam otaxlar bəzənsin, dəlilər
hamısı cəm olsun.
Dəlilər hamısı cəm oldular, yığıldılar. Ağcaquzu gördü kü,
bu doğrudan da Koroğludu. Dəvədən endi, dedi:
– A Koroğlu, bu yeddi dəvə yükü, var-döylət sənindi.
Ancax mənim sənnən bir vacib işim var. Onun üçün gəlmişəm.
– Oğul, noolar, gəlifsən, Allah qonağısan. O ki bir-birimizi
başa düşdük, inşallah hər iş düzələr.
Bəli, Koroğlu bu sözü deyif qurtarannan sora əmr verdi:
– Eyvaz xan, bu gecə bir məclis keçməlidi, heç Hasan
paşanın öyündə də elə məclis olmasın. Ancax bu uşağı sınamax
lazımdı, görək doğrudanmı Hasan paşanın oğludu? Fikri nədi?
Bu bizi ələ almağa gəlif, satmağa gəlif, nədi? Koroğlu hələ heç
nə bilmer.
Aşıx Cünun meydana çıxdı. Dədə Yadigardan, Dədə Hey-
dardan, Dədəm Qorquddan, Yunis İmrədən gözəl-gözəl sözdər
oxudu, məclisi şaddandırdı. Yedilər, işdilər, savağa qədər kef
çəhdilər. Ağcaquzu da yuxuya getdi, Koroğlu da yuxuya getdi.
259
Savaxlarınız xeyirrığa açılsın. Savax açıldı, Koroğlu Ağca-
quzuyu yanına alıf Ağ qayaya doğru gəzişməyə çıxıdılar. İkiciyi
söhbət eliyə-eliyə gedən vaxtı Koroğlu dedi:
– Oğul, düzünü de, mənim yanıma nəyə gəlifsən?
Ağcaquzu köksünü ötürüf Pərzad xanım bunu necə alladıf
məktəvə aparıf, mollaya aparıf, sehr öyrədif, iyiddihdən aralıyıf,
özü də sonra aslan donuna girif, aslannara, canavarlara qoşuluf,
hamısını dedi.
– Ay Koroğlu, yuxumda kürəyimə bir əl dəydi. Bir nəfər
şəxs dedi ki sənin dərdini düzəltsə ağa Koroğlu düzəldəjək.
Yoxsa o geri qayıdan qız dəyil.
– Oğul, sözün doğrudumu?
– Bəli, and içerəm Allaha, sənin qılıncına, sənin qalxanına.
Xüləs, sənin varrığına and içerəm ki, elədi.
Bəli, Ağ qayanın həndəvərinnən qayıtdılar. Koroğlu göstə-
riş verdi, məclis qurulsun, meydan sulansın. Sulandı meydan.
Aşıx Cünun, meydana gəl, bir neçə sözdər oxu. Ancax Koroğ-
luyu fikir aparıf: “İlahi, mən nəynən Pərzad xanımın cadusunu
qıra billəm? Qılınc kar eliyən döy, qoşun kar eliyən döy. Mən
neynəməliyəm? Pənahım göydə Allahda, yerdə də özümdədi.
Neyniyim? Mənə ilahi qüvvə verən şəxs, bir yol göstərər.
Onatan Aşıx Cünun meydana çıxdı, başdadı bir “Dubeyt”
çalıb-oxumağa.
Gəl, səninnən həmdəm olax,
Oxu, mənim telli sazım.
Həm qaynıyax, həm dəm olax,
Oxu, mənim telli sazım.
Koroğlu baxdı gördü heş dərdinə çara tapa bilmer ki, bil-
mer. Aldı görək Aşıx Cünun:
Hamıdan yüksəkdə duran,
Şadyanalı məclis quran,
Sehr pozan, cadu qıran,
Oxu, mənim telli sazım.
260
Koroğlu “sehr pozan, cadu qıran” sözünü eşidən kimi elə
sıçradı yerinnən, düz məclisin ortasına tüşdü.
– Aşıx Cünun, mənim sazımı simlə, pərdələ, tez ol.
– Ayə, mənnən nədi, deyişəcəsənmi, ay rəhmətdiyin oğlu?
– Yox-yox, sözünü qutar, sazı düzəlt.
Sən Cünunun dövlət-varı,
Könüllərin növbaharı.
Dədəm Qorqud yadigarı,
Oxu, mənim telli sazım.
Bəli, söz tamam olan kimi Koroğlu özünnən çıxdı:
– Aşıx Cünun, mənim sazımı simlədin, pərdələdinmi?
– Bəli, ağa.
– Niyar xanım, bir badə süziynən.
Niyar xanım başdadı badeyi süzən vaxtı, əlində belə tutanda
Koroğlu aldı görək “Şahsevəni” qaydasına nə deyir, biz diyək,
siz şad olun, inşallah.
Atdansın qoy qoçaxlarım,
Mənnən cannan keçən gəlsin.
Eyvaz xana canım qurvan,
Mərd əlinnən içən gəlsin.
Eyvaz xan bu badeyi Niyar xanımın əlinnən alıf:
– Ağa Koroğlu, mən sənin yolunda canımnan keçməyə
hazıram. Badə nədi.
– Oğul, bilerəm sən keçməyə hazırsan. Gör o birisilər nə
deyir.
Aldı sözün davamını, görək nejə dedi:
Libasın polad geyənnər,
Donnuğun mənnən yeyənnər.
Adına dəli deyənnər
Dostu-yarı seçən gəlsin.
Bəlli Əhməd, Halaypozan da Koroğluya yaxın gəldilər.
Koroğlu, üç badə olsoydu hərəmiz birini götürərdik.
261
– Oğul, oğul, götürənə halal olsun, götürmiyən özü bilər. Al
gör nə deyirəm.
Gəzək dağları, daşdarı,
Qırax tilsimli başdarı.
Koroğlunun qardaşdarı,
Yağı bağrın biçən gəlsin.
Xan Eyvaz, Bəlli Əhməd, Halaypozan, üçü də Koroğlunun
arxasında dayandılar.
– Koroğlu, 7777 dəlinin hamısı sənin yolunda hazırdı. Elə o
təzə gətirdiyin oğlan – Ağcaquzu da görörəm sana çox meyllidi.
Özü də görörsən maşallah, nə qüvvəli, cüssəli oğlandı.
Koroğlu dedi:
– Əzizdərim, əziz dəlilərim, mən istəsəm əmr verərəm,
bütün dəlilər arxamca gələr. Ancax bu döyüş döyü, bu tilsim
qırmaxdı. Buna da dörd nəfər kifayət eliyər.
– Dəlilərim, heç narahat olmoyun, inşallah tezlihnən gedif
qayıdarıx. Niyar xanım, Çənlibeli sana tapşıreram, Dəli Həsənə
tapşıreram. Ağcaquzuyu da sizə sərkərdə seçerəm.
Ağcaquzu xeyli genəldi:
– Bu nətər olan şeydi? Bu ya dəlidi, ya da çox bilən
adamdı. Beyqafıldan mana belə inam?!
Əlini döşünə qoyuf:
– Ağa Koroğlu, arxeyin ola bilərsən. Məni mətləbimə
çatdırsan, Allah da səni mətləbinə çatdırar, inşallah.
Atdandılar, Ağ qayıya çatmışdılar, Eyvaz getmer.
– Bala, Eyvaz, niyə helə elersən? Sənin atın həmişə irəli
gedərdi.
– Ağa, ixtiyar verərsən, Niyar xanıma bir söz deyif qayı-
daram.
– Oğul, get, get, sənin xətrinimi qırajam?
Eyvaz qayıdıf, Niyar xanımı çağırıf:
– Anacan, sana qurvan olum, bavam düz eləmədi, bu yad
adama etibar eləməh çətindi.
Dostları ilə paylaş: |