152
vermişlər ki, qubernat yatıb, heç kəsi qəbul etmir. Qapıçıların
sözləri Talış xanı odluyurdu.
Xan yəqin eləmişdi ki, qubernat
pristavın sözlərindən kədərlənib, qapını açdırmayıb. Bu
işlərdən şiddətli bir nəticə çıxacağı xana aşkar idi.
Arvad ərini bu halda görcək soruşdu.
– Niyə bikefsən, xan?
Xan arvadının boynunu qucaqlayıb ağladı.
– Ay arvad, qubernatın qəzəbi tutub, necə olacağıq? Bizi
sürdürsə, başımızın ağarmış vaxtı Sibirdə nə qayıracağıq?
Arvad işdən dürüst xəbərdar olduqda ərini qucaqlayıb
hönkürdü:
– Ay Talış, kaş ölə idim, bu günü görməyə idim!.. Xan
ağlaya-ağlaya:
– Arvad,
ay gözəl arvad, bircə asudəlikdə qədrini
bilmədim. Məni halal elə.
– Halalın olsun, yazıq kişi, mənə nə eləmisən ki, halal
eləyim?
Ər və arvad neçə dəqiqə otağın ortasında qalıb ağlaşdılar və
sonra arvad yanıqlı bir səslə:
– Talış, – dedi, – qoyarammı səni sürgünə gedəsən,
saçlarımı qubernatın ayağına döşərəm. Səndən vəfa görmüşəm,
ay kişi!
Bir dəqiqədə arvad nökər və qulluqçudan bir neçəsini
götürüb, əfv edilmək üçün qubernatın evinə rəvan oldu. Talış
xan da məhəllə ağsaqqallarının dalınca getdi ki, bunları da
qubernata minnətçi göndərsin. Məscidin yanından
keçdikdə
hələ xanın gözlərinin yaşı qurumamışdı. Biçarə tez-tez göyə
baxıb, allahdan qubernatın könlünə rəhm salmağı diləyirdi. Bir
də ... heyhat!.. Xanın qarşısında bir polis paltosu durmuşdu.
– Sənə fəda olum, – boğunuq və titrək bir səslə xan deyirdi:
mən otuz ildir padşahıma nökərçilik eləmişəm. Qars davasında
canla qulluq eləmişəm; velikiy knyazın özündən «barakallah»
almışam. Padşahın cəmi nökərlərinin nökəriyəm; dəftərxana
qulluqçularından tutmuş uryadnikədək hamısının quluyam,
153
hamısının itiyəm...
Polis paltosu guya xanın nitqinə etina etməyib, irəli
yeriyirdi. Xan dili tutula-tutula:
– Cəmi divan adamları mənim böyüyümdürlər;
hər nə
buyursalar başım üstə əmələ gətirərəm. Ağsaqqal vaxtımda
cəhənnəmə də göndərsələr, gedərəm...
Palto bir az da yavıqlaşdı.
Xan sözünü təsirsiz gördükdə dili qorxudan daha da tutuldu
və üzünü döndərib, qaçmağa üz qoydu. Xan qaçdıqca palto da
onun dalınca düşdü. Xan nə qədər bərk yüyürdü, palto da
onunla ayaqlaşdı. Axırda lap çatıb, üstünü kəsdirdi. Qılçaları
qurumuş xan başının üstə polis paltosunu hiss etdikdə zəhrəçak
olub, yerə yıxıldı və buradaca canını əzrailə tapşırdı.
Məscid mücaviri yüyürüb, xanın ölmək xəbərini arvadına
vermək istədikdə onu da orada bağrı çatlayıb vəfat etmiş gördü.
Qubernat xanımı qəbul etməyib: yatmış imiş.
1912
154
MƏRSİYƏXAN
Pəncərədən düşən işıqdan məsciddəkilərin başları
işıldayırdı.
Möminlər börklərini yerə qoyub, yaşlı gözlərini
mərsiyəxana dikmişdilər. Mərsiyəxan bir də bir neçə nərə
çəkib, tutqun səsi ilə çığırdı:
– Hələ çox ağlayacaqsan! Gərək gözləriyin təvşehi kəsilə!
Bu sözlərdən xalq kövrəlib, daha da ağladı, səs məscidin
tağlarına düşüb, dəqiqələrlə cingildədi. Sonra yavaş-yavaş
sakitlik düşdü. Möminlər dəsmallarını gözlərinin qabağından
götürüb qaldırdılar və turş sifətlərini yenə mərsiyəxana
çevirdilər. Mərsiyəxan əlini qurşağına uzadıb, cəld bir torba
çıxartdı. Məscid ərəsati-məhşərə döndü... Hamı ağlayır, hamı
başına
yumruq döşəyir, dizlərinə çırpır. Mərsiyəxan mənbərdə
ayaq üstdə durub, möminlərin başına saman yağdırırdı, zəngulə
ilə mərsiyə deyir, kiriz verirdi. Hönkürtüdən qulaq tutulurdu –
müsəlmanlar ağlamaqdan yarımcan olmuşdular, oruc da bir
tərəfdən ürəklərini üzmüşdü.
Bir də məscidi dərin bir sükut qapladı: mərsiyəxan qəşş
eləyib, mənbərdən aşağı diyirləndi...
Möminlər mərsiyəxanı çevrələmişdilər: hacılar
mübarək
barmaqları ilə onun yaxasını açıb, döşünə su səpirdilər,
mülkədarlar ayağını ovurdular; kərbəlayı və məşədilərə növbət
yox idi.
Axşam yavaş-yavaş düşürdü. İftar yaxınlaşırdı. Xalq
məsciddən çıxıb, evlərinə gedirdi. Hacılarsa mərsiyəxandan əl
çəkməyib, onu qonaq çağırırdılar. Dərd burasıdır ki,
mərsiyəxan kimə qonaq gedəcəyini kəsdirə bilmirdi. Hərə öz
tərəfinə çəkirdi – bu günün savabından məhrum olmağı heç kəs
istəmirdi, çünki mərsiyəxan bu gün olduqca sədaqətlə mərsiyə
demiş və sədaqət, səmimiyyətdən də qəşş edib, narahat
olmuşdu.
Müamiləçi Hacı Vəli əlini
sinəsinə qoyub, səmimi bir səslə:
–
Ağa iftara bizə təşrif buyuracaqsınız!
155
Ağa Əkbər etiraz edərək:
– Yox, vallahı, qoymayacağam ayrı yerə getsin!
–
Ağa çoxdan bizim çörəyimizi yeməyib.
Məşədi Qəzənfər:
– Bizim çörəyi heç yeməyib! – deyə istədi mərsiyəxanın
qolundan yapışsın, hacılar macal vermədi, bəlkə bir az da ona
acıqları tutdu: bura «məşədi girəsi kol deyil idi».
Çox söhbətdən sonra xoşbəxtlik Hacı İmamverdiyə üz
verdi. Yola düşüb getdilər.
Mərsiyəxan, neçə molla, ümdə müridlər, qapıçılar, fanus
götürənlər, ev sahibi Hacı İmamverdi və başqaları yerə salınmış
böyük süfrənin kənarında oturub, azanı gözləyirdilər. Hərənin
əlində bir xurma, yanında qəlyan, çubuq, ya papiros dinməz-
söyləməz gözlərini yerə dikmişdilər. Hövsələlərinin təng vaxtı
idi – aclıq
bir tərəfdən, tütün və tənbəki nəşəsi də başa
vurmuşdu. Möminlər tez-tez saata baxıb, ağızlarını
marçıldadırdılar.
Göyün qızartısı çəkilirdi. Müəzzinin nazik səsi eşidildi.
Haman kibritlər alovlandı – çubuqların, papirosların tüstüsü
qalxdı, qəlyan xoruldadı. Yavaş-yavaş gümüş qaşıqlar da
stəkanlara dəyib cingildədi.
Mərsiyəxan qəlyanı qurtarıb, çaya şüru etdi; hazirunun
gözü onda idi – nəyə meyli olduğunu bilmək istəyirdilər...
Duydular: neçə yerdən ona fətir təqdim olundu; ətrafına
qaymaq, bal, pəşmək, qorabiya,
paxlava və başqa şirnilər
düzüldü. Mübarək əllər fətiri kəsdi, pak dodaqlar aralanıb, onu
içəri ötürdü. Hil, mixək, zəfəran və sair ədviyyənin qoxusu
damağına çökdü. Mərsiyəxan ləzzətdən bihuş oldu.
Hacı İmamverdi nökəri çağırıb, əmr verdi :
– Niyə bişmiş gətirmirsən? Tez ol, ağanın iştahası qaçar!
Qapılar açıldı, behişt nemətləri içəri daşındı: ceyran kababı,
qırqovul çığırtması, qəlyə, bozbaş, işgənəkabab, qaysava, tərək;
alma, armud, üzüm, heyva, nar, əzgil...
Hacı İmamverdi doğadan bir boşqab töküb, mərsiyəxana