164
«DƏRS»
(Studentlər məişətindən)
Student Həmzə bəy güzgünün qarşısında durub, özünə
tumar verirdi: başını darayırdı, bığlarının uclarını maşa
qüvvəsi
ilə şişləyib, yuxarı qovzayırdı, kirpikləri qara idisə, şimalda
artıq xoşa gəldiyi üçün daha da sürmə ilə qaralayırdı... Həmzə
bəy zahirində bir qüsur qoymadı: üzünü kirşanladı, dodaqlarına
allıq sürtdü və ətirlənib otaqdan çıxdı. Yayın son ayı idi.
Peterburqun havası istiləşmişdi. Gün də hərdən buludların
arasında görsənirdi. Həmzə bəy tramvaya minib, Neva
cadəsində düşdü. Cadə həmişəkindən də artıq izdihamlı idi.
Lətif libaslarda xanımlar və qızlar deyib gülüşürdülər; tələbə və
talibələr ötüb keçirdilər; zabitlər təmkin və vüqarla qılınclarını
qaldırım ilə sürüyə-sürüyə gəzirdilər; tacirlər, məmurlar,
qəzetçilər və i.a... hər dəqiqə gözə sataşmaqda idilər. Səs-
küydən qulaq tutulurdu. Tramvay,
avtomobil, fayton, karet və
cürbəcür arabalardan küçədə tərpənməyə imkan yox idi...
Həmzə bəy ahəstə-ahəstə cadədə gəzirdi və qarşısına çıxan qız
və xanımları şəhvətəngiz bir surətdə nəzərdən keçirməmiş
olmurdu. Birinə göz edirdi, bəzisinə gülümsünürdü və kimisinə
də seçmə bir kompliment deyib, nəzərini özünə cəlb edirdi.
Həmzə bəyin bu hərəkəti adi bir iş idi. Neçə illər idi ki, ömrünü
bu minval ilə keçirirdi.
Və təngə gəlmək, usanmaq bilmirdi.
Çünki gündə bir təzə iş ittifaq düşürdü. Gündə bir vəqəyə rast
gəlib, sonra yoldaşlarını kamal-iftixar ilə bu «qəzavü qədərdən»
xəbərdar edirdi.
Qəhrəmanım cadədə gəzərkən bir də iri gövdəli bir cüt
səmənd at qaldırımın yanında durdu: faytondan uca boylu, nəfis
bir xanım düşüb, mağazaya girdi. Həmzə bəy duruxub, xanıma
dərin bir nəzərlə baxdı, gülümsündü. Xanım ona əsla etina
etmədi. İş bununla qurtarmadı. Biçarə student xanımın
çıxmağına müntəzir, mağazanın qabağında gəzinməyə başladı.
165
Bircə dəqiqə keçmədi xanım çıxdı. Həmzə bəy gülümsünə-
gülümsünə (guya xanımın gözəlliyinə heyran qalıb) onun
dalınca düşdü. Xanım
bir yerdə durdumu, Həmzə bəy də
yerişini yavaşıdıb, gözlərini ondan çəkmirdi. Xanım yola
düşdükdə bu da ardınca gedib söz atırdı. Bir neçə addım
getdilər. Xanım studentin münasibətsizliyin görüb, cadəni o
taya keçdi ki, onun əlindən xilas olsun. Həmzə bəy də adlayıb,
kompliment deməyə başladı:
– Gözlərinizin aydınlığına valeh olmuşam, bilsəniz, onlar
mənə nə həzz verir, nə lütflər əta edir. Heyf ki, siz də o dərəcə
qəlbi soyuqsunuz ki, məstanə nigahınızla
məni bəxtiyar
etmirsiniz.
Xanım bir qənnadı mağazasına daxil oldu. Həmzə bəy də
girib, şirniyyat sifariş etməyə başladı. Xanım dönüb nifrətli bir
nəzərlə baxdı. Student bundan rəncidə-xatir olmadı: «arvadları
gözəl edən onların ədasıdır, əda olmazsa hüsn də olmaz» –
deyə fikrindən keçirdi və əvvəlki qərarla xanıma zənlə baxdı.
Xanım şirniyyatı bağladıb, küçəyə çıxdı və fayton çağırıb
oturdu. Həmzə bəy irəliləyib gülə-gülə:
–
Məni də özünüzlə götürməyinizi rica edirəm! – dedi.
Acıqlı xanım bu sözlərdən guya məmnun olub gülümsündü.
– Buyurunuz! – deyib, studentə yanında yer göstərdi.
Oturdular. Atlar dörd nala götürüldü. Həmzə bəy səadətindən
çaşmışdı. Danışmaq istəyirdisə də, ürək döyünməsindən aram
tapa bilmirdi. Xanım qızarmışdı və dərin bir sükutda idi.
Həmzə bəy söhbətə cəsarət etdi.
– Mədid etinasızlığınız məni qorxutmadı: məni imtahana
çəkdiyinizi duymuşdum!
Xanım təbəssümlə studentin gözlərinə baxdı. Həmzə bəy
bundan məmnun fikrindən keçirdi: «arvad psixolojisinə
bələdəm – bağlı qapı tez açılar!
Siz nə qədər fikirlərinizi
məndən gizlətdinizsə də tez aşkar olmağına müvəffəq oldum».
Xanım üzünü çevirdi və Həmzə bəy yenə söhbətə məşğul oldu:
– Cürət ürək məhsuludur, ürəyim sizinlə olmasa idi, bu
166
cürət və onun nəticəsi müvəffəqiyyət və səadət olmazdı!..
Fayton təntənəli bir imarətin önündə durdu. Xanım və
Həmzə bəy qaldırım maşınına oturub, yeddinci mərtəbəyə
qalxdılar. Qapı açıldı, xanım Həmzə bəyi böyük salona dəvət
etdi:
Əyləşib dincəlməyinizi rica edirəm, mən də libasımı
dəyişib, bu dəqiqə gəlirəm.
Xanım o biri otaqa daxil oldu. Həmzə bəyi xəyalat götürdü:
«axırda fikrimə çatdım. İndi cəmi müsəlman studentləri mənim
dəbdəbəli ömrümə həsəd aparacaqlar. Bundan gözəl xanım
olmaz; yolunda da var-yoxumdan keçəcəyəm: gündə kef,
ləzzət, restoran, teatr...»
Həmzə bəy xəyalatda ikən salona qolları çırmalı iki
soldat
girdi. Bunlar kamal-aram ilə irəli yeriyib, Həmzə bəyi tutdular.
Bəy əvvəl bunların nə etdiklərini düşünmədi, sonra övzaidən
agah olub çığırdı. Soldatlar bəyi o ki var döydülər və qapını
açıb dalından da bir təpik ilişdirdilər, pilləkəndən aşağı düşdü.
Bəy bir neçə dəqiqədən sonra özünə gəlib, papağının tozunu
çırpa-çırpa enib getdi. Bir də xanım pilləkənin başında
göründü. Hiyləgər arvad gülə-gülə üzünü Həmzə bəyə çöndərib
dedi:
– Di get, bu sənə dərs olsun. Bir də belə biədəblik eləmə.
1912
167
YENİ BİR ALƏM
Həsən çəkməsini ayağından dərin bir iztirabla çıxardıb,
altına diqqətlə baxmağa başladı: gönu daş tamam aparmışdı;
daban da əldən düşmüşdü.
Həsən çəkməni o biri üzünə çevirdi:
üst tərəf də vecdən
çıxmışdı; neçə yerdən çatlamışdı.
Tələbəni fikir apardı – «Evdən aldığım 25 manatın səkkizi
otaq, səkkizi nahar; qalanı sabah və axşam xörəyi, kitab pulu və
xırda xərclər... Çəkmənin yırtılması hesabı dolaşdırır...» dedi.
Həsən baxıb gördü çəkmənin yamanması azından iki manat
edəcək, iki manatı da tapmaq qeyri-mümkün idi.
«Müsibət adama üz verəndə hər tərəfdən verər» – deyə
Həsən düşündü. Qorxdu. Qulaqlarında bir çingilti hüsula gəldi;
qeyri-şüuri bir halda əlini şalvarının arxa tərəfinə ehmalca
uzatdı... Heyhat!.. burada da əli
çilək kimi nazilmiş mahuda
dəydi. Tələbənin iztirabı bir az da artdı – oturub bir müddət
dinməz qaldı.
Dayanmaq yeri deyil idi: Həsən küncdə divara sancılmış
iynəni götürdü, masanın qutusundan sap çıxardıb sapladı və
barmağına üskük taxıb, şalvarın arxasını diqqətlə büzələməyə
başladı. Bir iynə vurdu, boşa çıxdı – mahud nazilmişdi, sapı
saxlamırdı. Həsən ikinci iynəni bir az geridən vurdu və deşiyi
yavaş-yavaş büzüb daraltdı. Axırda Həsən şalvarı bir az
özündən uzaq tutub baxdı; pis deyil idi – qara sap gözə
çarpırdısa da, yırtıq tutulmuşdu.
Məsələnin bir tərəfi, müvəqqəti də olsa, həll olundu. Həsən
bir
az sakit olmuşdu, bir də gözü təkrar çəkməyə sataşdı; ürəyi
yenidən xarab olmağa başladı. Həsəni yenə fikir götürdü:
yamaq pulunun tədarükü mühüm bir məsələ olaraq qarşısında
durdu. Həllini düşündü, yollar aradı. Dərs tapmaq mümkün
deyildi, qulluq yox idi; qazanc yolları hər yerdən bağlı idi.
Evdən də 25 manatdan artıq gözləyə bilməzdi. Çəkmə də
mülahizələrə tabe olası deyildi. Tez yamanmalı idi; yoxsa daha