148
başını yarır.
Fatma qocaldığını duyur, başı ağarıb, üzü qırışıb... «vay
cavanlıq!» deyə qışqırır...
Fatma qışqırıb, dəli kimi yataqdan qalxdı.
Dan yeri
sökülürdü. Ətrafında yatmış ata-anası xoruldayırdılar. Fatma
gördüyü yuxunun təsirindən hələ yenə də titrəmədə idi.
1911
149
POLİS PALTOSU
Talış xanın ürəyini söz dəlirdi. Özü də söz saxlamayan bir
adam, elə istəyirdi ki, qarşısına çıxana açıb dərdini desin. Bir
də, xan fikir eləyirdi: «hər sözü adam özgələrə deməz. İşdir,
birdən gedib qubernatın qulağına çatar, onda... onda nə olar,
adamı elə itirərlər ki, heç yeri-yurdu da məlum olmaz».
Xan özünə bir az öyüd-nəsihət verirdisə də, ürəyindəki söz
ona sakitlik vermirdi. «Yoxsa arvada deyim –
deyə xan yenə
özü ilə söhbət edirdi: arvad gedib mənim sözümü özgələrə
deyib, sirrimi açmayacaq ki, qubernat da məndən kəmiltifat
olsun. Deməz... ağzı da nədir desin; bir dəqiqədə nökərlərə
öldürdüb, meyidini itirdərəm».
Bir də Talış xan fikrini dəyişdi: «Arvad tayfası ağılsız olur.
Bunlara etibar edib söz demək olmaz. O da qan bahalı söz.
Yox, yaxşısı budur ki, gedib, dostum Paşa bəyə deyim. Özü də
elə gedim ki, heç kəs xəbərdar olmasın...»
Bu fikir xanın ağlına batdı. Nökərləri çağırdı ki, paltarını
gətirsinlər. Talış xan paltarını geyib və şübhə oyatmamaq üçün
Qars davasında aldığı «Georgi» xaçını döşünə taxıb, qırğısını
da qoluna alıb getdi.
Xan Paşa bəyin darvazasına yetişdikdə küçəyə zənn elədi
və şübhəli adam olmadığını görüb, içəri girdi. Böyük həyəti də
nəzərdən keçirib, köhnə imarətin pilləkənindən yuxarı çıxmağa
başladı. Paşa bəy yenicə ayaq barmaqlarına həna yaxıb, ocağın
qırağına uzatmışdı ki, Talış xan qapıdan girdi:
– Xeyirdimi, a qoduq – deyə bəy gülümsündü (xanla bəyin
zarafatı var idi: həmişə bir-birini «qoduq» deyə çağırırdılar).
– Xeyir olmamış nə var,
ölkə bir-birinə dəysin, sən də
ayağına həna yax.
Paşa bəy xanın üzündən ciddi və mühüm bir xəbər olmasını
anlayıb, yavaş bir səslə:
– Doğrudan, nə olub?
Bəyin cavabında xan bir az duruxdu və otağı da nəzərdən
150
keçirib, qayət yavaş bir səslə Paşa bəyin qulağına pıçıldadı:
– Deyirlər... qubernatın ayağına çiban çıxıb. Bəy bu sözdən
dik atılıb, az qaldı ürəyi getsin.
Xan da çəkilib bət-bənizi qaçmış bir tərəfdə toxdadı. Bir az
keçmiş xan cəsarətsiz:
– Bəlkə, allah eləməmiş, yevo prevosxoditelstvonun başına
bir
iş gəldi, onda nə təhər olacaq? Deyəcəklər ki, xanlar, bəylər
günahkardırlar.
Bəy yavaş səslə:
– Bəs nədir, elə urus da şıltağa gəzir...
Xan Paşa bəyin sözünü kəsib dedi:
– Başına dönüm, Paşa, urus adı çəkmə, nə lazım... Biz
həmişə urus padşahının itaətində olmuşuq, yenə hazırıq.
Ancaq... adamdır dayna, ürəyinə xof gəlir... İndi, nə bilim,
çibandır, vurdu birdən... başına dönüm, Paşa, gəl heç bu sözü
danışmayaq.
Paşa bəy bir az cürətli:
– A kişi, indi danışanda
bizi sürmüyəcəklər ki, sözdür...
Talış xan əli ilə Paşa bəyin ağzını tutub, yenə sözünü kəsib
dedi:
– Paşa, allah xatirinə, xataya salma, qələt eləmədim bir söz
dedim. Küyə salacaqsan, gedib qubernatın qulağına çatacaq,
ondan oyana di öl, Talış xan!
Paşa bəy xandan xilas olub, yenə danışmaq fikrində idi. Bir
də xan qulaqlarını tutub, «allah xatirinə məni xataya salma»
deyə-deyə otaqdan çıxdı. Balkonda qulluqçular ağalarının
paltarını şəlitə sərib, havaya verirdilər. Bunların içində qırmızı
boyunlu bir köhnə polis paltosu var idi. İttifaqən Talış xan
otaqdan çıxdıqda gözü bu polis paltosuna sataşdı.
Biçarə xan
belə guman elədi ki, pristav Paşa bəygildə qonaq imiş və
qubernatın çibanı barəsində olan söhbətləri tamamən eşidib. Bu
guman ilə xan aram tapa bilməyib, qorxulu gözləri paltoya
baxa-baxa yıxılıb, özündən getdi.
Bir dəqiqədə nökərlər töküldülər. Paşa bəy də içəridən
151
çıxdı. Su gətirdidər, Talış xanın
üzünə və sinəsinə su səpib,
ovmağa başladılar. Xan bir az özünə gəlib, bir də qəşş elədi.
Yenə üzünə su çiləyib, ayıltdılar; durub oturdu.
Paşa bəy soruşdu:
– Ay dadaş, axır sənə nə olub?
Xan buna cavabən titrək səslə:
– Nə olacaq, pristavı evə gətirirsən, mənə demirsən. Mən
də... olur da, adam artıq-əskik danışır.
– Ay dadaş, pristav burada yoxdur. Vallah, bilmirəm bunu
sənə kim xəbər verdi?
– Niyə, özüm görmürəmmi, paltosu da orada asılıb. «Palto»
sözündə xanın rəngi qaçdı. Paşa bəy and içə-içə:
– Ay Talış, vallah, billah,
palto özümündür, çıxardıb günə
verirlər.
Xan inanmaq istəmədi. Bəy sözündə davam edirdi:
– İstəyirsən dürüst bax, köhnə paltodur. Belə paltonu
pristav geyməz, onunku həmişə təzə olur. Mən bunu köhnə
paltar satandan almışam.
Paltonun köhnəliyini sübut etmək üçün biçarə Paşa bəy bir
çomaq götürüb, paltoya çırpdı, toz qalxıb, duman kimi ətrafı
tutdu. Xülasə, Paşa bəy və nökərləri nə qədər dəlil və sübut ilə
səy edib, paltonun rəvayətindən nağıl etdilərsə də, xanı
şübhədən çıxarda bilmədilər. Belə şübhəli
və bir az da rəncidə-
xatir xan durub darvazadan çıxdı.
Yol ilə gedərkən xan belə fikirdə idi: «Necə ola bilər ki,
mənim otuz illik əməyimi bir pristav zail eliyə. Mən otuz ildir
padşahıma nökərçilik eləmişəm. Qars davasında qan töküb,
rəşadət göstərmişəm... Necə ola bilər ki, ... mən bilirəm ki, bu
saat işlər qubernata məlum olacaq. Ondan sonra... mən
qubernatın gözünə görükə bilərəmmi?... Bircə çara var: gərək
bu saat qubernatın yanına gedib, ayaqlarına yıxılam; deyəm:
məni balalarının başına çevir.
***
Axşam xan ovqatı təlx evə qayıtdı. Qapıçılar cavab